1 Jiñaꞌa Jitoꞌo Dios nuu Jitoꞌo san:

“Jinkoo ichi ndaꞌa kuaꞌa rin,

vi guaa ndee na saꞌa rin ja ka kaꞌan uꞌu ña jin ron

ndee chii jaꞌa ron”.

2 Te ndee Sión taa Jitoꞌo Dios vara ya ja kuu tniuu kaꞌnu skuiso ña ya ja kotatnuni ni,

te kokuu nijaꞌnu ni nuu ja ka kaꞌan uꞌu ña jin ni.

3 Ñayiu maa ni, chi maa ni mai jakuei ja vi koi jin ni,

kiuu xneꞌe ni jakaꞌnu ni ja kundee ni.

Te ka yeꞌe ñayiu maa ni nuu ka oi nuu ni,

na kuinio nuu inka ni yeꞌe ja matuu inka kiuu.

Te kuu ni na kuinio suchi kuechi, chi yeyeꞌe ni,

na kuinio yuyu ja oo tnoꞌo neꞌe.

4 Ni kee yuꞌu Jitoꞌo Dios, te ma ndatnaꞌnu ini ya:

Maa ron kuu sutu ja oo nikuii nikani,

te kokuu inuu ron jin naxa oo Melquisedec.

5 Te oo maa Jitoꞌo Dios ichi ndaꞌa kuaꞌa ni,

te kiuu na kiti ini ya, te xnaa ya tee ka kuu rey.

6 Te kiuu ja sandaa ya kuechi ñayiu ñuyiu,

te tatutu ya yiki kuñu ndiyi,

vi kaxin yuu ya xini ñayiu ninii ñuyiu.

7 Te nuu kuaꞌan Jitoꞌo nuu ichi, te koꞌo ya ndute nuu in yute,

te ndundakui ya.