76
76-küy •••• Pǝrwǝrdigar ǝllǝrdin ⱨesab alidu
1 Nǝƣmiqilǝrning bexiƣa, tarliⱪ sazlarda qelinsun dǝp tapxurulƣan, Asafning küy-nahxisi: —
Yǝⱨudada Huda tonulƣandur;
Uning nami Israilda uluƣdur.
2 Uning panaⱨiy jayi Salemda,
Zion teƣida Uning makani bar. □«Uning panaⱨiy jayi Salemda» — ibraniy tilida: «Uning uwisi Salemda». Bu sɵz bǝlkim Hudani xirƣa oxitidu. Tǝwrattiki «Ⱨoxiya» degǝn ⱪisimda Huda «Yǝⱨudaning xiri» dǝp atilidu. «Salem» — «Yerusalem»ning ⱪisⱪartip eytilixi.
3 U yǝrdǝ U otluⱪ oⱪlarni,
Ⱪalⱪan, ⱪiliq ⱨǝm jǝng ⱪorallirini qeⱪip taxlidi.
Selaⱨ.
4 Ɵzüng ow-olja taƣliridin nǝⱪǝdǝr xǝrǝplik, nǝⱪǝdǝr ǝlasǝn!□«ow-olja taƣliri» — bǝlkim top-top dɵwilǝngǝn ow-oljilarni kɵrsitidu.
5 Baturlar bulandi;
Ular uzun uyⱪuƣa kǝtti;
Palwanlarning ⱨeqⱪaysisi ɵz ⱪolini kɵtürǝlmidi.
6 Sening ǝyiblixing bilǝn, i Yaⱪupning Hudasi,
Jǝng ⱨarwisi ⱨǝm atlar ɵlüktǝk uhlitildi.
7 Sǝndin, Sǝndin ⱪorⱪux kerǝktur;
Ƣǝzǝplǝnginingdǝ kim aldingda turalisun?
8-9 Yǝr yüzidiki barliⱪ yawax mɵminlǝrni ⱪutⱪuzux üqün,
Sǝn Huda soraⱪ ⱪilixⱪa ornungdin turƣan waⱪtingda,
Asmandin ⱨɵkümni qiⱪirip anglatⱪuzdung;
Yǝr bolsa wǝⱨimigǝ qüxüp, süküt ⱪildi.
Selaⱨ.
10 Qünki insanlarning ⱪǝⱨri Sanga xɵⱨrǝt kǝltüridu;
Ularning ⱪalƣan ⱪǝⱨri Sanga bǝlwaƣ bolidu.□«Insanlarning ⱪǝⱨri Sanga xɵⱨrǝt kǝltüridu; ularning ⱪalƣan ⱪǝⱨri Sanga bǝlwaƣ bolidu» — bu sirliⱪ sɵz bǝlkim (1) Huda insanning barliⱪ asiyliⱪ-ⱪarxilixixlirini ahirida Ɵzining xɵⱨritigǝ ⱨǝm muddialiriƣa aylanduridu; (2) insanlarning Ɵz ⱪǝⱨri ɵzigǝ kǝltürgǝn külpǝtlǝr yenik bolup ⱪalƣan bolsa, «ⱪalƣan ⱪǝⱨr»ni Huda Ɵzi toluⱪlap jazalirini eƣirlaxturidu.
11 Pǝrwǝrdigar Hudayinglarƣa ⱪǝsǝm ⱪilip, ǝmǝl ⱪilinglar;
Uning ǝtrapidiki yurttikilǝr ⱪorⱪuxi kerǝk bolƣuqiƣa ⱨǝdiyǝlǝr sunsun;
12 U ǝmirlǝrningmu roⱨini sunduridu;
U yǝr yüzidiki padixaⱨlarƣa dǝⱨxǝtliktur.
□76:2 «Uning panaⱨiy jayi Salemda» — ibraniy tilida: «Uning uwisi Salemda». Bu sɵz bǝlkim Hudani xirƣa oxitidu. Tǝwrattiki «Ⱨoxiya» degǝn ⱪisimda Huda «Yǝⱨudaning xiri» dǝp atilidu. «Salem» — «Yerusalem»ning ⱪisⱪartip eytilixi.
□76:4 «ow-olja taƣliri» — bǝlkim top-top dɵwilǝngǝn ow-oljilarni kɵrsitidu.
□76:10 «Insanlarning ⱪǝⱨri Sanga xɵⱨrǝt kǝltüridu; ularning ⱪalƣan ⱪǝⱨri Sanga bǝlwaƣ bolidu» — bu sirliⱪ sɵz bǝlkim (1) Huda insanning barliⱪ asiyliⱪ-ⱪarxilixixlirini ahirida Ɵzining xɵⱨritigǝ ⱨǝm muddialiriƣa aylanduridu; (2) insanlarning Ɵz ⱪǝⱨri ɵzigǝ kǝltürgǝn külpǝtlǝr yenik bolup ⱪalƣan bolsa, «ⱪalƣan ⱪǝⱨr»ni Huda Ɵzi toluⱪlap jazalirini eƣirlaxturidu.