21
Kaⱨinlarni baxⱪuridiƣan bǝlgilimilǝr
1 Pǝrwǝrdigar Musaƣa sɵz ⱪilip mundaⱪ dedi: —
Sǝn kaⱨinlar bolƣan Ⱨarunning oƣulliriƣa mundaⱪ degin: — bir kaⱨin ɵz hǝlⱪining arisidiki ɵlgǝnlǝr wǝjidin ɵzini napak ⱪilmisun. 2 Pǝⱪǝt ɵzining yeⱪin tuƣⱪanliri üqün — anisi bilǝn atisi, oƣli bilǝn ⱪizi wǝ aka-inisining ɵlüki tüpǝylidin ɵzini napak ⱪilsa bolidu; 3 xuningdǝk ǝgǝr aqa-singlisi ǝrgǝ tǝgmǝy pak ⱪiz ⱨalǝttǝ ɵzi bilǝn billǝ turuwatⱪan bolsa, uning ɵlüki tüpǝylidin ɵzini napak ⱪilsa bolidu; 4 qünki kaⱨin ɵz hǝlⱪining arisida mɵtiwǝr bolƣaqⱪa, ɵzini napak ⱪilip bulƣimasliⱪi kerǝk.□«qünki kaⱨin ɵz hǝlⱪining arisida mɵtiwǝr bolƣaqⱪa, ɵzini napak ⱪilip bulƣimasliⱪi kerǝk» — baxⱪa birhil tǝrjimisi: «qünki u (kaⱨin) ɵz hǝlⱪi iqidǝ ayalning eri süpitidǝ ɵzini napak ⱪilip bulƣimasliⱪi kerǝk». Bu tǝrjimining mǝnisi: «u ayal tǝrǝpning uruⱪ-tuƣⱪanlirining ɵlüklirigǝ yeⱪin kǝlmǝsliki, uningƣa tǝgmǝsliki kerǝk».
5 Kaⱨinlar bexini yerim-yata ⱪilip qüxürmǝsliki, saⱪilining uq-yanlirini ⱨǝm qüxürmǝsliki, bǝdinigimu zǝhim yǝtküzüp tilmasliⱪi kerǝk, 6 bǝlki ular ɵz Hudasiƣa muⱪǝddǝs turup, Hudasining namini bulƣimasliⱪi kerǝk; qünki ular Pǝrwǝrdigarƣa atap otta sunulidiƣan ⱪurbanliⱪlarni, ɵz Hudasining nenini sunidu; xunga ular muⱪǝddǝs boluxi kerǝk.
7 Ular bir ayalni ɵz ǝmrigǝ alƣanda paⱨixǝ ayalnimu, buzuⱪ ayalnimu almasliⱪi kerǝk wǝ eri ⱪoyuwǝtkǝn ayalnimu almisun. Qünki kaⱨin bolsa ɵz Hudasiƣa has muⱪǝddǝs ⱪilinƣan. 8 U Hudayingning nenini sunƣini üqün u sanga nisbǝtǝn muⱪǝddǝs dǝp sanilixi kerǝk; qünki silǝrni muⱪǝddǝs ⱪilƣuqi Pǝrwǝrdigar Ɵzüm muⱪǝddǝsturmǝn.
9 Əgǝr bir kaⱨinning ⱪizi paⱨixilik ⱪilip ɵzini bulƣiƣan ⱪilsa, ɵz atisini bulƣiƣan bolidu; u otta kɵydürülsun.
Bax kaⱨin toƣruluⱪ bǝlgilimilǝr
10 Bexiƣa mǝsiⱨlǝx zǝytun meyi tɵkülgǝn, kaⱨinliⱪ kiyimlǝrni kiyixkǝ tiklǝngǝn, ɵz ⱪerindaxlirining arisida bax kaⱨin ⱪilinƣan kixi yalangbax bolmisun, kiyimlirinimu yirtmisun; □««yalangbax bolux» wǝ «kiyimlǝrni yirtix»» — ⱨǝr ikki ⱨǝrikǝt matǝm tutuxning birhil ipadisi idi. Bax kaⱨinning alaⱨidǝ ⱨǝm muⱪǝddǝs wǝzipisi bolƣaqⱪa, ⱨǝtta matǝm ixliridimu hizmǝt orni wǝ burqidin ayrilmasliⱪi kerǝk idi (11-12-ayǝtnimu kɵrüng). 11 U yǝnǝ ⱨeq ɵlükkǝ yeⱪinlaxmasliⱪi kerǝk, ⱨǝtta atisi wǝ yaki anisining ɵlüklirining wǝjidin ɵzini napak ⱪilmasliⱪi kerǝk. □«U yǝnǝ ⱨeq ɵlükkǝ yeⱪinlaxmasliⱪi kerǝk,... ɵlüklirining wǝjidin ɵzini napak ⱪilmasliⱪi kerǝk» — birsi ɵlükkǝ tǝgsǝ «napak» dǝp ⱨesablanƣaqⱪa, kaⱨin bir ɵlükkǝ tǝgkǝn bolsa ɵz wǝzipisini yürgüzǝlmǝydiƣan bolup ⱪalidu. 12 U wǝzipisidǝ turuwatⱪanda muⱪǝddǝs jaydin ⱨǝrgiz ayrilmisun wǝ xuningdǝk Hudasining muⱪǝddǝs jayini bulƣimasliⱪi kerǝk; qünki uning Hudasining uni Ɵzigǝ has ⱪilƣan «mǝsiⱨlǝx meyi» uning bexida turidu. Mǝn Pǝrwǝrdigardurmǝn.
