138
138-küy •••• Xǝpⱪǝtkǝ rǝⱨmǝtlǝr
1 Dawut yazƣan küy: —
Pütün ⱪǝlbim bilǝn Sanga tǝxǝkkür eytimǝn;
Barliⱪ ilaⱨlar aldida Seni küylǝymǝn. ◼«Barliⱪ ilaⱨlar aldida Seni küylǝymǝn» — «ilaⱨlar» toƣruluⱪ 95:3 wǝ izaⱨatini kɵrüng.
2 Pak-muⱪǝddǝslikingning ibadǝthanisiƣa ⱪarap bax urimǝn,
Ɵzgǝrmǝs muⱨǝbbiting ⱨǝm ⱨǝⱪiⱪǝt-sadaⱪiting üqün namingni tǝbriklǝymǝn;
Qünki Sǝn pütün nam-xɵⱨritingdinmu bǝkrǝk, wǝdǝngdǝ turidiƣiningni uluƣ ⱪilƣansǝn. ◼«Qünki Sǝn pütün nam-xɵⱨritingdinmu bǝkrǝk, wǝdǝngdǝ turidiƣiningni uluƣ ⱪilƣansǝn» — baxⱪa birhil tǝrjimisi: «qünki Sǝn Ɵz nam-xɵⱨriting ⱨǝm wǝdǝngni ⱨǝmmidin üstün ⱪilding». Lekin bizningqǝ mǝnisi xuki, Hudaƣa nisbǝtǝn ɵz wǝdisidǝ turux ⱨǝtta nam-xɵⱨritidin yuⱪiri turidu.
3 Sanga nida ⱪilƣan künidǝ, manga jawab bǝrgǝnsǝn;
Jenimƣa küq kirgüzüp, meni riƣbǝtlǝndürgǝnsǝn.
4 Aƣzingdiki sɵzlǝrni angliƣanda, i Pǝrwǝrdigar,
Jaⱨandiki barliⱪ xaⱨlar Seni mǝdⱨiyilǝydu;
5 Ular Pǝrwǝrdigarning yollirida yürüp nahxa eytidu,
Qünki uluƣdur Pǝrwǝrdigarning xan-xǝripi.
6 Qünki Pǝrwǝrdigar aliydur;
Biraⱪ U ⱨali boxlarƣa nǝzǝr salidu;
Tǝkǝbbularni bolsa U yiraⱪtin tonup yetidu. ◘Zǝb. 113:4-7
7 Zulmǝt-muxǝⱪⱪǝtlǝr arisida mangƣan bolsammu,
Sǝn meni janlandurisǝn;
Düxmǝnlirimning ƣǝzipini tosuxⱪa ⱪolungni uzartisǝn,
Ong ⱪolung meni ⱪutⱪuzidu.
8 Pǝrwǝrdigar manga tǝwǝ ixlarni pütküzidu;
Meⱨir-muⱨǝbbiting, i Pǝrwǝrdigar, mǝnggülüktur;
Ɵz ⱪolliring yasiƣanni taxlap kǝtmigǝysǝn!
◼138:1 «Barliⱪ ilaⱨlar aldida Seni küylǝymǝn» — «ilaⱨlar» toƣruluⱪ 95:3 wǝ izaⱨatini kɵrüng.
◼138:2 «Qünki Sǝn pütün nam-xɵⱨritingdinmu bǝkrǝk, wǝdǝngdǝ turidiƣiningni uluƣ ⱪilƣansǝn» — baxⱪa birhil tǝrjimisi: «qünki Sǝn Ɵz nam-xɵⱨriting ⱨǝm wǝdǝngni ⱨǝmmidin üstün ⱪilding». Lekin bizningqǝ mǝnisi xuki, Hudaƣa nisbǝtǝn ɵz wǝdisidǝ turux ⱨǝtta nam-xɵⱨritidin yuⱪiri turidu.