88
88-küy •••• Tum ⱪarangƣuluⱪ
1 Koraⱨning oƣulliri üqün yezilƣan küy-nahxa: —
Nǝƣmiqilǝrning bexiƣa tapxurulup, «Mahalat-leanot» aⱨangida oⱪulsun dǝp, Əzraliⱪ Ⱨeman yazƣan «Masⱪil»: —
I Pǝrwǝrdigar, nijatliⱪim bolƣan Huda,
Keqǝ-kündüz Sanga nalǝ ⱪilip kǝldim. ◼«Nǝƣmiqilǝrning bexiƣa tapxurulup, «Mahalat-leanot» aⱨangida oⱪulsun dǝp...» — «Mahalat-leanot»ning mǝnisi namǝlum; bǝzi alimlar «ajizliⱪtiki dǝrdlǝr» yaki «harliⱪtin qiⱪⱪan kesǝl» dǝp tǝrjimǝ ⱪilidu.
2 Duayim Sening aldingƣa kirip ijabǝt bolsun;
Nidayimƣa ⱪulaⱪ salƣaysǝn;
3 Qünki dǝrdlǝrdin jenim toyƣan,
Ⱨayatim tǝⱨtisaraƣa yeⱪinlaxⱪan,
4 Ⱨangƣa qüxüwatⱪanlar ⱪatarida ⱨesablinimǝn;
Küq-madari ⱪuruƣan adǝmdǝk bolup ⱪaldim.
5 Ɵlüklǝrdin ⱨeqbir pǝrⱪsizmǝn,
Tenim lǝhǝttiki murdidǝkla,
Untulƣanmǝn ɵlüklǝrdǝk,
Ⱪolungdin mǝⱨrum bolup taxlanƣanmәn ulardǝkla.◼«Ular ⱪolungdin üzüp elinip yiraⱪ ⱪilinƣan» yaki «Kolungdin mǝⱨrum bolup taxlanƣanm;n ulardǝkla» — mǝnisi, bǝlkim: «Hudaning insanlarƣa daim kɵrsitidiƣan kɵyümidin ayriliƣan» degǝndǝk.
6 Sǝn meni ⱨangning ǝng tegigǝ,
Zulmǝtlik jaylarƣa, dengizning qongⱪur yǝrlirigǝ qɵmdürdüng.
7 Ⱪǝⱨring üstümgǝ eƣir yüktǝk basti,
Barliⱪ dolⱪunliring bilǝn meni ⱪiyniding.
8 Mǝndin dost-buradǝrlirimni yiraⱪlaxturdung;
Ularni mǝndin yirgǝndürdüng;
Mǝn ⱪamalƣanmǝn, ⱨeq qiⱪalmaymǝn.
9 Kɵzlirim azab-oⱪubǝttin hirǝlǝxti;
Ⱨǝr küni Sanga nida ⱪilimǝn, i Pǝrwǝrdigar,
Ⱪollirimni Sanga kɵtürüp kǝldim.
10 Ɵlüklǝrgǝ mɵjizǝ kɵrsitǝrsǝnmu?
Mǝrⱨumlar ornidin turup Sanga tǝxǝkkür eytarmu?
11 Ɵzgǝrmǝs muⱨǝbbiting ⱪǝbridǝ bayan ⱪilinarmu?
Ⱨalakǝt diyarida sadiⱪliⱪ-ⱨǝⱪiⱪiting mahtilarmu?
12 Karamǝtliring zülmǝttǝ tonularmu?
Ⱨǝⱪⱪaniyliⱪing «untulux zemini»dǝ bilinǝrmu?
13 Biraⱪ mǝn bolsam, Pǝrwǝrdigar, Sanga pǝryad kɵtürimǝn,
Tang sǝⱨǝrdǝ duayim aldingƣa kiridu.
14 I Pǝrwǝrdigar, nemigǝ jenimni taxliwǝtting?
Nemigǝ jamalingni mǝndin yoxurdung?
15 Yaxliⱪimdin tartip mǝn ezilgǝn, bimardurmǝn;
Wǝⱨxǝtliringni kɵrüwerip ⱨeq ⱨalim ⱪalmidi.
16 Ⱪǝⱨring üstümdin ɵtti;
Wǝⱨimiliring meni nabut ⱪildi.
17 Ular kün boyi taxⱪin suliridǝk meni orawaldi,
Tamamǝn meni qɵmdürdi.
18 Jan dost-aƣinilirimni meningdin yiraⱪlaxturdung,
Mening ǝziz dostum bolsa ⱪarangƣuluⱪtur! ◼«Mening ǝziz dostum bolsa ⱪarangƣuluⱪtur!» — baxⱪa birhil tǝrjimisi «Yar-buradǝrlirim ⱪarangƣuluⱪⱪa kɵmülüp ⱪaldi».
◼88:1 «Nǝƣmiqilǝrning bexiƣa tapxurulup, «Mahalat-leanot» aⱨangida oⱪulsun dǝp...» — «Mahalat-leanot»ning mǝnisi namǝlum; bǝzi alimlar «ajizliⱪtiki dǝrdlǝr» yaki «harliⱪtin qiⱪⱪan kesǝl» dǝp tǝrjimǝ ⱪilidu.
◼88:5 «Ular ⱪolungdin üzüp elinip yiraⱪ ⱪilinƣan» yaki «Kolungdin mǝⱨrum bolup taxlanƣanm;n ulardǝkla» — mǝnisi, bǝlkim: «Hudaning insanlarƣa daim kɵrsitidiƣan kɵyümidin ayriliƣan» degǝndǝk.
◼88:18 «Mening ǝziz dostum bolsa ⱪarangƣuluⱪtur!» — baxⱪa birhil tǝrjimisi «Yar-buradǝrlirim ⱪarangƣuluⱪⱪa kɵmülüp ⱪaldi».