1 Nǝƣmiqilǝrning bexiƣa tapxurulup, «ǝslitix üqün» oⱪulsun dǝp, Dawut yazƣan küy: —

Pǝrwǝrdigar, meni ⱪutⱪuzuxⱪa aldiriƣaysǝn!

Pǝrwǝrdigar, tez kelip manga yardǝm ⱪilƣaysǝn! ◘Zǝb. 40:13-17

2 Mening jenimni izdǝwatⱪanlar yǝrgǝ ⱪaritilip rǝswa ⱪilinsun;

Mening ziyinimdin hursǝn bolƣanlar kǝynigǝ yandurulup xǝrmǝndǝ bolƣay. ◘Zǝb. 35:4,26; 71:13

3 Meni: — «Waⱨ! Waⱨ!» dǝp mǝshirǝ ⱪilƣanlar ɵz xǝrmǝndilikidin kǝynigǝ yanƣay!

4 Biraⱪ Seni izdigüqilǝrning ⱨǝmmisi Sǝndǝ xadlinip huxal bolƣay!

Nijatliⱪingni sɵygǝnlǝr ⱨǝmixǝ: «Huda uluƣlansun» deyixkǝy.

5 Biraⱪ mǝn ezilgǝnmǝn, ⱨǝm yoⱪsulmǝn;

Yenimƣa tezdin kǝl, i Huda!

Sǝn mening yardǝmqim, mening azad ⱪilƣuqim;

I Pǝrwǝrdigar, keqikmǝy kǝlgǝysǝn!