3
Tamol Eklesia
Hapatpat le ila ye katos: hare ye kkel depel semal bo yebe mel bo semal tamol eklesia, ila ngo sew yengang le ye hartael momay mala iy ye dipli. Semal le yebe mel bo semal tamol eklesia, ila ngo yebe semal yarmat le towe yor derel ngo yebe semal chog ril, ngo yebe repiy ngo ye gola mele yebe foru, ngo ye momay wegdegel, ngo yebe yoh le yebe foloy, ngo yebe mwechael le rebe budoh wasola irel imal. 3:2–7; Titus 1:6–9 Towe semal le yema toa habbelas hare semal le yema fedeg. Yebe malulu ngo yebe pos, ngo ye towe chahewal salpiy. Ngo yebe yoh ngali le yebe hammaler chol imwol, ngo ye foru le mekla lol rebe ma talenga yalol ngo rebe ma hasrowu. Hare semal mal le towe yoh ngali hammalel bugtal, ila ngo be ifa sengal ngo ye sala yoh le yebe hammale eklesia la yael Deus? Towe semal le ye moch bulong fael Kristiano bo ye dela habos iyang resala fang yal hagerger le yebe wochog yar faor ngal moniyan. Yebe iy semal yarmat le ye ssor mo irer rechokla te ir Kristiano bo ye dela tayikel loh depal sala yoh irel Moniyan.
Chol Yengangel Eklesia
Rechokla rebe ma yengang irel eklesia ila sibis yarmat le yebe wol momay wegdegir, ngo rebe ma katos, ngo re towe ma hacholopa lemer wine, ngo re towe ma chahewal salpiy. Ye tugul le yebe kkel deper le rebe kapta mekla ye katos le kofael tugulul ladep, le ye towe ma yeyewal deper iyang. 10 Metamo ngo rebe haglar mwo, ngo hare yebe yoh ngalir ila ngo ye bele moch yoh le rebe yengang. 11 Mekla rir mwo ngo be wol momay wegdegir, ngo re towe ma lunglung irer yarmat ngo rebe ma katos irel pangal formel. 12 Semal le yebe mel bo semal chol yengangel eklesia, ila ye tugul le be semal chog ril, ngo yebe yoh hammalel mekla lol mo chol imwol irel. 13 Rechokla rema yengangel eklesia ila yebe momay yael semal ir yengang, ngo yebe fel depel yarmat ngali, ngo yebe yoh le yebe kapta kofael tugulul ladep la yar irel Kristus Jesus.
Molwe Ye Palleng Pelal We Ye Llebag
14 Irel yai tetefa babior le ngo iyalyal bo ibe buyoy lal seral ka bo ibe wurugmi. 15 Hare ibe te tirwey, ngo babior le yai ye bele kangalugmi wululul mele sibe foru bo sibe mel bo yarmetael imwla imwel Deus, le eklesia we yael Deus la ye molow le tor siyal. Ila mala hakkelal mo dayifel tugul le ye katos. 16 Tor semal le yebe yoh le yebe sor sew formel irel mele yesa tugul depach iyang:
Ye llahdoh bo yarmat,
ngo Espritu Santus mele ye kawraloh le ye bung, ngo angelus kowe mele re wiri.
Re foloyu kofal ngalir chol sere mo sere lam,
ngo yarmetael faileng le re chepar irel, iwe ngo rehasidah wol laeng.

3:2 3:2–7; Titus 1:6–9