3
Meybil ko Ayuw ni Kadbul*ROGON NI HEBREW: Ba tang kok David, u tomuren ni mil rok Absalom ni be’ nib pagel ni fak.
1 SOMOL, rib yo’or e to’ogor rog,
nike pag urngrad ni yad be togopluw ngog.
2 Yad be yogneg ni yad be ga’ar,
“Dabi ayuweg Got e cha’nem.”
3 Machane gur SOMOL, e rungrung rog ko riya’ ni gubin ngiyal’;
ga ma gel nigeg
ma ga ma fulweg e athamgil nga lanin’ug.
4 Gu yornag e ayuw ngak SOMOL,
me fulweg taban e meybil rog ko fare burey rok nib thothup.
5 Gu pageg nga but’ ni nggu mol,
ma SOMOL e be yoror rog ni n’umngin e nep’.
6 Da gu rus ko yu biyu’ i to’ogor
ni yad ba liyegeg u ga’ngin yang.
7 SOMOL, ni Got rog moy ngam ayuwegneg!
Mu gechignag urngin e pi to’ogor rog,
ngam pagrad nike m’ay gelingrad ni dabkiyag ni ngar maad’adgad ngog.
8 Gel ni yima tay e ma yib rok SOMOL—
mang e yigi fal’eg wa’athan e girdi’ rok.
DRAFT VERSION — Proofreading in progress