Ab dof a nga naa ca xelam: «Yàlla amul!»

Ñu ni mel ay def njekkar, seeni jëf siblu,

kenn defu ci lu baax.

2 Aji Sax jee tollu asamaan, jéer doom aadama,

di seet ku ci xelu, tey wut Yàlla.

3 Ñépp lajj,

bokk yàqu yaxeet.

Kenn deful lu baax,

du kenn sax.

4 Aji Sax ji nee: «Xanaa ñiy def lu bon ñépp xamuñu dara?

Ñuy lekk sama ñoñ niw ñam,

te wutuñu Aji Sax ji.»

5 Foofu lañuy tiite tiitaange ju réy!

Du Yàllaa ngi ànd ak kuréeli ñu jub ñi?

6 Ku néewlee yaakaar, ngeen tas ko,

waaye Aji Sax ji la làqoo.

7 Ana kuy tollu Siyoŋ, xettali Israayil?

Éy bés bu Aji Sax ji tijjee wërsëgu ñoñam,

ndaw mbégte ci giirug Yanqóoba!

Ndaw bànneex laa ne, ci Israayil gii!