Muⱪeddes Kalam (yǝngi yeziⱪ) Zǝbur 87

87-küy •••• Zionning uluƣluⱪi

1 Koraⱨning oƣulliri üqün yezilƣan küy-nahxa: —

Uning uli bolsa muⱪǝddǝs taƣlardidur.□

2 Pǝrwǝrdigar Zionning dǝrwazilirini sɵyidu,

Yaⱪupning barliⱪ makan-jayliridinmu ǝwzǝl kɵridu;

3 Sening xǝripinggǝ uluƣ ixlar eytilmaⱪta, i Hudaning xǝⱨiri!

Selaⱨ.

4 «Meni tonup bilgǝnlǝr arisida Raⱨab bilǝn Babilni tilƣa alimǝn;

Mana Filistiyǝ, Tur bilǝn Efiopiyǝ;

Mana bu adǝm xu yǝrdǝ tuƣulƣan» — dǝymǝn.□

5 Bǝrⱨǝⱪ, Zion toƣruluⱪ xundaⱪ eytilidu: —

«Bu adǝm, palanqi-pokunqi uningda tuƣulƣan,

Ⱨǝmmidin Aliy Bolƣuqining Ɵzi uni mustǝⱨkǝmlǝydu».

6 Hǝlⱪ-ⱪowmlarni hatiriliginidǝ Pǝrwǝrdigar: —

«Bu kixi bu yǝrdǝ tuƣulƣan» — dǝp alaⱨidǝ hatirigǝ yezip ⱪoyidu.

Selaⱨ.□

7 Nahxiqilar, ussulqilar xuni tǝng eytidu: —

«Mening barliⱪ bulaⱪ-mǝnbǝlirim seningdidur!»□

□87:1 «Uning uli bolsa muⱪǝddǝs taƣlardidur» — «Uning uli» — Hudaning uli, demǝk.

□87:4 «... arisida Raⱨab bilǝn Babilni tilƣa alimǝn» — «Raⱨab» bu yǝrdǝ Misirni bildüridu (mǝnisi: «tǝkǝbbur». «Yǝx.» 30:7ni kɵrüng). ««Meni tonup bilgǝnlǝr arisida Raⱨab bilǝn Babilni tilƣa alimǝn... mana bu adǝm xu yǝrdǝ tuƣulƣan» — dǝymǝn» — sɵzligüqi Huda Ɵzi bolsa kerǝk.

□87:6 ««Bu kixi bu yǝrdǝ tuƣulƣan» — dǝp alaⱨidǝ hatirigǝ yezip ⱪoyidu» — bu sirliⱪ sɵz Hudaning Yǝⱨudiy bolmiƣan («yat ǝllik») Ɵzigǝ etiⱪad ⱪilƣuqilarni etiⱪadi arⱪiliⱪ «Ɵzümgǝ tǝwǝ adǝm, Ɵzümning ailǝmdiki adǝm» dǝp ⱨesablap, ularƣa iltipat ⱪilip: «Yerusalemda tuƣulƣan» dǝp ⱨesablaydiƣanliⱪini kɵrsitidu.

□87:7 «Mening barliⱪ bulaⱪ-mǝnbǝlirim seningdidur!» — «seningda» bǝlkim Zionda degǝn mǝnidǝ. Bǝzi alimlar mǝnisini «Huda Ɵzidǝ» dǝp ⱪaraydu.