8
Feni sorok Got nge feni ga’ fan e girdi’
1 A SOMOL, ni gur e SOMOL romad,
rogon feni gilbugwam e ka ni guy u gubin yang u fayleng!
Rogon feni sorom e ke yan ke pag e yu thal i tharmiy ngalang;
2 sorok ni be pining e pi bitir nge pi madway ngom.
Ir e mu maruwel ngay nge mang yoror rom ko pi to’ogor rom,
ma ir e nge taleg e pi to’ogor rom nge pi’in ke sap lanin’rad ngom.
3 Fa’an gu ra yaliy lanelang ni gur e kam sunumiy,
nge pul nge pi t’uf riy, ni gur e mu ayliyrad nga tagil’rad,
4 me lungug u wun’ug, girdi’ e mang ni ngam leamnag;
kemus ni yad e girdi’, ma ri yad ba t’uf rom?8:4–6 Job 7:17–18; Psa 144:3; Heb 2:6–8
5 Machane kam tay ni kemus ni go’ gur e ga ba tolang rorad;
kam teeliyaw nagrad ko tayfan nge flaab.
6 Kam tayrad ni ngar gagiyeg niged urngin ban’en ni kam sunumeg,
kam tayrad ni yad ba tolang ngak urngin ban’en:
7 ni saf nge garbaw, ma ku er i tay e gamanman ni malboch,
8 nge arche’ nge nig,
nge urngin e yafos u maday.
9 A SOMOL, ni gur e SOMOL romad,
feni sorom e ka ni guy u gubin yang u fayleng!
DRAFT VERSION — Proofreading in progress