Muqeddes Kalam (latin yéziq) Zebur 3

3-küy •••• Seherdiki dua

1 Dawut öz oghli Abshalomdin qéchip yürgen künlerde yazghan küy: —

I Perwerdigar, méni qistawatqanlar neqeder köpiyip ketken,

Men bilen qarshilishiwatqanlar némidégen köp!□ ■

2 Nurghunlar men toghruluq: —

«Xudadin uninggha héch nijat yoqtur!» déyishiwatidu.

Sélah!□

3 Biraq Sen, i Perwerdigar, etrapimdiki qalqandursen;

Shan-sheripim hem béshimni yöligüchidursen!□

4 Awazim bilen men Perwerdigargha nida qilimen,

U muqeddes téghidin ijabet béridu.

Sélah.

5 Men bolsam yattim, uxlidim;

Oyghandim, chünki Perwerdigar manga yar-yölek bolidu.■

6 Méni qorshap sep tüzgen tümenligen ademler bolsimu,

Men ulardin qorqmaymen!■

7 I Perwerdigar, ornungdin tur!

Méni qutquz, i Xudayim!

Méning barliq düshmenlirimning testikige salghaysen;

Rezillerning chishlirini chéqiwetkeysen!

8 Nijatliq bolsa Perwerdigardindur;

Berikiting Öz xelqingde bolsun!

Sélah!■

Zebur
<
3
>

□3:1 «Dawut öz oghli Abshalomdin qéchip yürgen künlerde...» — mushu weqe, «2Sam.» 15-18-babta xatirilen’gen.

■3:1 2Sam. 15,16,17,18

□3:2 «Xudadin uninggha héch nijat yoqtur!» — démisekmu, «nijat» «(Xudadin kelgen) qutquzush» dégenni bildüridu. «Sélah» — mushu söz belkim küy chalghan waqtida muzikidiki bir «pauza»ni körsitishi mumkin; shuning bilen uning: — «Toxta, oylan!» dégen imasi bolushi mumkin.

□3:3 «Shan-sheripim hem béshimni yöligüchidursen!» — «méning shan-sheripim» dégen ibare ikki bisliq söz bolup, belkim: (1) Dawutning medhiyisining témisi Xuda Özidur; (2) Xudaning Dawutning öz Xudasi bolghanliqi, bu nahayiti pexirlik, shereplik ishtur, dégen ikki menini bildürüshi mumkin.

■3:5 Zeb. 4:8

■3:6 Zeb. 27:3

■3:8 Pend. 21:31; Yesh. 43:11; Yer. 3:23; Hosh. 13:4; Weh. 7:10; 19:1