11
Hnim cayòe Ƀaƀen.
1 Jò aih, dìq dŏng ka phù cròng capoch ta hatìah rai pajùm mòeq bàu. 2 Yàng jò wì haq ma hi loh lam enh gùng mat mahì loh, wì haq glàm mòeq toq tamang tagùng Sinê-a, èh wì haq hi oe ta aih. 3 Mangai kô anoe ka mangai tau: Beq! bèn broq gech bùh ta ùnh. Jò aih gech đòeq broq hmo, jan chai đòeq broq hô. 4 Khoe aih wì haq doe: Beq bèn broq plài kàn rai paqnàng moeq toq hnim haqnhèq ma cayòe, dôq bui haq trùh qmòe trŏc; drah nhet ka broq đòeq jah broq qngah ka yiniq da bèn yùq èh loq ep prah priang jàp ta crŏng taneh kô. 5 Jêhowa loh đòeq hu ngan plài xam hnim cayòe da kon magai ma broq aih. 6 Jêhowa doe: Hacô, i mòeq adrech mangai raq hadai pajùm mòeq bàu tapoch; hatau bìac wì haq qnang broq, manòeq kô oe i cleq jah tàt ƀài yiniq wì haq ma khoe dì deh. 7 Hêq! Bèn loh broq đòeq manhài bàu capoch da wì ha, dôq wì haq ùh loq tàng bàu mangai kô xam mangai tau. 8 Khoe pang aih, Jêhowa broq ka kon mangai prah priang jàp crŏng taneh, èh wì haq hi hêq ka broq plài. 9 Dài aih, majah creo ka plài aih la Ƀaƀen, majah qmang aih nòe aih Jêhowa broq ka manhài bàu capoch da kon mangai, enh aih haq broq ka kon mangai prai jàp crŏng taneh.
Kan cadraq da mangai Isorali enh Apraham trùh Jôsep.
10 Sêlat jah 30 hanam, ha-uang ka Hêƀe. 15 Atìq ka i Hêƀe. Sêlat oe rìh tam 430 hanam ha-uang kon calô cadrì.
16 Hêƀe jah 34 hanam, ha-uang ka Ƀêlec. 17 Atìq ka i Ƀêlec, Hêƀe oe rìh tam 430 hanam, ha-uang kon calô cadrì.
18 Ƀêlec jah 30, ha-uang ka Rêhu. 19 Atìq ka i Rêhu, Ƀêlec rìh tam jah 209 hanam ha-uang kon calô cadrì.
20 Rêhu jah 32, ha-uang ka Sêruc. 21 Atìq ka i Sêruc, Rêhu oe rìh tam jah 207 hanam ha-uang kon calô cadrì.
22 Sêruc jah 32 hanam, ha-uang ka Nacô. 23 Atìq ka i Nacô, Sêruc oe rìh jah 200 hanam, ha-uang kon calô cadrì.
24 Nacô 29 hanam, ha-uang ka Tharê, 25 Atìq ka i Tharê, Nacô rìh jah 119 hanam, ha-uang kon calô cadrì.
26 Tharê jah 27 hanam ha-uang ka Apram, Nacô, Haran.
27 Kô xinoe da Tharê: Tharê ha-uang ka Apram, Nacô xam Haran; Haran ha-uang ka Lot. 28 Haran cachìt deh tagùng cla aih la Uro, aih la gùng Canđê, jò aih baq haq la Tharê oe rìh. 29 Apram xam Nacô yŏc mai, mai da Apram yiniq haq Sarai, mai da Nacô yiniq haq Minca; Minca xam Dica aih dìq kon da Haran. 30 Jò aih, Sarai xon ùh i ka kon.
31 Tharê qnung Apram, kon calô cla haq, Lot kon da Haran, aih mon haq, xam Sarai mai da Apram aih la kon mai haq, dìq loh khoe ka Uro nòe gùng Canđê, đòeq lam trùh gùng Cana-an. Jò trùh ta Charan wì hi rìh oe ta aih.
32 Tharê halình jah 205 hanam, khoe aih hi cachìth ta Charan.