54
Ba meybil ni ngan aywegey rok e pi to’ogor*TITLE NI HEBREW: Ba thin rok David, u tomuren fapi pumo’on nu Zif nranod ngak Saul nga rogned ngak ni be mith David u lan e binaw rorad.1 Sa 23:19; 26:1
1 A Got, mu ayuwegneg nga gelngim;
gelngim e nge m’ug riy ni bfel’ e rog!
2 A Got, mu rung’ag e meybil rog;
mmotoyil ko pi thin ni gu be yog!
3 Girdi’ nib tolngan’rad e karbadnag e cham ngog;
girdi’ ndariy e runguy rorad e yad be guy rogon ni ngar thanged e pogofan rog —
bogi girdi’ ni der un Got u wan’rad.
4 Machane Got e ir e ma ayuwegneg.
I SOMOL e ir e ma n’ufegeg.
5 Mang e yigi cheleg Got e kireb rok e pi to’ogor rog nge aw ngorad.
Ra thang owcharad ni bochan e ba yul’yul’.
6 A SOMOL, rib felan’ug ngay ni gu ra pi’ ba maligach ngom;
bay gu pining e magaer ngom
ni bochan e gab manigil.
7 Ya kam chuwegeg u fithik’ urngin e oloboch rog,
ma kug guy e pi to’ogor rog ni kar waergad.
*^ TITLE NI HEBREW: Ba thin rok David, u tomuren fapi pumo’on nu Zif nranod ngak Saul nga rogned ngak ni be mith David u lan e binaw rorad.
DRAFT VERSION — Proofreading in progress