13 U hotun alsa pak ⱪizni elixi kerǝk; 14 tul wǝ yaki ǝrdin ⱪoyuwetilgǝn ayal wǝ yaki buzuⱪ wǝ yaki paⱨixǝ ayal bolsa bularni almasliⱪi, bǝlki ɵz hǝlⱪidin bolƣan pak ⱪizni hotunluⱪⱪa elixi kerǝk. 15 Bolmisa u ɵz hǝlⱪining arisida ɵz uruⱪini napak ⱪilidu; qünki uni muⱪǝddǝs ⱪilƣuqi Pǝrwǝrdigar Mǝndurmǝn.
Kaⱨinlar toƣrisidiki yǝnǝ birnǝqqǝ bǝlgilimǝ
16 Pǝrwǝrdigar Musaƣa sɵz ⱪilip mundaⱪ dedi: — 17 Sǝn Ⱨarunƣa mundaⱪ degin: — «Əwladtin-ǝwladⱪiqǝ sening nǝslingdin bolƣan birsi meyip bolsa, Hudaning nenini sunux üqün yeⱪin kǝlmisun; 18 meyip bolƣan ⱨǝrⱪandaⱪ kixi ⱨǝrgiz yeⱪin kǝlmisun — yaki kor bolsun, tokur bolsun, panaⱪ bolsun yaki bir ǝzasi yǝnǝ bir jüpidin uzun bolƣan adǝm bolsun, 19 puti yaki ⱪoli sunuⱪ bolsun, 20 dok bolsun, parpa bolsun, kɵzidǝ aⱪ bolsun, ⱪiqixⱪaⱪ bolƣan bolsun, tǝmrǝtkǝ basⱪan bolsun yaki uruⱪdeni ezilgǝn ⱨǝrkim bolsun, □«yarpa bolsun» — yaki «yiglǝp ⱪalƣan bolsun».
21 Ⱨarun kaⱨinning nǝslidin bolƣan undaⱪ meyip kixilǝrning ⱨeqbiri Pǝrwǝrdigarƣa atap otta sunulidiƣan nǝrsilǝrni kǝltürüxkǝ yeⱪin barmisun; undaⱪ kixi meyiptur; u ɵz Hudasining nenini sunuxⱪa yeⱪin kǝlmisun. 22 Ⱨalbuki, u ɵz Hudasining nenini, yǝni «ǝng muⱪǝddǝs» wǝ «muⱪǝddǝs» ⱨesablanƣan nǝrsilǝrning ⱨǝr ikkisidin yesun. 23 Pǝⱪǝt u pǝrdidin ɵtüp iqkirisigǝ kirmǝsliki yaki ⱪurbangaⱨⱪimu yeⱪin barmasliⱪi kerǝk; qünki u meyiptur; bolmisa, u Mening muⱪǝddǝs jaylirimni bulƣiƣan bolidu; qünki ularni muⱪǝddǝs ⱪilƣuqi Pǝrwǝrdigar Ɵzümdurmǝn».
24 Bu sɵzlǝrning ⱨǝmmisini Musa Ⱨarun bilǝn uning oƣulliri wǝ Israillarning ⱨǝmmisigǝ eytip bǝrdi.
□21:4 «qünki kaⱨin ɵz hǝlⱪining arisida mɵtiwǝr bolƣaqⱪa, ɵzini napak ⱪilip bulƣimasliⱪi kerǝk» — baxⱪa birhil tǝrjimisi: «qünki u (kaⱨin) ɵz hǝlⱪi iqidǝ ayalning eri süpitidǝ ɵzini napak ⱪilip bulƣimasliⱪi kerǝk». Bu tǝrjimining mǝnisi: «u ayal tǝrǝpning uruⱪ-tuƣⱪanlirining ɵlüklirigǝ yeⱪin kǝlmǝsliki, uningƣa tǝgmǝsliki kerǝk».
□21:10 ««yalangbax bolux» wǝ «kiyimlǝrni yirtix»» — ⱨǝr ikki ⱨǝrikǝt matǝm tutuxning birhil ipadisi idi. Bax kaⱨinning alaⱨidǝ ⱨǝm muⱪǝddǝs wǝzipisi bolƣaqⱪa, ⱨǝtta matǝm ixliridimu hizmǝt orni wǝ burqidin ayrilmasliⱪi kerǝk idi (11-12-ayǝtnimu kɵrüng).
□21:11 «U yǝnǝ ⱨeq ɵlükkǝ yeⱪinlaxmasliⱪi kerǝk,... ɵlüklirining wǝjidin ɵzini napak ⱪilmasliⱪi kerǝk» — birsi ɵlükkǝ tǝgsǝ «napak» dǝp ⱨesablanƣaqⱪa, kaⱨin bir ɵlükkǝ tǝgkǝn bolsa ɵz wǝzipisini yürgüzǝlmǝydiƣan bolup ⱪalidu.
□21:20 «yarpa bolsun» — yaki «yiglǝp ⱪalƣan bolsun».