1 Israa7eela attuma naati hageeta: Roobeela, Simoona, Leewa, Yihudaa, Yisaakoora, Zaabiloona, 2 Daana, Yooseefa, Biniyaama, Nifttaaleema, Gaadanne Aseera.

3 Kanaanee Baatishu7ippe Yihudai yelido heezzu attuma naati Eera, Oonaananne SHeela. Yihudaa na7ai bairai, Eeri GODAA sinttan iitabaa oottido gishshau, GODAI a woriis. 4 Yihudaa na7aa machchiya Ti7imaara Yihudaayyo Paareesanne Zaraaha yelaasu. Yihudaayyo ubbaara ichchashu attuma naati de7oosona.

5 Paareesa attuma naati Hexiroonanne Hamuula.

6 Zaraaha attuma naati Zimira, Etaana, Hemaana, Kalkkoolanne Darddaa7a; eti muleera ichchasha. 7 Zaraaha zerettaappe gidida Karmma na7ai Akkaani Xoossaayyo dummayi wottido omooduwaa ekkidi, Israa7eela asaa waissidaagaa. 8 Etaana na7ai Azaariyaa.

9 Hexirooni yelido naati Yiraahima7eela, Raamanne Kaaleeba. 10 Raami Aminadaaba yeliis. Aminadaabi Yihudaa zaretu halaqaa Na7asoona yeliis. 11 Na7asooni Salmmoona yeliis; Salmmooni Boo7eeza yeliis; 12 Boo7eezi Yoobeeda yeliis; Yoobeedi Isseya yeliis. 13 Isseyi ba baira na7aa Eli7aaba, naa77antto na7aa Aminadaaba, heezzantto na7aa SHaama, 14 oiddantto na7aa Nataani7eela, ichchashantto na7aa Raddaaya, 15 usuppuntto na7aa Ooxeemanne laappuntto na7aa Daawita yeliis. 16 Isseya macca naati Xaruuyonne Abigaalo. Xaruuyi naati heezzati Abishaaya, Yoo7aabanne Asaaheela. 17 Abigaala Amaasa yelaasu; Amaasa aawai Isimaa7eeliyaa Yetera.

18 Hexiroona na7ai Kaaleebi ba maccaasee Azuubin, Yirii7ooto giyo na7iyo yeliis. Yirii7oota Yesheera, SHobaabanne Arddoona yelaasu. 19 Azuuba haiqqin, Kaaleebi Efiraato ekkiis; Efiraata Huura yelaasu. 20 Huuri Uura yeliis; Uuri Baxaali7eela yeliis.

21 Hexirooni usuppun tammu laitta asa gididoogaappe guyyiyan, Gala7aade aawaa Maakira na7iyo ekkidi, Saguba yeliis. 22 Sagubi Yaa7iira yeliis. Yaa7iiri beni Gala7aade biittan laatamanne heezzu katamata haariis. 23 SHin Gashuuranne Sooriyaa kawoti Yaa7iira katamata Qanaataaranne Qanaata moottatuura usuppun tammu katamata olidi oiqqidosona; yan de7ida asai ubbai Gala7aade aawaa Maakira zare. 24 Hexirooni Kaaleeba Efiraata giyoosan haiqqidoogaappe guyyiyan, Hexiroona maccaasiyaa Abiiya Taqo7a aawaa Ashihuura yelaasu.1Woikko Hexirooni haiqqidoogaappe guyyiyan, Kaaleebi ba aawaa am77iyo Efiraato aissiis. Aissin eti Taqo7a katamaa keexxida, Ashihuura giyo attuma na7aa yelidosona.

25 Hexiroona na7aa bairaa Yiraahima7eela na7ai bairai Raama; kaaloti Buuna, Oreena, Ooxeemanne Akiiya. 26 Yiraahima7eelayyo Ataaro geetettiya hara maccaasiyaa de7ausu; Ataara Oonaama aayyiyo.

