36
36-küy •••• Gunaⱨkar insan wǝ Hudaning meⱨribanliⱪi
1 Nǝƣmiqilǝrning bexiƣa tapxurulup oⱪulsun dǝp, Pǝrwǝrdigarning ⱪuli Dawut yazƣan küy: —
Rǝzil adǝmning asiyliⱪi mening ⱪǝlbimdǝ bir bexarǝtni pǝyda ⱪilidu: —
«Uning nǝziridǝ Hudadin ⱪorⱪidiƣan ix yoⱪtur!». ◼«Pǝrwǝrdigarning ⱪuli Dawut yazƣan küy» — ibraniy tilida: «Pǝrwǝrdigarning ⱪulining, Dawutning küyi».
2 Qünki u ɵz-ɵzini mahtayduki,
U ɵz-ɵzigǝ: — «Mǝndǝ gunaⱨ tepilmas, ⱪilƣinim yirginqlik ix ǝmǝstur!» — dǝydu. ◼«U ɵz-ɵzigǝ: — «Mǝndǝ gunaⱨ tepilmas, ⱪilƣinim yirginqlik ix ǝmǝstur!» — dǝydu» — bǝlkim u ɵzini aldimaⱪqi bolup: «Mening gunaⱨim anqǝ eƣir ǝmǝs», demǝkqi. Toluⱪ ayǝtning yǝnǝ birhil tǝrjimisi: «Uning gunaⱨining yirginqliki axkarilanƣan bolsimu, u yǝnila ɵz ɵzini mahtaydu».
3 Aƣzidiki sɵzlǝr ⱪǝbiⱨlik wǝ ⱨiyligǝrliktur;
Pǝzilǝtlik ix ⱪilix parasitidin u alliburun mǝⱨrumdur.
4 U ornida yatⱪandimu gunaⱨni kɵzlǝydu;
U durus bolmiƣan yolƣa mengixni iradǝ ⱪilidu;
Yamanliⱪtin ⱨeq nǝprǝtlǝnmǝydu.
5 I Pǝrwǝrdigar, ɵzgǝrmǝs muⱨǝbbiting ǝrxlǝrgǝ taⱪixidu;
Ⱨǝⱪiⱪǝt-sadiⱪliⱪing bulutlarƣa yetidu! ◘Zǝb. 57:10; 108:4
6 Ⱨǝⱪⱪaniyliⱪing büyük taƣlardǝk,
Ⱨɵkümliring tilsimatliⱪ qongⱪur dengizlardǝktur.
I Pǝrwǝrdigar, Sǝn adǝmlǝr wǝ ⱨaywanlarni saⱪliƣuqidursǝn;
7 Sening ɵzgǝrmǝs muⱨǝbbiting nǝⱪǝdǝr ⱪimmǝtliktur, i Huda!
Xunga insan baliliri ⱪanatliring sayisidǝ panaⱨlinidu.
8 Ular ɵyüngdiki mol dastihandin toyƣuqǝ bǝⱨrimǝn bolidu;
Sǝn ularƣa ⱨuzur-ⱨalawǝtliringning dǝryasidin iqküzisǝn.
9 Qünki Sǝndila bardur ⱨayatliⱪ buliⱪi;
Nurungda bolup nurni kɵrimiz.
10 Aⱨ, Ɵzüngni tonup, bilgǝnlǝrgǝ muⱨǝbbitingni,
Kɵngli duruslarƣimu ⱨǝⱪⱪaniyliⱪingni kɵrsitixni dawamlaxturƣaysǝn.
11 Tǝkǝbburlarning putining manga ⱨujum ⱪilixiƣa yol ⱪoymiƣaysǝn;
Rǝzillǝrning ⱪoli meni ornumdin ⱪoƣliwǝtmisun;
12 Mana, yamanliⱪ ⱪilƣuqilar yiⱪildi!
Ƣulitiwetildi, ornidin ⱪayta turalmaydu!
◼36:1 «Pǝrwǝrdigarning ⱪuli Dawut yazƣan küy» — ibraniy tilida: «Pǝrwǝrdigarning ⱪulining, Dawutning küyi».
◼36:2 «U ɵz-ɵzigǝ: — «Mǝndǝ gunaⱨ tepilmas, ⱪilƣinim yirginqlik ix ǝmǝstur!» — dǝydu» — bǝlkim u ɵzini aldimaⱪqi bolup: «Mening gunaⱨim anqǝ eƣir ǝmǝs», demǝkqi. Toluⱪ ayǝtning yǝnǝ birhil tǝrjimisi: «Uning gunaⱨining yirginqliki axkarilanƣan bolsimu, u yǝnila ɵz ɵzini mahtaydu».