21
Dawutning gunaⱨi — u aⱨalini sanaⱪtin ɵtküzidu
2Sam. 24:1-25
1 Xǝytan Israillarƣa zǝrbǝ berix üqün, Dawutni Israillarni sanaⱪtin ɵtküzüxkǝ eziⱪturdi. □«Xǝytan Israillarƣa zǝrbǝ berix üqün, Dawutni Israillarni sanaⱪtin ɵtküzüxkǝ eziⱪturdi» — «sanaⱪtin ɵtküzüx» degǝn sɵz Israilning ǝskiriy küqini kɵzdǝ tutidu. 5-ayǝtni kɵrüng.
Baxⱪa birhil tǝrjimisi «Düxmǝnning Israillarƣa zǝrbǝ bǝrmǝkqi bolƣini Dawutni Israillarni sanaⱪtin ɵtküzüxkǝ aldiratti» («Xǝytan» wǝ «düxmǝn» ibraniy tilida bir sɵz bilǝnla ipadilinidu). Bizningqǝ «eziⱪturidu» yaki «aldiratti» degǝn sɵz bir roⱨiy küqning mǝwjutluⱪini kɵrsitidu, xunga «Xǝytan» dǝp tǝrjimǝ ⱪilduⱪ. «2Sam.» 24:1nimu kɵrüng. 2 Xunga Dawut Yoabⱪa wǝ hǝlⱪning yolbaxqiliriƣa: «Silǝr Bǝǝr-Xebadin Danƣiqǝ arilap Israillarni sanaⱪtin ɵtküzüp kelip mening bilǝn kɵrüxünglar, ularning sanini bilǝy» dedi. □«Bǝǝr-Xebadin Danƣiqǝ» — «Bǝǝr-Xeba» Israil zenimining ǝng jǝnubiy qetidǝ, «Dan» bolsa ǝng ximaliy qetidǝ idi. 3 Lekin Yoab jawabǝn: —«Pǝrwǝrdigar Ɵz hǝlⱪini ⱨazir mǝyli ⱪanqilik bolsun, yüz ⱨǝssǝ axuruwǝtkǝy. Lekin i hojam padixaⱨim, ularning ⱨǝmmisi ɵzüngning hizmitingdǝ turuwatⱪanlar ǝmǝsmu? Hojam bu ixni zadi nemǝ dǝp tǝlǝp ⱪilidu? Hojam Israilni nemixⱪa gunaⱨⱪa muptila ⱪilidila?» — dedi.□«Hojam Israilni nemixⱪa gunaⱨⱪa muptila ⱪilidila?» — ⱪiziⱪ yeri xuki, Yoab adǝttǝ Hudadin anqǝ ⱪorⱪmaydiƣan adǝm bolup, muxu waⱪitlarda hojisiƣa ⱪariƣanda, Hudaning iradisini obdan bilǝtti. «Hǝlⱪni sanaⱪtin ɵtküzüx» degǝn gunaⱨ toƣruluⱪ «Samuil»diki «ⱪoxumqǝ sɵz»imizdǝ azraⱪ tohtilimiz.
Baxⱪa birhil tǝrjimisi «Düxmǝnning Israillarƣa zǝrbǝ bǝrmǝkqi bolƣini Dawutni Israillarni sanaⱪtin ɵtküzüxkǝ aldiratti» («Xǝytan» wǝ «düxmǝn» ibraniy tilida bir sɵz bilǝnla ipadilinidu). Bizningqǝ «eziⱪturidu» yaki «aldiratti» degǝn sɵz bir roⱨiy küqning mǝwjutluⱪini kɵrsitidu, xunga «Xǝytan» dǝp tǝrjimǝ ⱪilduⱪ. «2Sam.» 24:1nimu kɵrüng. 2 Xunga Dawut Yoabⱪa wǝ hǝlⱪning yolbaxqiliriƣa: «Silǝr Bǝǝr-Xebadin Danƣiqǝ arilap Israillarni sanaⱪtin ɵtküzüp kelip mening bilǝn kɵrüxünglar, ularning sanini bilǝy» dedi. □«Bǝǝr-Xebadin Danƣiqǝ» — «Bǝǝr-Xeba» Israil zenimining ǝng jǝnubiy qetidǝ, «Dan» bolsa ǝng ximaliy qetidǝ idi. 3 Lekin Yoab jawabǝn: —«Pǝrwǝrdigar Ɵz hǝlⱪini ⱨazir mǝyli ⱪanqilik bolsun, yüz ⱨǝssǝ axuruwǝtkǝy. Lekin i hojam padixaⱨim, ularning ⱨǝmmisi ɵzüngning hizmitingdǝ turuwatⱪanlar ǝmǝsmu? Hojam bu ixni zadi nemǝ dǝp tǝlǝp ⱪilidu? Hojam Israilni nemixⱪa gunaⱨⱪa muptila ⱪilidila?» — dedi.□«Hojam Israilni nemixⱪa gunaⱨⱪa muptila ⱪilidila?» — ⱪiziⱪ yeri xuki, Yoab adǝttǝ Hudadin anqǝ ⱪorⱪmaydiƣan adǝm bolup, muxu waⱪitlarda hojisiƣa ⱪariƣanda, Hudaning iradisini obdan bilǝtti. «Hǝlⱪni sanaⱪtin ɵtküzüx» degǝn gunaⱨ toƣruluⱪ «Samuil»diki «ⱪoxumqǝ sɵz»imizdǝ azraⱪ tohtilimiz.
