24
24-küy •••• Perwerdigarning ghelibisi
1 Dawut yazghan küy: —
Perwerdigargha mensüptur, jahan we uninggha tolghan hemme mewjudatlar;
Uninggha teelluqtur yer yüzi we uningda turiwatqanlarmu;■Mis. 19:5; Qan. 10:14; Ayup 41:3; Zeb. 50:12; 1Kor. 10:26,28
2 Chünki jahanning ulini chongqur déngizlar üstige orunlashturup,
Yerni sular üstige ornatqan Udur.
3 Perwerdigarning téghigha kim chiqalaydu?
Uning muqeddes jayigha kim kirip turalaydu? ■Zeb. 15:1; Yesh. 33:14,15
4 — Qolliri gunahtin pakiz, dili sap,
Quruq nersilerge telmürüp qarimighan,
Yalghan qesem qilmighan kishi kireleydu. □«Quruq nersilerge telmürüp qarimighan» — «quruq nersiler» butlarni körsitidu.
5 Bundaq kishi bolsa Perwerdigardin bextni,
Öz nijatliqi bolghuchi Xudadin heqqaniyliqni tapshuruwalidu we uni kötürüp yüridu;□«... tapshuruwalidu we uni kötüridu» — bu ikki péil ibraniy tilida birla péil bilen ipadilinidu.
6 Bu dewr Uni izdigüchi dewrdur,
Yeni Séning didaringni izdigüchiler, i Yaqupning Xudasi!
7 I qowuqlar, béshinglarni kötürünglar!
Keng échilinglar!
I menggülük ishikler, kötürülünglar!
Shuning bilen shan-sherep igisi Padishah kiridu!□«I qowuqlar, béshinglarni kötürünglar! Keng échilinglar! I menggülük ishikler, kötürülünglar!» — qedimki zamanlarda qowuqlar échilghanda yuqiridin kötürületti.
8 Shan-sherep igisi Padishah dégen kim?
U Perwerdigardur, u küchlük we qudretliktur!
Perwerdigar, jeng meydanida qudretliktur!
9 I qowuqlar, béshinglarni kötürünglar!
Keng échilinglar!
I menggülük ishikler, béshinglarni kötürünglar!
Shuning bilen shan-sherep igisi Padishah kiridu!
10 Shan-sherep igisi Padishah dégen kim?
Samawiy qoshunlarning Serdari bolghan Perwerdigar bolsa, shan-sherep igisi Padishahtur!
Sélah!
■24:1 Mis. 19:5; Qan. 10:14; Ayup 41:3; Zeb. 50:12; 1Kor. 10:26,28
■24:3 Zeb. 15:1; Yesh. 33:14,15
□24:4 «Quruq nersilerge telmürüp qarimighan» — «quruq nersiler» butlarni körsitidu.
□24:5 «... tapshuruwalidu we uni kötüridu» — bu ikki péil ibraniy tilida birla péil bilen ipadilinidu.
□24:6 «...Yeni Séning didaringni izdigüchiler, i Yaqupning Xudasi!» — yene birxil terjimisi «Yeni Séning didaringni izdigüchiler bolghan Yaquptin ibarettur».
□24:7 «I qowuqlar, béshinglarni kötürünglar! Keng échilinglar! I menggülük ishikler, kötürülünglar!» — qedimki zamanlarda qowuqlar échilghanda yuqiridin kötürületti.