1 Kô xinoe da Êsau, aih la Êđôm. 2 Êsau yŏc ƀài kon cadrì Cana-an aih la Ađa, kon cadrì da Êlôn, mangai Hêtit; Ôhôli-ƀama, kon cadrì da Ana, xau ngoaiq da Xibê-ôn, mangai Hêwit, 3 xam Bacmat kon cadrì da Ich ma-ên, aih la oh cadrì da Nêbajôt. 4 Ađa ha-uang loh Êlipha ka Êsau; Bacmat ha-uang loh Rê-u-ên; 5 Ôhôli-ƀama ha-uang loh Jalam xam Kôra. Aih ƀài kon calô da Êsau ma khoe ha-uang ta gùng Cana-an.

6 Êsau qnung deh ƀài mai, kon calô, kon cadrì xam rìm ngai tahnim xam ƀài kùng hang đeh ma khoe broq loh tagùng Cana-an, jac tagùng qnoeq, hangai ka Jacôp oh cla haq. 7 Pàng wa oh daq jah hrình kùng hang, ngè aban bàc hrìn, gùng ma qnang oe pi anòh ka wa hòm, dài wa pi jah oe ti dabau. 8 Qmang aih Êsau aih la Êđôm, tŏc ta wang Sê-iro.

9 Kô xinoe da Êsau, kan cadraq da mangai Êđôm, oe ta wang Sê-iro. 10 Kô yiniq da ƀài kon calô da Êsau: Ađa, mai haq ha-uang loh Êlipha; Bacmat mai haq ha-uang loh Rê-u-ên, 11 Kon calô da Êlipha aih la Thêma, Ôma, Xêphô, Jatham, Kêna. 12 Thimna, mai yang da Êlipha kon calô da Esau, ha-uang Amalec ka haq. Aih ƀài xau da Ađa, mai Êsau.

13 Ƀài kon da Rê-u-ên: Nahat, Xêrat, Sama, Mitxa. Aih la ƀài xau da Bacmat, hanoh mai da Êsau. 14 xam ƀài wì kô aih la kon calô da Ôhôli-ƀama, mai da Êsau kon cadrì da Ana, xau ngoaiq da Xibê-ôn. Haq ha-uang ka Êsau loh Jê-uc, Jalam, xam Kôra.

15 Kô ƀài gàugùc ta kon xau da Êsau: Ƀài kon calô Êlipha kon ramua da Êsau, aih la gàugùc da noe Thêman, gàugùc da nang noe Ôma, gàugùc nang noe Xêphô, gàugùc nang noe Kêna, gàugùc nang noe Kôra, gàugùc nang noe Gatham, gàugùc nang noe Amalec. Aih la ƀài gàugùc loh enh Êlipha, ha-uang tagùng Êđôm, èh aih raq ƀài xau da Ađa – 17 Kô ƀài kon calô da Rê-u-ên, kon Êsau: Gàugùc Nahat, gaùgùc Xêra, gàugùc Sama, xam gàu gùc Mitxa. Aih la ƀài gàugùc loh enh Rê-u-ên, ha-uang tagùng Êđôm, wì haq aih la xau da Bacmat. 18 Kô ƀài kon calô da Ôhôli-ƀama, mai Êsau: Gàugùc Jê-ùc, gàugùc Jalam xam gàugùc Kôra. Aih la ƀài gàugùc enh Ôhôli-ƀama, mai Êsau, kon cadrì da Ana, ha-uang loh. 19 Aih la ƀài kon calô da Êsau (aih raq Êđôm) aih ƀài mangai broq gàugùc da wì haq.

20 Kô, ƀài kon calô da Sê-iro mangai Hôrit, qnhòng nèh rìh ta aih: Lôthan, Sôƀan, Xibê-ôn, Ana, 21 Đisôn, Atxe, xam Đisan. Aih la ƀài kon calô da Sê-iro, gàugùc da mangai Hêrit, gùng Êđôm.- 22 Ƀài kon calô da Lôthan aih la Hôri xam Hêman; Thimna aih la oh cadrì da Lothan. 23 Kô ƀài kon calô da Sôƀan: Awan, Mana-hat, Êƀan, Sêphô xam Ônam. 24 Kô ƀài kon calô da Xibê-ôn: Aja xam Ana. Ana aih raq mangai ma chaq hnoq cròng diac tôq tanòe đùng hawit, jò haq ban lùa da Xibê-ôn baq haq.- 25 Kô ƀài kon da Ana: Đisôn, Ôhôli-ƀama, aih la ƀài kon cadrì da Ana. 26 Kô kon calô da Đisôn: Hemđan, Êƀan, Jiran, xam Kêran. 27 Kô kon calô da Êxe: Ƀin-han, Xawan, Acan. 28 Kô ƀài kon calô da Đisan: Uxo xam Aran.

29 Hacô ƀài gàugùc da mangai Hôrit: Gàugùc Lothan, gàugùc Sôban, gàugùc Xibê-ôn,

gàugùc Ana 30 gàugùc Đisôn, gàugùc Exe xam gàugùc Đisan. Aih ƀài gàugùc da mangai Hôrit, oe ta Si-êro.

31 Jò Isorali qnhòq i mòeq ngai leq broq bùa hu qnung gàu. Kô ƀài bùa ma wèq ta Êđôm. 32 Ƀêla, kon calô da Ƀê-ô, wèq ta Êđôm; yiniq than phôq da haq la Đin-haba, 33 Bùa Ƀêla cachìt, Jôƀap kon calô da Xêrat, mangai Ƀôtra, tŏc broq bùa tìa aih. 34 Bùa Jôƀap cachìt Husam mangai Theman, tŏc broq bùa tìa aih. 35 Bùa Husam cachìt, Hađat kon calô da Ƀêđat, tŏc broq bùa. Bùa kô majêh blêq mangai Mađi-an ta đùng Mô-ap; Awit aih la yiniq than phôq da haq. 36 Bùa Hađat cahìt, Samla mangai Marêca tŏc broq bùa tìa aih. 37 Bùa Samla cachìt, Saulo mangai Rêhôƀôt oe trong diac, tŏc broq bùa tìa aih, 38 Bùa Saulo cachìt, Ba-an-anan, kon calô da Aƀô tŏc broq bùa tìa aih. 39 Bùa Ƀa-an-Hanan cachìt, Hađa tŏc broq bùa tìa aih, Ƀa-u aih la yiniq than phôq da haq. Cadrì haq la mangai Mêhêta-ƀê-en, kon cadrì da Matrêt, xau ngoaiq da Mêxahap.

40 Kô ƀài gàugùc ha-uang loh enh Êsau, arèn tiaq tang xinoe, xam nòe oe tiaq deh yiniq tang ngai: Gàugùc Thimna, gàu gùc Jêhet. 41 Gàugùc Ôhôli-ƀama, gàugùc Êla, gàugùc Phinôn. 42 Gàugùc da Kêna, gàugùc Thêman, gàugùc Mepxa ŏ. 43 Gàugùc Matđi-ên xam gàugùc Yram. Aih la ƀài gàugùc da Êđôm, tiaq tang hnim oe tagùng wì haq. Kan cadraq da mangai Êđôm aih la Êsau.