4 Lekin padixaⱨning sɵzi Yoabning sɵzini besip qüxti; xunga Yoab qiⱪip pütün Israil zeminini arilap Yerusalemƣa ⱪaytip kǝldi. 5 Yoab sanaⱪtin ɵtküzülgǝn hǝlⱪning sanini Dawutⱪa mǝlum ⱪildi; pütün Israilda ⱪolida ⱪiliq kɵtürǝlǝydiƣan adǝmlǝr bir milyon bir yüz ming; Yǝⱨudalardin ⱪolida ⱪiliq kɵtürǝlǝydiƣan adǝmlǝr tɵt yüz yǝtmix ming bolup qiⱪti. 6 Biraⱪ Lawiylar bilǝn Binyaminlarla sanaⱪⱪa kirmidi; qünki padixaⱨning bu buyruⱪi Yoabning nǝziridǝ yirginqlik idi.
Pǝrwǝrdigar jaza qüxüridu
7 Huda bu ixni yaman kɵrgǝqkǝ, Israillarƣa zǝrbǝ bǝrdi. □«Huda bu ixni yaman kɵrgǝqkǝ, Israillarƣa zǝrbǝ bǝrdi» — nemixⱪa «hǝlⱪni sanaⱪtin ɵtküzüx» gunaⱨ ⱨesablinidu? Bu toƣruluⱪ «Samuil»diki «ⱪoxumqǝ sɵz»imizni kɵrüng. 8 Dawut Hudaƣa: «Mǝn bu ixni ⱪilip qong gunaⱨ ɵtküzüptimǝn; ǝmdi mǝnki ⱪulungning bu ⱪǝbiⱨlikini kǝqürüxingni tilǝymǝn, qünki mǝn tolimu ǝhmiⱪanǝ ix ⱪiptimǝn» — dedi.
9 Pǝrwǝrdigar Dawutning aldin kɵrgüqisi bolƣan Gadⱪa: 10 Sǝn berip Dawutⱪa eytip: «Pǝrwǝrdigar mundaⱪ dǝyduki, Mǝn sanga üq bala-ⱪazani aldingda ⱪoyimǝn; xuningdin birini talliwal, Mǝn xuni bexinglarƣa qüxürimǝn» degin, — dedi.
11 Xuning bilǝn Gad Dawutning yeniƣa kelip: «Pǝrwǝrdigar mundaⱪ dǝydu: 12 «Ⱪeni talliƣin: Ya üq yil aqarqiliⱪta ⱪelixtin, ya üq ay düxmǝnlǝrning aldidin ⱪeqip, yawliring tǝripidin ⱪoƣlap ⱪiliqlinixidin wǝ yaki üq kün Pǝrwǝrdigarning ⱪiliqining uruxi — yǝni waba kesilining zeminda tarⱪilixi, Pǝrwǝrdigarning Pǝrixtisining Israilning pütün qegrisini harab ⱪilixidin birini talliƣin». Əmdi oylinip kɵr, bir nemǝ degin; mǝn meni ǝwǝtküqigǝ nemǝ dǝp jawap berǝy?» dedi. 13 Dawut Gadⱪa: «Mǝn bǝk ⱪattiⱪ tǝngliktǝ ⱪaldim; ǝmdi Pǝrwǝrdigarning ⱪoliƣa qüxǝy dǝymǝn, qünki U tolimu xǝpⱪǝtliktur. Pǝⱪǝt insanlarning ⱪoliƣa qüxmisǝm, dǝymǝn» dedi.
