10
Nang noe da Japhet
1 Kô xinoe da Sem, Cham xam Japhet, piq ngai kon da Nô-ê; atìq ka diac kàn wì haq ha-uang kon.
2 Kon da Japhet aih la Gôme, Magot, Mađai, Jawan, Tuƀan, Mêsiac xam Tira,
3 Kon calô da Gôme aih la Akêna, Riphat, xam Tôgama, 4 Kon calô da Jawan aih la Êlisa, Tarêsi, Kit-tim xam Đôđanim 5 Enh wì haq aih majah i mangai oe jàp roc pleo, mangai i dèh hra gùng, tiaq deh hra xinoe xam bàu capoch.
Nang noe da Cham.
6 Kon calô da Cham aih kut, Mira-im, Phut, xam Cana-an, 7 Kon calô da Kut aih la Sêƀa, Hawila, Sapta, Ra-êma xam Saptêca, kon da Ra-êma aih Sêƀa xam Đêđan.
8 Kut aih baq da Nimrôt, aih la mangai ma baxèm broq mangai ƀình lình tanoq ta crŏng taneh. 9 Haq aih la mangai tanoq ka lam axan enh ngeà ka Jêhôwa. Dài aih majah i bàu alìah: Wop tìah qmòe ka Nimrôt, mangai tanoq ka lam axan enh ngèa ka Jêhôwa! 10 Diac da haq ma baxèm broq aih la Ƀaƀên, Erêt, Acat, Cađe oe tagùng Sinê-a. 11 Enh gùng aih haq lam ta Asiri ta aih haq broq plài Ninive, Rêhôbôti, Calat, 12 Rêsen, plài aih joq ma kàn haraya, oe ta adreo wa Ninive wa Calat.
13 Mira-im hauang loh xinoe Luđim, xinoe Anamim, xinoe Lehabim, xinoe Naptuhim, 14 xinoe Barusim, xinoe Caluhim (enh aih ma loh nang noe Philitin), xam noe Captôrim.
15 Cana-an ha-uang Siđôn, aih la kon ramua, xam Hèch 16 xam xinoe Jêbusit, xinoe Amôrit,
xinoe Girêgasit, 17 xinoe Hêwit xinoe Akêrit, xinoe Sinit. 18 xinoe Awađit, xinoe Xêmarit, xinoe Hawatit. Khoe aih xinoe Cana-an hi paclac.
19 Taneh da Cana-an, ƀè qngèa Gêra, patep enh Siđôn trùh ta Gaxa, ƀè qngèa Sôđôm, Gômôro, Acma, Sêbô-im trùh ta Lêsa.
20 Aih la adrech da Cham, tiaq tang hadròng hadrech, bàu capoch, gùng xam mangai da wì haq
Nang noe da Sem.,
21 Sem kan cadraq da xinoe Hêƀe, daq ranua da Japhet, hadai ha-uang kon calô, 22 Kon calô da Sem aih Êlam, Asuro, Aƀasat, Lut xam Aram.
23 Kon calô da Aram aih la Uxo, Hulo, Gête xam Mat.
24 Èh da Aƀasat hòm ha-uang ka Sêlat, Sêlat ha-uang ka Hêƀe, 25 Hêƀe i baiq ngai kon calô, moeq ngai aih Ƀêlec, majah qmang aih taneh qnhòng da haq khoe lah axong; yiniq mangai ma oh aih Joctan. 26 Joctan ha-uang Amođat, Sêlep, Hasamawet, Jêrat. 27 Hađôram, Uxa, Điacla, 28 Ôƀan, Aƀima-ên, Sêba, 29 Ôphia, Hawila xam Jôƀap. Wì aih dìq kon calô da Joctan, 30 Taneh da wì aih oe enh pah Sêpha, pang Mêsa trùh ta wang apah mat mahì loh.
31 Aih la kon xau da Sem, tiaq tang hadròng hadrech, bàu capoch xam mangai da wì haq.
32 Aih la ƀài hadròng hadrech da piq ngai kon calô Nô-ê, tiaq tang qnhòng xam mangai da wì haq; èh hadai enh wì haq aih raq ma hi i mangai oe talah jàp ta crŏng taneh atìq ka diac kàn.