1 Éy Yàlla, àtte ma,

layool maak xeet wu gorewul,

xettali maak ku njublaŋ te dëng.

2 Yaw Yàlla kat yaay sama rawtu.

Lu tax nga wacc ma,

may wéye tiis,

ci nooteelu noon?

3 Ngalla yónneel sag leer ak sa dëgg,

yal na ma yooyu jiite,

yóbbu ma sa tund wu sell,

sa màkkaan ma.

4 Kon Yàlla, naa àgg ca sa sarxalukaay;

yaw Yàlla, yaay sama mbégte, di sama bànneex.

Yaw Yàlla, sama Yàlla,

naa la màggale xalam.

5 Moo man, lu may xàddi, ne yogg?

Lu may jàq nii?

Tee maa yaakaar Yàlla, ba santati ko,

moom sama Yàlla mi may wallu?