22
Muⱪǝddǝs nǝrsilǝrdin kim bǝⱨrimǝn bolidu?
1 Pǝrwǝrdigar Musaƣa sɵz ⱪilip mundaⱪ dedi: —
2 Sǝn Ⱨarun bilǝn uning oƣulliriƣa mundaⱪ degin: — «Silǝr Israillarning Manga atiƣan muⱪǝddǝs ⱨǝdiyǝlǝrni eⱨtiyatqanliⱪ bilǝn bir tǝrǝp ⱪilinglar, bolmisa ular namimni bulƣixi mumkin. Mǝn Pǝrwǝrdigardurmǝn». 3 Ularƣa mundaⱪ degin: — «Silǝr ⱨǝrbir dǝwrlǝrdǝ, barliⱪ nǝsillinglardin ⱨǝrⱪaysisi Israillar Pǝrwǝrdigarƣa atiƣan pak nǝrsilǝrgǝ napak ⱨalǝttǝ yeⱪinlaxsa, undaⱪ kixi Mening aldimdin üzüp taxlinidu. Mǝn Pǝrwǝrdigardurmǝn.
4 Ⱨarunning nǝslidin biri pesǝ-mahaw yaki aⱪma kesili bolƣan bolsa, pak bolmiƣuqǝ muⱪǝddǝs nǝrsilǝrdin yemisun. Birkim ɵlükning sǝwǝbidin napak bolƣan birkimgǝ wǝ yaki mǝniysi eⱪip kǝtkǝn kixigǝ tegip kǝtsǝ, ■Law. 15:2 5 yaki adǝmni napak ⱪilidiƣan ɵmiligüqi janiwarƣa tǝgsǝ yaki ⱨǝrⱪandaⱪ yuⱪup ⱪalidiƣan napakliⱪi bar bir adǝmgǝ tegip kǝtsǝ, (napakliⱪi nemidin boluxidin ⱪǝt’iynǝzǝr) 6 mundaⱪ nǝrsilǝrgǝ tǝgkǝn kixi kǝq kirgüqǝ napak bolup, muⱪǝddǝs nǝrsilǝrdin yemisun. U bǝdinini suda yusun 7 andin kün olturƣanda pak sanilip, muⱪǝddǝs nǝrsilǝrdin yeyixkǝ bolidu; qünki bular uning ozuⱪidur.
8 U ɵzlükidin ɵlgǝn wǝ yaki yirtⱪuqlar boƣup ⱪoyƣan ⱨaywanni yeyix bilǝn ɵzini napak ⱪilmisun. Mǝn Pǝrwǝrdigardurmǝn.■Mis. 22:31; Law. 17:15; Əz. 44:31
9 Ular Mening bu tapiliƣanlirimni tutuxi kerǝk; bolmisa, buningƣa ihlassizliⱪ ⱪilsa, xu ɵlük tüpǝylidin gunaⱨkar bolup ɵlidu; ularni muⱪǝddǝs ⱪilƣuqi Pǝrwǝrdigar Ɵzümdurmǝn.
10 Kaⱨinlarƣa yat bolƣan ⱨeqⱪandaⱪ kixi muⱪǝddǝs nǝrsilǝrdin yemisun. Kaⱨinning yenidiki musapir-meⱨman wǝ yaki mǝdikari bolsun ularmu muⱪǝddǝs nǝrsilǝrdin yemisun. 11 Ⱨalbuki, kaⱨin ɵzi pul qiⱪirip setiwalƣan ⱪul uningdin yeyixkǝ bolidu; xuningdǝk uning ɵyidǝ tuƣulƣan kiximu uningdin yesǝ bolidu.