27 Yiraahima7eela na7aa bairaa Raama naati Ma7aaxa, Yaamiinanne Eqeera.

28 Oonaama naati SHammaayanne Yaada.

SHammaaya naati Nadaabanne Abishuura. 29 Abishuura maccaasiyaa Abihaila Ahibaananne Moliida yelaasu. 30 Nadaaba attuma naati Seledanne Afaayima; Seledi na7a yelennan haiqqiis. 31 Afaayima na7ai Yishi7a; Yishi7a na7ai SHeeshaana; SHeeshaana na7ai Ahilaaya.

32 SHammaaya ishaa Yaada naati Yeteranne Yonaataana; Yeteri na7a yelennan haiqqiis. 33 Yonaataana naati Peleetanne Zaaza.

Hageeti Yiraahima7eela zareta.

34 SHeeshaanayyo maccappe attin, attuma naati baawa. SHeeshaanayyo Yaariha7a geetettiya ashkkarai Gibxxe biittaappe yiidaagee de7ees. 35 SHeeshaani ba ashkkaraa Yaariha7ayyo ba macca naatuppe issinno immiis; immin na7iyaa Attaaya yelaasu. 36 Attaayi Naataana yeliis; Naataani Zabaada yeliis; 37 Zabaadi Efilaala yeliis; Efilaali Yoobeeda yeliis; 38 Yoobeedi Yeeha yeliis; Yeehu Azaariyaa yeliis; 39 Azaaree Heleexa yeliis; Heleexi El77aasa yeliis; 40 El77aasi Sisimaaya yeliis; 41 Sisimaayi SHaaluuma yeliis; SHaaluumi Yiqaamiyaa yeliis; Yiqaamee Elishamaa7a yeliis.

42 Yiraahima7eela ishaa Kaaleeba na7ai bairai Meesha. Meesha na7ai Ziifa; Ziifa na7ai Mareesha; Mareesha na7ai Kebroona. 43 Kebroona naati Qoraaha, Taappuha, Reqeemanne SHemaa7a. 44 SHemaa7i Yorqqa7aama aawaa Rahaama yeliis. Reqeemi SHammaaya yeliis. 45 SHammaaya na7ai Maa7oona. Maa7ooni Beetixuura yeliis.

46 Kaaleeba kaadumatiyaa Eefa Haaraana, Mooxanne Gazeeza yelaasu; Haaraani Gazeeza yeliis.

47 Yaahidaaya naati Regeema, Yo7aataama, Geshaana, Peleexa, Eefanne SHa7aafa.

48 Kaaleeba kaadumatiyaa Maa7ika SHebeeranne Tirihaana yelaasu. 49 Qassikka Maa7ika SHa7aafanne SHawa yelaasu. SHa7aafi Madimaana yeliis. SHawi Maakibeenanne Gibaa7a yeliis.

Kaaleeba na7iyaa Akiso.

50 Kaaleeba naati harati hagaappe kaallidi xaafettidosona. Kaaleebi ba baira na7aa Huura ba keettaayee Efiraatin yeliis. Huura naati Qiriyaati-Yi7aariima aawaa SHobaala, 51 Beetaliheema aawaa Salmmoonanne Beeti-Gadeera aawaa Hareefa. 52 Qiriyaati-Yi7aariima aawaa SHobaala yarati Haro7eetatanne Manuhoota yaratuppe baggata. 53 Qiriyaati-Yi7aariima yarati Yatirata, Puutata, SHumaatatanne Mishiraa7ata. Xor77atinne Eshttaa7oolati hageetuppe yelettidosona. 54 Beetaliheema aawaa Salmmoona yarati Naxoofata, Axirooti-Beetayoo7aabata, Manuhoota yaratuppe attiya baggatanne Xor77ata. 55 Yaabeexa kataman de7iya xaafiyaageetu yarati qassi Tir77ata, SHim77aatatanne Sukkata. Hageeti Rekaabatu aawaa Haamatappe yelettida Qeenata.