14 Xu sǝwǝblik Pǝrwǝrdigar Israilƣa waba tarⱪatti; Israillardin yǝtmix ming adǝm ɵldi. 15 Huda Yerusalemni wǝyran ⱪilip taxlax üqün bir Pǝrixtini ǝwǝtti; u wǝyran ⱪiliwatⱪanda, Pǝrwǝrdigar ǝⱨwalni kɵrüp ɵzi qüxürgǝn bu bala-ⱪazadin puxayman ⱪilip ⱪaldi-dǝ, wǝyran ⱪilƣuqi Pǝrixtigǝ: «Bǝs! Əmdi ⱪolungni tart!» dedi. U qaƣda Pǝrwǝrdigarning Pǝrixtisi Yǝbusiy Ornanning haminining yenida turatti. □«Ornan» — yaki «Arawna». «2Sam.» 24:16ni kɵrüng. 16 Dawut bexini kɵtürüp, Pǝrwǝrdigarning Pǝrixtisining asman bilǝn yǝrning ariliⱪida, ⱪolidiki ƣilaptin suƣurƣan ⱪiliqini Yerusalemƣa tǝnglǝp turƣanliⱪini kɵrdi. Dawut bilǝn aⱪsaⱪallarning ⱨǝmmisi bɵz rǝhtkǝ oralƣan ⱨalda yǝrgǝ düm yiⱪildi. 17 Dawut Hudaƣa: «Hǝlⱪning sanini elip qiⱪixni buyruƣuqi mǝn ǝmǝsmu? Gunaⱨ ⱪilip bu rǝzillik ɵtküzgüqi mǝndurmǝn; bu bir pada ⱪoylar bolsa, zadi nemǝ ⱪildi? Aⱨ, Pǝrwǝrdigar Hudayim, ⱪolung Ɵz hǝlⱪinggǝ ǝmǝs, bǝlki manga wǝ mening jǝmǝtimgǝ qüxkǝy, wabani Ɵz hǝlⱪingning üstigǝ qüxürmigǝysǝn!» dedi.
Dawut ⱪurbangaⱨ selip ⱪurbanliⱪ sunidu
18 Pǝrwǝrdigarning Pǝrixtisi Gadⱪa: Sǝn berip Dawutⱪa eytⱪin, u Yǝbusiy Ornanning haminiƣa qiⱪip Pǝrwǝrdigarƣa bir ⱪurbangaⱨ salsun, dewidi, 19 Dawut Gadning Pǝrwǝrdigarning namida eytⱪini boyiqǝ xu yǝrgǝ qiⱪti. 20 U qaƣda Ornan buƣday tepiwatatti; Ornan burulup Pǝrixtini kɵrüp, ɵzi tɵt oƣli bilǝn mɵküwalƣanidi. 21 Dawut Ornanning yeniƣa kǝlgǝndǝ, u bexini kɵtürüp Dawutni kɵrüp, hamandin qiⱪip kǝldi-dǝ, bexini yǝrgǝ tǝgküdǝk egip Dawutⱪa tǝzim ⱪildi.
22 Dawut Ornanƣa: «Hǝlⱪ iqidǝ taralƣan wabani tosup ⱪelix üqün, muxu hamanni wǝ ǝtrapidiki yǝrni manga setip bǝrsǝng, bu yǝrdǝ Pǝrwǝrdigarƣa atap bir ⱪurbangaⱨ salay dǝymǝn. Sǝn toluⱪ baⱨa ⱪoyup bu yeringni manga setip bǝrsǝng» dedi.
23 — Alsila, ƣojam padixaⱨimning ⱪandaⱪ ⱪilƣusi kǝlsǝ xundaⱪ ⱪilƣay; ⱪarisila, ⱪurbanliⱪ ⱪilixⱪa kalilarni berǝy, haman tepidiƣan tirnilarni otun ⱪilip ⱪalisila, buƣdayni ax ⱨǝdiyǝsigǝ ixlǝtsilǝ; bularning ⱨǝmmisini mǝn ɵzlirigǝ tuttum, dedi Ornan Dawutⱪa.
24 «Yaⱪ», — dedi Dawut Ornanƣa, — «ⱪandaⱪla bolmisun mǝn toluⱪ baⱨasi boyiqǝ setiwalimǝn; qünki mǝn seningkini eliwelip Pǝrwǝrdigarƣa atisam bolmaydu, bǝdǝl tɵlimǝy kɵydürmǝ ⱪurbanliⱪni ⱨǝrgiz sunmaymǝn».
