48
48-küy •••• Zion — Hudaning xǝⱨiri
1 Nǝƣmiqilǝrning bexiƣa tapxurulup oⱪulsun dǝp, Koraⱨning oƣulliri üqün yezilƣan küy: —
Uluƣdur Pǝrwǝrdigar,
Hudayimizning xǝⱨiridǝ, Uning muⱪǝddǝsliki turƣan taƣda,
U zor mǝdⱨiyǝlǝrgǝ layiⱪtur!
2 Egizlikidin kɵrkǝm, Zion teƣi,
Pütkül jaⱨanning hursǝnlikidur;
Ximaliy tǝrǝpliri güzǝldur,
Büyük padixaⱨning xǝⱨiridur!□«Ximaliy tǝrǝpliri güzǝldur» — yǝnǝ birhil tǝrjimisi «Zafon teƣi qoⱪⱪiliridǝk güzǝldur». Kona butpǝrǝslik riwayǝtliri boyiqǝ, «Zafon teƣi» dunyadiki ǝng egiz, ǝng muⱪǝddǝs, ǝng uluƣ jay idi. Mumkinqiliki barki, küy muǝllipi muxu yǝrdǝ Zionni uningƣa ohxitidu. ■Mat. 5:35
3 Huda ⱪorƣanlirida turidu,
Bu yǝrdǝ U egiz panaⱨgaⱨ dǝp tonulidu;
4 Mana, padixaⱨlar yiƣildi,
Ular xǝⱨǝrni besip ɵtüp, jǝm boldi.
5 Xǝⱨǝrni kɵrüpla ular alaⱪzadǝ boldi;
Dǝkkǝ-dükkigǝ qüxüp bǝdǝr ⱪeqixti.
6 U yǝrdǝ ularni titrǝk basti,
Tolƣaⱪ yegǝn ayaldǝk ular azablandi;
7 Sǝn Tarxixtiki kemilǝrni xǝrⱪ xamili bilǝn wǝyran ⱪiliwǝtting.□«Tarxixtiki kemilǝr» — bu ayǝt bǝlkim bir bexarǝttur. Dunyadiki barliⱪ padixaⱨlar jǝm bolup Yerusalemƣa ⱨujum ⱪilmaⱪqi. Ularƣa Tarxixtiki kemilǝrmu (kona zamanlarda ǝng küqlük kemilǝr) yardǝm beridu. Biraⱪ Huda Ɵz xǝⱨirini ⱪoƣdap ularni ⱨalak ⱪilidu.
8 Ⱪuliⱪimiz angliƣanni,
Samawi ⱪoxunlarning Sǝrdari bolƣan Pǝrwǝrdigarning xǝⱨiridǝ,
Hudayimizning xǝⱨiridǝ,
Biz ⱨazir ɵz kɵzimiz bilǝn xundaⱪ kɵrduⱪ;
Huda mǝnggügǝ uni mustǝⱨkǝm ⱪilidu.
Selaⱨ.
9 Biz sening muⱪǝddǝs ibadǝthanang iqidǝ turup, i Huda,
Ɵzgǝrmǝs muⱨǝbbitingni seƣinduⱪ.
10 Namingƣa layiⱪtur,
Jaⱨanning qǝt-qǝtlirigiqǝ yǝtküzülgǝn mǝdⱨiyiliring, i Huda;
Sening ong ⱪolung ⱨǝⱪⱪaniyliⱪ bilǝn tolƣan.
11 Sening adil ⱨɵkümliringdin,
Zion teƣi xadlanƣay!
Yǝⱨuda ⱪizliri huxal bolƣay!□«Yǝⱨuda ⱪizliri huxal bolƣay!» — «Yǝⱨuda ⱪizliri» bu yǝrdǝ Yǝⱨudaning xǝⱨǝr-yezilirini kɵrsitidu.
12 Zion teƣini aylinip mengip,
Ətrapida sǝyli ⱪilinglar;
Uning munarlirini sanap beⱪinglar;
13 Keyinki ǝwladⱪa uni bayan ⱪilix üqün,
Sepil-istiⱨkamlirini kɵngül ⱪoyup kɵzitinglar,
Ⱪorƣanlirini kɵzdin kǝqürünglar.
14 Qünki bu Huda ǝbǝdil’ǝbǝd bizning Hudayimizdur;
U ɵmürwayǝt bizning yetǝkqimiz bolidu!
□48:2 «Ximaliy tǝrǝpliri güzǝldur» — yǝnǝ birhil tǝrjimisi «Zafon teƣi qoⱪⱪiliridǝk güzǝldur». Kona butpǝrǝslik riwayǝtliri boyiqǝ, «Zafon teƣi» dunyadiki ǝng egiz, ǝng muⱪǝddǝs, ǝng uluƣ jay idi. Mumkinqiliki barki, küy muǝllipi muxu yǝrdǝ Zionni uningƣa ohxitidu.
□48:7 «Tarxixtiki kemilǝr» — bu ayǝt bǝlkim bir bexarǝttur. Dunyadiki barliⱪ padixaⱨlar jǝm bolup Yerusalemƣa ⱨujum ⱪilmaⱪqi. Ularƣa Tarxixtiki kemilǝrmu (kona zamanlarda ǝng küqlük kemilǝr) yardǝm beridu. Biraⱪ Huda Ɵz xǝⱨirini ⱪoƣdap ularni ⱨalak ⱪilidu.
□48:11 «Yǝⱨuda ⱪizliri huxal bolƣay!» — «Yǝⱨuda ⱪizliri» bu yǝrdǝ Yǝⱨudaning xǝⱨǝr-yezilirini kɵrsitidu.