1 Ìh hadai broq mòeq toq prang tadreo xi long sitim, hìn buàng, padam hagat dang yôh, padam hagat dang gat, dang haqnhèq piq hagat. 2 Ajang pôn toq mùm prang tadreo broq haki ngèa loh tagùng rai glom đùng. 3 Ƀài dahwèq khop khip da prang tadreo aih broq xi đùng: abôq tah loc, canoch, padrì diac, grao xŏc jam, xam dòt tah ngia ùnh dìq broq xi đùng. 4 Broq ka prang tadreo mòeq toq lìap haqnac ngia ùnh xi taliac đùng; roc nòe mùm haq broq pôn toq gwiang xi đùng; 5 Khoe aih đòeq lìap aih enh qneq ka haqmai da pang tadreo, taqne lò ƀè haqnhèq da prang tadreo. 6 Hanoh raxoh long tanòng tòng prang tadreo xi long sitm, lom đùng. 7 Khoe èh trôp qmùt ta gwiang, jò tòng lam, tanòng aih ep oe baiq ƀè prang tadreo.

9 Ìh ep broq baiq toq hamlang ka hnim kùh waiq đò. Enh qma ka hamlang i prình xi bai lan ma habuàt, dang yôh mòeq hrinh hagat, 10 xam baiq jàt toq jrang xam baiq jàt toq jo jrang xi đùng èh glêh xam long tanang haq aih broq xi ƀac. 11 Enh pah qngeo hanoh qmang aih; prình xi bai dang yôh mòeq hrinh hagat, baiq jàt toq jrang xam jo jrang xi đùng; glêh xam long tanang haq broq xi ƀac. 12 Roc ti haqmai da hamlang enh ƀè mat mahì clìh ep i mòeq blah bai prình yôh padam jàt hagat, mòeq jàt toq jrang xam mòeq jàt toq jo jrang. 13 Dang gat da hamlang enh ngèa, aih la ƀè mat mahì tŏc, i moeq blah bai prình yôh padam jàt hagat. 14 Enh qma i bai prình yôh mòeq jàt padam hagat, piq toq jrang xam piq toq jo jrang. 15 Enh ƀè qngeo i bai prình yôh mòeq jàt padam hagat, piq toq jrang xam piq toq jo jrang. 16 Qmang da hamlang i mòeq blah bai prình yôh baiq jàt hagat broq xi bai lan habuàt, atênh enh brai nget, gòh ngùi, gòh yrùng, i thèu, xam pôn toq jrang xam pôn toq jo jrang. 17 Dìq dŏng ƀài jrang dudanh ka hamlang jah tadùng ka dabau xi long tanang ƀac; glêh jrang aih broq xi ƀac, jo jrang aih xi đùng. 18 Dang yôh da hamlang yôh jah mòeq hrinh hagat, dang gat, rìm ƀè, padam jàt hagat, dang haqnhèq padam hagat; bai prình broq xi bai lan ma habuàt, jo jrang aih broq xi đùng. 19 Dìq dŏng ƀài dahwèq padon đòeq ka bìac kùh waiq ta hnim kùh waiq đò, xam long tanàp da hnim kùh waiq đò hloe xam long tanàp da hamlang, dìq broq xi đùng.