1 Dawut yazƣan küy: —

Pǝrwǝrdigar, kim qediringda turalaydu?

Kim pak-muⱪǝddǝs teƣingda makanlixidu?

2 Kimki tamamǝn durusluⱪta mangsa,

Ⱨǝⱪⱪaniyliⱪni yürgüzsǝ,

Kɵnglidǝ ⱨǝⱪiⱪǝtni sɵzlisǝ; ◘Zǝb. 24:4; Yǝx. 33:15

3 Tili bilǝn gǝp toxumisa,

Ɵz yeⱪiniƣa yamanliⱪ ⱪilmisa,

Ⱪoxnisining ǝyibini kolap aqmisa,

4 Pǝs adǝmni kɵzgǝ ilmisa,

Pǝrwǝrdigardin ǝyminidiƣanlarni ⱨɵrmǝtlisǝ,

Ɵzigǝ ziyanliⱪ bolƣan tǝⱪdirdimu iqkǝn ⱪǝsimini ɵzgǝrtmisǝ,

5 Pulni hǝⱪlǝrgǝ ɵsümgǝ bǝrmisǝ,

Bigunaⱨlarning ziyiniƣa para almisa;

Kimki muxularni ⱪilsa,

Mǝnggügǝ tǝwrǝnmǝs.