79
79-küy •••• Yurtni basⱪan balayi’apǝttin kɵtürülgǝn nalǝ-zar 
  1 Asaf yazƣan küy: —  
I Huda, yat ǝllǝr Ɵz mirasingƣa bɵsüp kirdi;  
Ular Sening muⱪǝddǝs ibadǝthanangni bulƣidi;  
Yerusalemni dɵwǝ-dɵwǝ harabilǝrgǝ aylandurdi. ◼«I Huda, yat ǝllǝr Ɵz mirasingƣa bɵsüp kirdi; ular Sening muⱪǝddǝs ibadǝthanangni bulƣidi; Yerusalemni dɵwǝ-dɵwǝ harabilǝrgǝ aylandurdi» — bu küy Babil padixaⱨi Neboⱪadnisar miladiyǝdin ilgiriki 597-yili Yerusalemni, jümlidin muⱪǝddǝs ibadǝthanini wǝyran ⱪilip, nurƣun Israillarni ǝsirgǝ elip Babilƣa elip kǝtkǝndin keyin yezilƣan bolsa kerǝk.   
 2 Ular ⱪulliringning jǝsǝtlirini asmandiki uqar-ⱪanatlarƣa yǝm ⱪilip,  
Mɵmin bǝndiliringning ǝtlirini daladiki ⱨaywanatlarƣa taxlap bǝrdi.   
 3 Ular hǝlⱪingning ⱪanlirini Yerusalem ǝtrapida sudǝk aⱪⱪuzdi,  
Jǝsǝtlirini kɵmgili birǝr adǝmmu ⱪaldurmidi.   
 4 Ⱪoxnilirimiz aldida rǝswaƣa ⱪalduⱪ,  
Ətrapimizdikilǝrgǝ mǝshirǝ wǝ mazaⱪ obyekti bolduⱪ. ◘Zǝb. 44:14; 80:6   
 5 Ⱪaqanƣiqǝ, i Pǝrwǝrdigar?  
Sǝn mǝnggügǝ ƣǝzǝplinǝmsǝn?  
Sening yüriking ot bolup ɵrtiniwerǝmdu? ɵrtiniwermu?◼«Sening yüriking ot bolup ɵrtiniwerǝmdu? » — ibraniy tilida «Sening ⱨǝsiting ot bolup ɵrtiniwerǝmdu? ».  ◘Zǝb. 89:46   
 6 Ⱪǝⱨringni Seni tonumiƣan ǝllǝr üstigǝ,  
Namingni bilmigǝn padixaⱨliⱪlar üstigǝ tɵkkǝysǝn! ◘Yǝr. 10:25   
 7 Qünki ular Yaⱪupni yalmap,  
Uning makanini harabilikkǝ aylanduruwǝtti.   
 8 Ata-bowilirimizning ⱪǝbiⱨliklirini bizgǝ ⱨesablimiƣaysǝn;  
Rǝⱨimdilliⱪliring bizning yenimizƣa qapsan kǝlgǝy!  
Qünki biz intayin pǝs ǝⱨwalda ⱪalduⱪ. ◘Yǝx. 64:8    
 9 Ɵz namingning xɵⱨriti üqün bizgǝ yardǝm ⱪilƣaysǝn, i nijatliⱪimizning Hudasi,  
Naming üqün bizni ⱪutⱪuzƣaysǝn, gunaⱨlirimizni kǝfarǝt ⱪilip kǝqürgǝysǝn;   
 10 Yat ǝllǝr nemixⱪa: «Ularning Hudasi ⱪǝyǝrdǝ?» dǝp mazaⱪ ⱪilixidu?  
Ⱪulliring tɵkkǝn ⱪan ⱪǝrzining ⱨesabi ǝllǝr arisida, kɵz aldimizda ⱪilinƣay.   
 11 Əsirlǝrning aⱨ-zarliri aldingƣa kǝlgǝy;  
Bilikingning ⱪüqi bilǝn, ɵlümgǝ buyrulƣanlarni saⱪliƣaysǝn.   
 12 I Rǝb, yat ⱪoxnilirimizning Sanga ⱪilƣan zor ⱨaⱪaritini yǝttǝ ⱨǝssǝ ⱪoxup ɵzlirigǝ,  
Yǝni ularning iqi-baƣriƣa ⱪayturƣaysǝn;   
 13 Bǝrⱨǝⱪ, Sening hǝlⱪing — Ɵzüng baⱪⱪan ⱪoyliring bolƣan bizlǝr,  
Sanga mǝnggügǝ tǝxǝkkürlǝr eytimiz,  
Əwladtin ǝwladⱪiqǝ Sening mǝdⱨiyiliringni ayan ⱪilimiz.   
◼79:1 «I Huda, yat ǝllǝr Ɵz mirasingƣa bɵsüp kirdi; ular Sening muⱪǝddǝs ibadǝthanangni bulƣidi; Yerusalemni dɵwǝ-dɵwǝ harabilǝrgǝ aylandurdi» — bu küy Babil padixaⱨi Neboⱪadnisar miladiyǝdin ilgiriki 597-yili Yerusalemni, jümlidin muⱪǝddǝs ibadǝthanini wǝyran ⱪilip, nurƣun Israillarni ǝsirgǝ elip Babilƣa elip kǝtkǝndin keyin yezilƣan bolsa kerǝk.
◼79:5 «Sening yüriking ot bolup ɵrtiniwerǝmdu? » — ibraniy tilida «Sening ⱨǝsiting ot bolup ɵrtiniwerǝmdu? ».