54
54-küy •••• Satqunluqqa uchrighanda qilghan dua
1 Neghmichilerning béshigha tapshurulup, tarliq sazlar bilen oqulsun dep, Dawut yazghan «Masqil» (Zif shehiridikiler Saul padishahning yénigha bérip: «Dawut bizning mushu yurtimizgha möküwalghan, sili bilmemdila?» dep ayghaqchiliq qilghandin kéyin yézilghan):
I Xuda, Öz naming bilen méni qutquzghaysen;
Zor qudriting bilen dewayimni sorighaysen. □«Zif shehiridikiler Saul padishahning yénigha bérip: «Dawut bizning mushu yurtimizgha möküwalghan, sili bilmemdila?» dep ayghaqchiliq qilghandin kéyin yézilghan» — bu weqeler «1Sam.» 23:14-29-ayetlerde bayan qilinidu. ■1Sam. 23:19-28; 26:1
2 I Xuda, duayimni anglighaysen;
Aghzimdiki sözlerge qulaq salghaysen.
3 Chünki yat ademler manga hujum qilishqa ornidin turdi;
Zomigerler méning jénimni owlimaqta;
Ular Xudani nezirige héch ilmaydu.
4 Qara, Xuda manga yardem qilghuchidur;
Reb jénimni yöleydighanlar arisididur.
Sélah.
5 U düshmenlirimning yamanliqini özige qayturidu;
I Xuda, Öz heqiqiting bilen ularni üzüp tashlighaysen.
6 Men Sanga xalis qurbanliqlar sunimen;
Namingni medhiyeleymen, i Perwerdigar;
7 Chünki U méni barliq bala-qazalardin qutquzdi;
Düshmenlirimning meghlubiyitini öz közum bilen kördüm.
□54:1 «Zif shehiridikiler Saul padishahning yénigha bérip: «Dawut bizning mushu yurtimizgha möküwalghan, sili bilmemdila?» dep ayghaqchiliq qilghandin kéyin yézilghan» — bu weqeler «1Sam.» 23:14-29-ayetlerde bayan qilinidu.
□54:3 «Yat ademler ... ornidin turdi» — yaki «Tekebbur ademler ... ornidin turdi».
□54:6 «Men Sanga xalis qurbanliqlar sunimen» — «xalis qurbanliqlar»: Musa peyghember tüzgen nizam boyiche, «xalis qurbanliq» Xudaning körsetken melum iltipati yaki shepqiti üchün rehmetlerni bildüridighan birxil qurbanliq.