1 Màggalleen Ki Sax!

Ndokkalee ku ragal Aji Sax ji,

di tàqamtikoo ay santaaneem.

2 Aw askanam ay am doole ci réew mi.

Ku jub saw xeet barkeel,

3 alal ak koom am sa kër,

sag jëf yu jekk sax dàkk.

4 Ceeñeeru biir lëndëm jollil na ku jub

ak ku baax, di boroom yërmande ak njubte.

5 Ki baaxle mooy ki laabiir, di leble,

di jëflante cig njub.

6 Ku jub du tërëf mukk,

te dees na ko fàttaliku ba fàww.

7 Du ragal dég-dég bu tiis,

xel ma day dal, mu wóolu Aji Sax ji,

8 fit wa toog, du ragal,

ba kera muy gis noonam jóoru.

9 Moo yéwén ci li muy may néew-doole yi,

njekkam sax dàkk,

dooleem di yokku, ànd ak daraja.

10 Soxor bi da koy gis, mer,

iñaan bay yéyu, jeex tàkk;

nde soxor, yaakaar ju tas rekk.