20
Fa Ragag i Motochiyel
(Deuteronomy 5:1–21)
I Got e weliy urngin e pi thin ney. I ga’ar, “I gag fare SOMOL ni Got romed ni gu fekmed nga wuru’ yu Egypt, ni aram e gin ni um sibgad riy.
“Dariy yugu reb e kan ni nge mang got romed, ya kemus ni gag.
“Dab mu ngongliyed ya’an ban’en u tharmiy fa daken e fayleng fa fithik’ e ran u tan e but’. Exo 20:23; 34:17; Lev 19:4; 26:1; Deu 4:15–18; 5:8; 27:15 Dab mu siro’gad ara mu pigpiggad ngorad; ya gag fare SOMOL ni Got romed, mi gag ba Got ni gu ba talyeg. Gu ra fek e gechig i yib nga daken e pi’in yad be fanenikayeg nge nga daken pifakrad nge mada’ ko bin dalip e mfen. Exo 23:24; 34:6, 7; Deu 4:24; 5:9, 10; 7:9 Machane pi’in ni gu bt’uf rorad ma yad ma fol ko pi motochiyel rog e gu ra dag e t’ufeg rog ngorad ni bbiyu’ e mfen.
“Dab i un fithingag u l’ugunmed ni yugu dariy fan, I gag fare SOMOL ni Got romed, e gu ra gechignag e pi aromed ni be dariy fannag fithingag. Lev 19:12; Deu 5:11
“Mu ted fan e Sabbath mi gimed tay nib thothup. Exo 23:12; 31:12–17; 34:21; 35:2, 3; Lev 19:3; Deu 5:12–15 Thingar mmuruwliyed urngin e maruwel romed u lan nel’ e rran, 10 machane bin medlip e rran e rran ko toffan ni kan ognag ngog. Re rran nem e dariy be’ nra maruwel — ni gur, nge pifakam, nge pi sib rom, nge gamanman rom, ma ku arita’ e girdi’ nu bang nma par u lan e binaw romed. 11 I Gag SOMOL e gu ngongliy e tharmiy, nge but’, nge day, nge urngin ban’en ni ba’ riy u lan n’el e rran, me rofen ni gaman e medlip ngay mu gu toffan. Aram fan ni gag SOMOL e kug fal’eg wa’athan e re rran nem ma kug tay nib thothup.
12 “Mu liyor ko chitamam nge chitinam nge n’uw nap’an ni mu par ko gi binaw nike pi’ SOMOL ni Got rom ngom. Mat 19:18, 19; Mrk 10:19; Luk 18:20 Lev 19:3; Deu 5:16; Mat 15:4; Mrk 7:10; Efe 6:2
13 “Dab mu li’ be’ ngem’.
14 “Dab mu pirew be’ ni gathi mabgol rom. Lev 20:10; Deu 5:18; Mat 5:27; Rom 7:7
15 “Dab mmoro’ro’. Lev 19:11; Deu 5:19
16 “Dab mu t’ar e thin nga daken be’. Exo 23:1; Deu 5:20
17 “Dab mu chogownag e naun rok be’, ara le’engin’, ara sib rok, garbaw rok, dongki rok; ara ara tin bay rok.” Deu 5:21; Rom 7:7
Marus ni tay e girdi’
(Deuteronomy 5:22–33)
18 Fa’ani rung’ag piyu Israel lingan e dirra’ nge laman e yabul ni be thow ni ba ga’ laman, miyad guy e uluch ni be matmat nge re burey nem ni be gabulbul e ath riy, mu ur da’da’gad ko marus miyad sak’iy u urel riy. 19 Me lungurad ngak Moses, “I gur e ngam non ngomad nggu rung’aged; ya fa’anra nge non Got ngomad, ma nggu m’ad nriyul’.” 20 Me ga’ar Moses ngak piyu Israel, “Dab mu rusgad; ya kemus ni nge yib Got ni nge sikeng nagmed me tay madgun nga lanin’med, ya nge dab kum denengad.” 21 Machane me yigi par e girdi’ ni yad ba sak’iy u urel, ma kemus ni Moses e yan nga to’oben fa gi manileng nib talumor ni aram e gin ni ba’ Got riy.
Pi motochiyel ni murung’agen e Altar
22 Me ga’ar SOMOL ngak Moses, mog ngak e girdi’ nu Israel ni nge lungum, “Kam guyed nga owchemed ni gag SOMOL e kug non ngomed u tharmiy. 23 Dab mu ngongliyed boch e got ni silber nge gol ni ngam puthuyed ngog ngu’um ted fan. 24 Mu ubungyed e altar rog ni but’, mi gimed tay e pi maligach ni ngan orfeg nga daken, ni bogi saf nge garbaw ni maligach ngog, nge pi maligach ko gapas u thildad. Ma gu ra yib ngomed nggu fal’eg wa’athmed u gubin yang ni kug turguy ni ngu’um meybilgad riy ngog. 25 Ma fa’an gimed ra ngongliy e altar rog ko malang, ma dab mu flaged ko malang ni kan puy, ya fa’an gimed ra fanay e talin e maruwel ni chisel ngay ma aram e kam alit niged. Deu 27:5, 6 26 Dab mu toyed e altar rog ni bay e tawo’ ni yan ngay; ya fa’an gimed ra ngongliy, ma gimed ra yan riy ngalang me m’ug e gin nib ta’ay i dowmed nga daken.

20:4 Exo 20:23; 34:17; Lev 19:4; 26:1; Deu 4:15–18; 5:8; 27:15

20:5 Exo 23:24; 34:6, 7; Deu 4:24; 5:9, 10; 7:9

20:7 Lev 19:12; Deu 5:11

20:8 Exo 23:12; 31:12–17; 34:21; 35:2, 3; Lev 19:3; Deu 5:12–15

20:12 Mat 19:18, 19; Mrk 10:19; Luk 18:20

20:12 Lev 19:3; Deu 5:16; Mat 15:4; Mrk 7:10; Efe 6:2

20:14 Lev 20:10; Deu 5:18; Mat 5:27; Rom 7:7

20:15 Lev 19:11; Deu 5:19

20:16 Exo 23:1; Deu 5:20

20:17 Deu 5:21; Rom 7:7

20:25 Deu 27:5, 6