1 Màggalleen Ki Sax!

Naa sante Aji Sax ji léppi xol

ci biir ñu jub ñi bokk jataay.

2 Liggéeyi Aji Sax ji réy na,

ku ko safoo di ko gëstu.

3 Jëfam di teddngaak*teddnga mooy teraanga ju bare lool. daraja,

njubteem di sax ba fàww.

4 Moo dogal ñuy fàttalikuy kéemaanam;

Aji Sax ji boroom yiw ak yërmande.

5 Mooy leel ku ko ragal,

di bàyyi xel kóllëreem gi ba fàww.

6 Won na ñoñam dooley jëfam,

ba mu leen joxee suufu xeet yi.

7 Ay jëfam dëgg laak yoon,

tegtalam yépp mata wóolu,

8 laloo dëgg ak njub,

te sax dàkk ba fàww.

9 Moo yónnee xeetam wall,

fas ak ñoom kóllëre gu sax.

Kee sell te jara ragal!

10 Ragal Aji Sax ji di njàlbéenu rafet xel,

dég-dég bu rafet ñeel ku koy wéye.

Moo yeyoo cant ba fàww.