96
96-küy •••• Alem Igisi kélidu!
1 Perwerdigargha atap yéngi naxsha éytinglar!
Pütkül yer yüzi, Perwerdigarni küylenglar!■1Tar. 16:23-33
2 Perwerdigargha naxsha éytinglar, namigha teshekkür-medhiye qayturunglar,
Nijatliqini her küni élan qilinglar!
3 Uning shan-shöhritini eller arisida,
Uning möjizilirini barliq xelqler arisida jakarlanglar!
4 Chünki Perwerdigar ulugh, zor medhiyelerge layiqtur!
U barliq ilahlardin üstün, Uningdin qorqush kérektur;□«Uningdin qorqush kérektur» — yaki «U dehshetlik-qorqunchluqtur».
5 Chünki barliq xelqlerning ilahliri — Butlar xalas,
Biraq Perwerdigar asman-pelekni yaratqandur.□«...barliq xelqlerning ilahliri — butlar xalas» — «butlar» ibraniy tilida «erzimesler».
6 Shanu-shewket we heywet Uning aldida,
Muqeddes jayida qudret we güzellik körünidu.
7 Perwerdigargha teelluqini bergeysiler, i el-qebililer,
Perwerdigargha shan-shöhret we qudretni bergeysiler!□«Perwerdigargha shan-shöhret we qudretni bergeysiler!» — mushu sözler belkim shuni bildüriduki, Xudagha Özige layiq shan-sherep keltürsek, bu qilghinimiz uninggha biz arqiliq Öz küch-qudritini téximu körsitish imkaniyitini yaritidu.
8 Perwerdigargha Öz namigha layiq shan-shöhretni bergeysiler;
Sowgha-salam élip hoylilirigha kiringlar!
9 Perwerdigargha pak-muqeddeslikning güzellikide sejde qilinglar;
Pütkül yer-yüzi, Uning aldida titrenglar!□«... pak-muqeddeslikning güzellikide sejde qilinglar» — yaki «... pak-muqeddes éginlerni kiyip sejde qilinglar». ■Zeb. 29:2
10 Eller arisida élan qilinglar: —
«Perwerdigar höküm süridu!
Shunga mana, dunya mezmut qilin’ghan, u tewrenmes esla.
U adilliq bilen xelqler üstide höküm chiqiridu.
11 Asmanlar shadlansun, yer-jahan xush bolsun,
Déngiz-okyan we uninggha tolghan hemme chuqan sélip jush ursun!
12 13 Dalalar hem ulardiki hemme yayrisun!
U chaghda ormandiki pütkül derexler Perwerdigar aldida yangritip naxsha éytidu;
Chünki mana, U kélidu!
U jahanni soraq qilishqa kélidu;
U alemni adilliq bilen,
Xelqlerni Öz heqiqet-sadaqitide soraq qilidu.■Zeb. 98:7-8; Weh. 19:11
□96:4 «Uningdin qorqush kérektur» — yaki «U dehshetlik-qorqunchluqtur».
□96:5 «...barliq xelqlerning ilahliri — butlar xalas» — «butlar» ibraniy tilida «erzimesler».
□96:7 «Perwerdigargha shan-shöhret we qudretni bergeysiler!» — mushu sözler belkim shuni bildüriduki, Xudagha Özige layiq shan-sherep keltürsek, bu qilghinimiz uninggha biz arqiliq Öz küch-qudritini téximu körsitish imkaniyitini yaritidu.
□96:9 «... pak-muqeddeslikning güzellikide sejde qilinglar» — yaki «... pak-muqeddes éginlerni kiyip sejde qilinglar».
■96:12 Zeb. 98:7-8; Weh. 19:11