1 Dawut yazghan küy: —

Perwerdigar, kim chédiringda turalaydu?

Kim pak-muqeddes téghingda makanlishidu?

2 Kimki tamamen durusluqta mangsa,

Heqqaniyliqni yürgüzse,

Könglide heqiqetni sözlise;■Zeb. 24:4; Yesh. 33:15

3 Tili bilen gep toshumisa,

Öz yéqinigha yamanliq qilmisa,

Qoshnisining eyibini kolap achmisa,

4 Pes ademni közge ilmisa,

Perwerdigardin eyminidighanlarni hörmetlise,

Özige ziyanliq bolghan teqdirdimu ichken qesimini özgertmise,

5 Pulni xeqlerge ösümge bermise,

Bigunahlarning ziyinigha para almisa;

Kimki mushularni qilsa,

Menggüge tewrenmes.