25 Xuning bilǝn Dawut altǝ yüz xǝkǝl altunni ɵlqǝp Ornanƣa berip u yǝrni setiwaldi.□«altǝ yüz xǝkǝl altun» — 600 xǝkǝl 7 kilogramqǝ bolatti. «2Sam.» 24:24 boyiqǝ u «haman wǝ kalilar» üqün 50 xǝkǝl kümüx beridu. Muxu yǝrdǝ u xubⱨisizki Ornanning pütkül «yǝr»ini setiwalidu.
26 Dawut u yǝrgǝ Pǝrwǝrdigarƣa atap bir ⱪurbangaⱨ saldi wǝ kɵydürmǝ ⱪurbanliⱪ wǝ inaⱪliⱪ ⱪurbanliⱪi sunup, Pǝrwǝrdigarƣa nida ⱪildi; Pǝrwǝrdigar uning tiligini ⱪobul kɵrüp, jawabǝn asmandin kɵydürmǝ ⱪurbanliⱪ ⱪurbangaⱨiƣa ot qüxürdi.
27 Pǝrwǝrdigar Pǝrixtisini buyruwidi, U ⱪiliqini ⱪaytidin ƣilipiƣa saldi.
Muⱪǝddǝs ibadǝthana selix ornini bekitix
28 U qaƣda, Dawut Pǝrwǝrdigarning Yǝbusiylardin bolƣan Ornanning haminida uning tilikigǝ jawab bǝrgǝnlikini kɵrüp, xu yǝrdǝ ⱪurbanliⱪ sunuxⱪa baxlidi. 29 U qaƣda, Musa qɵldǝ yasatⱪan Pǝrwǝrdigarning qediri wǝ kɵydürmǝ ⱪurbanliⱪ ⱪurbangaⱨi Gibeonning egizlikidǝ idi; 30 lekin Dawut Pǝrwǝrdigarning Pǝrixtisining ⱪiliqidin ⱪorⱪup, u yǝrning aldiƣa berip Hudadin yol soraxⱪa jür’ǝt ⱪilalmaytti.
□21:1 «Xǝytan Israillarƣa zǝrbǝ berix üqün, Dawutni Israillarni sanaⱪtin ɵtküzüxkǝ eziⱪturdi» — «sanaⱪtin ɵtküzüx» degǝn sɵz Israilning ǝskiriy küqini kɵzdǝ tutidu. 5-ayǝtni kɵrüng. Baxⱪa birhil tǝrjimisi «Düxmǝnning Israillarƣa zǝrbǝ bǝrmǝkqi bolƣini Dawutni Israillarni sanaⱪtin ɵtküzüxkǝ aldiratti» («Xǝytan» wǝ «düxmǝn» ibraniy tilida bir sɵz bilǝnla ipadilinidu). Bizningqǝ «eziⱪturidu» yaki «aldiratti» degǝn sɵz bir roⱨiy küqning mǝwjutluⱪini kɵrsitidu, xunga «Xǝytan» dǝp tǝrjimǝ ⱪilduⱪ. «2Sam.» 24:1nimu kɵrüng.
□21:2 «Bǝǝr-Xebadin Danƣiqǝ» — «Bǝǝr-Xeba» Israil zenimining ǝng jǝnubiy qetidǝ, «Dan» bolsa ǝng ximaliy qetidǝ idi.
□21:3 «Hojam Israilni nemixⱪa gunaⱨⱪa muptila ⱪilidila?» — ⱪiziⱪ yeri xuki, Yoab adǝttǝ Hudadin anqǝ ⱪorⱪmaydiƣan adǝm bolup, muxu waⱪitlarda hojisiƣa ⱪariƣanda, Hudaning iradisini obdan bilǝtti. «Hǝlⱪni sanaⱪtin ɵtküzüx» degǝn gunaⱨ toƣruluⱪ «Samuil»diki «ⱪoxumqǝ sɵz»imizdǝ azraⱪ tohtilimiz.
□21:7 «Huda bu ixni yaman kɵrgǝqkǝ, Israillarƣa zǝrbǝ bǝrdi» — nemixⱪa «hǝlⱪni sanaⱪtin ɵtküzüx» gunaⱨ ⱨesablinidu? Bu toƣruluⱪ «Samuil»diki «ⱪoxumqǝ sɵz»imizni kɵrüng.
□21:15 «Ornan» — yaki «Arawna». «2Sam.» 24:16ni kɵrüng.
□21:25 «altǝ yüz xǝkǝl altun» — 600 xǝkǝl 7 kilogramqǝ bolatti. «2Sam.» 24:24 boyiqǝ u «haman wǝ kalilar» üqün 50 xǝkǝl kümüx beridu. Muxu yǝrdǝ u xubⱨisizki Ornanning pütkül «yǝr»ini setiwalidu.