12 Kaⱨinning ⱪizi yat kixigǝ tǝgkǝn bolsa umu «kɵtürmǝ ⱨǝdiyǝ» süpitidǝ atalƣan muⱪǝddǝs nǝrsilǝrdin yemisun. □«yat kixi» — muxu yǝrdǝ kaⱨin bolmiƣan kixini kɵrsitidu. 13 Lekin ǝgǝr kaⱨinning ⱪizi tul bolup ⱪelip, yaki ⱪoyup berilip pǝrzǝntsiz ⱨalǝttǝ atisining ɵyigǝ yenip kelip, yax waⱪtidikidǝk olturƣan bolsa, undaⱪta atisining taamidin yeyǝlǝydu; lekin ⱨeqbir yat kixi uningdin yemǝsliki kerǝk.■Law. 10:14
14 Əgǝr birkim bilmǝy, muⱪǝddǝs nǝrsilǝrdin yǝp salsa, undaⱪta u uningƣa xuning bǝxtin birini ⱪoxup, muⱪǝddǝs nǝrsining ɵzi bilǝn kaⱨinƣa ⱪayturup bǝrsun.
15 Kaⱨinlar Israillarning Pǝrwǝrdigarƣa atiƣan nǝrsilirini bulƣimasliⱪi kerǝk; □«Kaⱨinlar» — ibraniy tilida «Ular». Kaⱨinlar hǝlⱪning muⱪǝddǝs nǝrsilǝrdin yemǝslikigǝ mǝs’ul idi (16-ayǝtni kɵrüng). Bǝzi alimlar «ular»ni «hǝlⱪ» dǝp tǝrjimǝ ⱪilidu. 16 bolmisa, hǝlⱪ muⱪǝddǝs ⱨǝdiyilǝrdin yeyixi bilǝn, kaⱨinlar hǝlⱪning gǝdinigǝ itaǝtsizlik gunaⱨini yüklǝp ⱪoyƣan bolidu; qünki ularni muⱪǝddǝs ⱪilƣuqi Pǝrwǝrdigar Ɵzümdurmǝn».□«qünki ularni muⱪǝddǝs ⱪilƣuqi Pǝrwǝrdigar Ɵzümdurmǝn» — muxu yǝrdǝ «ularni» bǝlkim kaⱨinlarning ɵzlirini kɵrsitixi mumkin.
Ⱪǝsǝmgǝ baƣkiⱪ ⱪurbanliⱪ wǝ ihtiyariy ⱪurbanliⱪlar
17 Pǝrwǝrdigar Musaƣa sɵz ⱪilip mundaⱪ dedi: — 18 Sǝn Ⱨarun bilǝn uning oƣulliri wǝ Israillarning ⱨǝmmisigǝ mundaⱪ degin: — Əgǝr Israil jǝmǝtidin biri wǝ yaki Israil zeminida turuwatⱪan musapirlarning biri ɵz ⱪǝsǝmlirigǝ baƣliⱪ ⱪurbanliⱪ yaki ihtiyariy ⱪurbanliⱪni sunup, Pǝrwǝrdigarƣa atap kɵydürmǝ ⱪurbanliⱪ ⱪilmaⱪqi bolsa, 19 undaⱪta u ⱪobul ⱪilinixi üqün bejirim ǝrkǝk kala, ⱪoy yaki ɵqkilǝrdin kǝltürünglar. 20 Əyibi bolmiƣan bir janiwarni sunuxunglar kerǝk; qünki xundaⱪ bolƣini silǝr üqün ⱪobul ⱪilinmas.
21 Birsi kalilardin yaki uxxaⱪ maldin ɵz ⱪǝsǝmlirigǝ baƣliⱪ ⱪurbanliⱪ yaki ihtiyariy ⱪurbanliⱪni sunup, Pǝrwǝrdigarƣa atap inaⱪliⱪ ⱪurbanliⱪi ⱪilmaⱪqi bolsa, sunulƣan ⱨaywan ⱪobul ⱪilinixi üqün bejirim boluxi kerǝk; uning ⱨeqⱪandaⱪ ǝyibi bolmisun. ■Ⱪan. 15:21; 17:1 22 Kor yaki aⱪsaⱪ-qolaⱪ, qonaⱪ yaki yarisi yiringdap kǝtkǝn, tǝmrǝtkǝ basⱪan yaki ⱪotur-qaⱪa besip ⱪalƣan ⱨaywanlar bolsa — bularni Pǝrwǝrdigarƣa atap sunsanglar yaki bularni Pǝrwǝrdigarƣa atap ⱪurbanliⱪ süpitidǝ ⱪurbangaⱨta otta kɵydürsǝnglar bolmaydu.
