14
14-küy •••• Ⱪarangƣu dunya
1 Nǝƣmiqilǝrning bexiƣa tapxurulup oⱪulsun dǝp, Dawut yazƣan küy: —
Əhmǝⱪ kixi kɵnglidǝ: «Ⱨeqbir Huda yoⱪ» — dǝydu.
Ular qiriklixip,
Yirginqlik ⱪǝbiⱨlikni ⱪilixti;
Ularning iqidǝ meⱨribanliⱪ ⱪilƣuqi yoⱪtur;■Zǝb. 10:4; 53:1-3; Rim. 3:10
2 Pǝrwǝrdigar ǝrxtǝ turup, adǝm balilirini kɵzitip:
«Bu insanlarning arisida insapni qüxinidiƣan birǝrsi barmidu?
Hudani izdǝydiƣanlar barmidu?
3 Ⱨǝmmǝ adǝm yoldin qiⱪti,
Ⱨǝmmǝ adǝm qiriklixip kǝtti,
Meⱨribanliⱪ ⱪilƣuqi yoⱪ, ⱨǝtta birimu yoⱪtur.
4 Nanni yegǝndǝk Mening hǝlⱪimni yutuwalƣan bu ⱪǝbiⱨlik ⱪilƣuqilar ⱨeqnemini bilmǝmdu?» — dǝydu.
Ular Pǝrwǝrdigarƣa ⱨeqbir iltija ⱪilmaydu.
5 Mana ularni ƣayǝt zor ⱪorⱪunq basti;
Qünki Huda ⱨǝⱪⱪaniylarning dǝwrididur.
6 «Silǝr ezilgǝnlǝrning kɵngligǝ pükkǝn ümidini yoⱪ ⱪilmaⱪqi bolisilǝr;
Biraⱪ Pǝrwǝrdigar uning baxpanaⱨidur!»□«Biraⱪ Pǝrwǝrdigar uning baxpanaⱨidur!» — yaki «Qünki Pǝrwǝrdigar uning baxpanaⱨidur!». Bizningqǝ «biraⱪ» toƣra kelidu — demǝk, Huda Ɵz hǝlⱪining bozǝk ⱪilinƣiniƣa ⱪarap, ularni ⱪoƣlaxⱪa ⱨǝrikǝt ⱪilidu. Baxⱪa birhil tǝrjimisi: «Gǝrqǝ Pǝrwǝrdigar uning baxpanaⱨi bolsa!»
7 Aⱨ, Israilning nijatliⱪi Ziondin qiⱪip kǝlgǝn bolsa idi!
Pǝrwǝrdigar Ɵz hǝlⱪini asarǝttin qiⱪirip,
Azadliⱪⱪa erixtürgǝn qaƣda,
Yaⱪup xadlinidu,
■14:1 Zǝb. 10:4; 53:1-3; Rim. 3:10
□14:6 «Biraⱪ Pǝrwǝrdigar uning baxpanaⱨidur!» — yaki «Qünki Pǝrwǝrdigar uning baxpanaⱨidur!». Bizningqǝ «biraⱪ» toƣra kelidu — demǝk, Huda Ɵz hǝlⱪining bozǝk ⱪilinƣiniƣa ⱪarap, ularni ⱪoƣlaxⱪa ⱨǝrikǝt ⱪilidu. Baxⱪa birhil tǝrjimisi: «Gǝrqǝ Pǝrwǝrdigar uning baxpanaⱨi bolsa!»
□14:7 «Israil huxallinidu!» — «Israil» toƣruluⱪ — oⱪurmǝnlǝr Tǝwrattiki «Yaritilix» degǝn ⱪisimni oⱪuƣan bolsa, esidǝ boliduki, Huda ⱨǝzriti Yaⱪupning ismini «Israil»ƣa ɵzgǝrtkǝn. Yǝⱨudiy hǝlⱪi (Israillar) Yaⱪupning ǝwladliridin ibarǝt. Xunga Tǝwrattiki baxⱪa yǝrlǝrdǝ yaki Zǝburda «Yaⱪup» yaki «Israil» adǝttǝ Yǝⱨudiylar, yǝni Israil hǝlⱪini kɵrsitidu. Əgǝr tekist ⱨǝzriti Yaⱪup (Israil)ning ɵzini kɵrsǝtkǝn bolsa, izaⱨat berimiz.