1 Babildiki dǝrya-eriⱪlar boyida biz olturduⱪ;

Zionni ǝsliginimizdǝ, bǝrⱨǝⱪ yiƣa kɵtürduⱪ;

2 Qiltarimizni arisidiki sɵgǝtlǝrgǝ esip ⱪoyduⱪ.

3 Qünki bizni sürgün ⱪilƣanlar bizdin nahxa tǝlǝp ⱪildi;

Bizni zarlatⱪuqilar bizdin tamaxa tǝlǝp ⱪilip: —

«Ⱨǝy, Zion nahxiliridin birni bizgǝ eytⱪina» — deyixti.■Zǝb. 79:1

4 Yaⱪa yurtta turup Pǝrwǝrdigarning nahxisini ⱪandaⱪmu eytayli?

5 Əy Yerusalem, mǝn seni untusam,

Ong ⱪolum maⱨaritini untusun!□«Ong ⱪolum maⱨaritini untusun!» — yaki «Ong ⱪolumni untuƣan bolsam!».

6 Seni ǝslimisǝm,

— Yerusalemni ǝng qong hursǝnlikimdin ǝwzǝl kɵrmisǝm —

Tilim tanglayimƣa qaplixip ⱪalsun!

7 I Pǝrwǝrdigar, Edom baliliridin ⱨesab alƣanda, Yerusalemning bexiƣa qüxkǝn künini yadingƣa kǝltürgǝysǝn;

Qünki ular: «Uni yǝr bilǝn yǝksan ⱪilinglar,

Uliƣiqǝ yǝr bilǝn yǝksan ⱪilinglar!» deyixti.■Yǝr. 49:7; Əz. 25:12

8 I bulinix aldida turƣan Babil ⱪizi,

Bizgǝ ⱪilƣan ⱪilmixliringni ɵzünggǝ ⱪayturƣuqi bǝhtliktur!■Yǝr. 50:15,29; Wǝⱨ. 18:6

9 Bowaⱪliringni elip taxⱪa atⱪuqi kixi bǝhtliktur!