23 Torpaⱪ yaki ⱪoyning mǝlum jüp ǝzasidin biri uzunraⱪ ya ⱪisⱪa bolsa, mundaⱪlarni ihtiyariy ⱪurbanliⱪ süpitidǝ ɵtküzsǝng bolidu, lekin ⱪǝsǝmgǝ baƣliⱪ bolsa ⱪurbanliⱪ üqün ⱪobul ⱪilinmas.
24 Uruⱪdini zǝhimlǝngǝn, ezilip kǝtkǝn, yerilƣan yaki piqilƣan ⱨaywanni Pǝrwǝrdigarƣa atap ⱪurbanliⱪ ⱪilmanglar. Mundaⱪ ixni ɵz zemininglardimu ⱨǝrgiz ⱪilmanglar.
25 Hudayinglarning neni süpitidǝ yaⱪa yurtluⱪ kixining ⱪolidin xundaⱪ ⱨaywanlardin ⱨeqⱪaysisini elip sunmanglar; qünki ular meyip bolƣaqⱪa, silǝr üqün ⱪobul ⱪilinmaydu.□«Hudayinglarning neni» — uningƣa atalƣan türlük ⱨǝdiyǝ-ⱪurbanliⱪlar. Muxu yǝrdǝ kɵzdǝ tutulƣini ⱨaywanlardur.
Baxⱪa birhil tǝrjimisi: «Hudayinglarning neni süpitidǝ silǝr yaⱪa yurtluⱪ kixining ⱪolidin ⱨeq ⱪurbanliⱪni elip sunmanglar wǝ silǝr xundaⱪ ⱨaywanlar (meyip ⱨaywanlar)din ⱨeqⱪaysisini sunmanglar; qünki ular meyip bolƣaqⱪa, silǝr üqün ⱪobul ⱪilinmaydu». Lekin bizningqǝ bu tǝrjimǝ toƣra ǝmǝs; qünki Musaƣa qüxürülgǝn ⱪanun boyiqǝ yaⱪa yurtluⱪlar hǝtnǝ ⱪobul ⱪilsa, ⱪurbanliⱪlarni sunuxⱪa bolatti. «silǝr üqün ⱪobul ⱪilinmaydu» — muxu yǝrdǝ «silǝr» ⱪurbanliⱪ sunƣan yaⱪa yurtluⱪni ɵz iqigǝ alidu.
Baxⱪa birhil tǝrjimisi: «Hudayinglarning neni süpitidǝ silǝr yaⱪa yurtluⱪ kixining ⱪolidin ⱨeq ⱪurbanliⱪni elip sunmanglar wǝ silǝr xundaⱪ ⱨaywanlar (meyip ⱨaywanlar)din ⱨeqⱪaysisini sunmanglar; qünki ular meyip bolƣaqⱪa, silǝr üqün ⱪobul ⱪilinmaydu». Lekin bizningqǝ bu tǝrjimǝ toƣra ǝmǝs; qünki Musaƣa qüxürülgǝn ⱪanun boyiqǝ yaⱪa yurtluⱪlar hǝtnǝ ⱪobul ⱪilsa, ⱪurbanliⱪlarni sunuxⱪa bolatti. «silǝr üqün ⱪobul ⱪilinmaydu» — muxu yǝrdǝ «silǝr» ⱪurbanliⱪ sunƣan yaⱪa yurtluⱪni ɵz iqigǝ alidu.
