47
47-küy •••• Huda mǝnggü ƣǝlibǝ ⱪilƣuqidur
1 Nǝƣmiqilǝrning bexiƣa tapxurulup oⱪulsun dǝp, Koraⱨning oƣulliri üqün yezilƣan küy: —
Barliⱪ ⱪowmlar, Hudani alⱪixlanglar!
Uningƣa yuⱪiri awazinglar bilǝn huxalliⱪ tǝntǝnisini yangritinglar!
2 Qünki Ⱨǝmmidin Aliy Bolƣuqi, Pǝrwǝrdigar, dǝⱨxǝtlik wǝ ⱨǝywǝtliktur,
Pütkül jaⱨanni soriƣuqi büyük Padixaⱨtur. ◼«...Pǝrwǝrdigar, dǝⱨxǝtlik wǝ ⱨǝywǝtliktur» — ibraniy tilida «dǝⱨxǝtlik» ⱨǝm «ⱨǝywǝtlik» bir sɵz bilǝnla ipadilinidu.
3 U bizgǝ hǝlⱪlǝrni boysundurup,
Bizni ǝl-millǝtlǝr üstigǝ ⱨakim ⱪilidu. ◼«... Bizni ǝl-millǝtlǝr üstigǝ ⱨakim ⱪilidu» — ibraniy tilida: — «...Əl-millǝtlǝrni putimiz astida ⱪilidu».
4 U biz üqün mirasimizni tallap,
Yǝni Ɵzi sɵygǝn Yaⱪupning pǝhri bolƣan zeminni bekitip bǝrdi.
Selaⱨ!
5 Huda tǝntǝnǝ sadasi iqidǝ,
Pǝrwǝrdigar sunay sadasi iqidǝ yuⱪiriƣa kɵtürüldi;
6 Hudaƣa nahxa-küy eytinglar, nahxa-küy eytinglar!
Padixaⱨimizƣa nahxa-küy eytinglar, nahxa-küy eytinglar!
7 Huda pütkül jaⱨanning padixaⱨidur;
Zeⱨninglar bilǝn uningƣa nahxa-küy eytinglar!
8 Huda ǝllǝr üstigǝ ⱨɵküm süridu;
U Ɵzining pak-muⱪǝddǝslikining tǝhtidǝ olturidu.
9 Əl-yurtlarning kattiliri jǝm bolup,
Ibraⱨimning Hudasining hǝlⱪigǝ ⱪoxuldi;
Qünki jaⱨandiki barliⱪ ⱪalⱪanlar Hudaƣa tǝwǝdur;
U nǝⱪǝdǝr aliydur! ◼«...jaⱨandiki barliⱪ ⱪalⱪanlar Hudaƣa tǝwǝdur» — «ⱪalⱪanlar» bǝlkim dunyadiki barliⱪ ⱪoral-yaraⱪlarni kɵrsitidu. Baxⱪa birhil tǝrjimisi: — «padixaⱨlar».
◼47:2 «...Pǝrwǝrdigar, dǝⱨxǝtlik wǝ ⱨǝywǝtliktur» — ibraniy tilida «dǝⱨxǝtlik» ⱨǝm «ⱨǝywǝtlik» bir sɵz bilǝnla ipadilinidu.
◼47:3 «... Bizni ǝl-millǝtlǝr üstigǝ ⱨakim ⱪilidu» — ibraniy tilida: — «...Əl-millǝtlǝrni putimiz astida ⱪilidu».
◼47:9 «...jaⱨandiki barliⱪ ⱪalⱪanlar Hudaƣa tǝwǝdur» — «ⱪalⱪanlar» bǝlkim dunyadiki barliⱪ ⱪoral-yaraⱪlarni kɵrsitidu. Baxⱪa birhil tǝrjimisi: — «padixaⱨlar».