Baxⱪa birnǝqqǝ bǝlgilimǝ
26 Pǝrwǝrdigar Musaƣa sɵz ⱪilip mundaⱪ dedi: — 27 Bir mozay, ⱪoza yaki oƣlaⱪ tuƣulsa yǝttǝ küngiqǝ anisini ǝmsun; sǝkkizinqi künidin baxlap Pǝrwǝrdigarƣa atap otta sunidiƣan ⱪurbanliⱪ süpitidǝ ⱪobul boluxⱪa yaraydu.□«anisini ǝmsun» — ibraniy tilida «ana astida tursun».
28 Mǝyli kala bolsun, ⱪoy bolsun, silǝr anisi bilǝn balisini bir kündǝ boƣuzlimanglar.
29 Silǝr Pǝrwǝrdigarƣa atap bir tǝxǝkkür ⱪurbanliⱪi sunmaⱪqi bolsanglar, ⱪobul ⱪilinixⱪa layiⱪ bolƣan yol bilǝn sununglar. 30 U sunulƣan künidǝ yeyilixi kerǝk; uningdin ⱨeqnemini ǝtisigǝ ⱪaldurmasliⱪinglar kerǝk. Mǝn Pǝrwǝrdigardurmǝn.■Law. 7:15
31 Silǝr Mening ǝmrlirimni qing tutup, ularƣa ǝmǝl ⱪilinglar. Mǝn Pǝrwǝrdigardurmǝn. 32 Mening muⱪǝddǝs namimni bulƣimanglar, Mǝn ǝmdi Israillarning arisida muⱪǝddǝs dǝp bilinimǝn. Mǝn silǝrni muⱪǝddǝs ⱪilƣuqi Pǝrwǝrdigar bolup, 33 Hudayinglar boluxⱪa silǝrni Misir zeminidin qiⱪirip kǝldim. Mǝn Pǝrwǝrdigardurmǝn.
■22:8 Mis. 22:31; Law. 17:15; Əz. 44:31
□22:12 «yat kixi» — muxu yǝrdǝ kaⱨin bolmiƣan kixini kɵrsitidu.
□22:15 «Kaⱨinlar» — ibraniy tilida «Ular». Kaⱨinlar hǝlⱪning muⱪǝddǝs nǝrsilǝrdin yemǝslikigǝ mǝs’ul idi (16-ayǝtni kɵrüng). Bǝzi alimlar «ular»ni «hǝlⱪ» dǝp tǝrjimǝ ⱪilidu.
□22:16 «qünki ularni muⱪǝddǝs ⱪilƣuqi Pǝrwǝrdigar Ɵzümdurmǝn» — muxu yǝrdǝ «ularni» bǝlkim kaⱨinlarning ɵzlirini kɵrsitixi mumkin.
□22:25 «Hudayinglarning neni» — uningƣa atalƣan türlük ⱨǝdiyǝ-ⱪurbanliⱪlar. Muxu yǝrdǝ kɵzdǝ tutulƣini ⱨaywanlardur. Baxⱪa birhil tǝrjimisi: «Hudayinglarning neni süpitidǝ silǝr yaⱪa yurtluⱪ kixining ⱪolidin ⱨeq ⱪurbanliⱪni elip sunmanglar wǝ silǝr xundaⱪ ⱨaywanlar (meyip ⱨaywanlar)din ⱨeqⱪaysisini sunmanglar; qünki ular meyip bolƣaqⱪa, silǝr üqün ⱪobul ⱪilinmaydu». Lekin bizningqǝ bu tǝrjimǝ toƣra ǝmǝs; qünki Musaƣa qüxürülgǝn ⱪanun boyiqǝ yaⱪa yurtluⱪlar hǝtnǝ ⱪobul ⱪilsa, ⱪurbanliⱪlarni sunuxⱪa bolatti. «silǝr üqün ⱪobul ⱪilinmaydu» — muxu yǝrdǝ «silǝr» ⱪurbanliⱪ sunƣan yaⱪa yurtluⱪni ɵz iqigǝ alidu.
□22:27 «anisini ǝmsun» — ibraniy tilida «ana astida tursun».