1 Chuaq Jêhowa doe ka Môise qmang kô: 2 kô ranenh am ka mangai bacùn jò haq jah brêh lem èh khoe jah aràng trùh enh ngèa mangai pajàu, 3 mangai pajàu ep loh enh gùng ka traiq lình đòeq hu ngan. tàng joq teo bacùn da mangai yinìq aih khoe brêh 4 Mangai pajàu hi thê haq aih aràng baiq toq chìm oe raq rìh lem hreo, long huàng nam, xi brai gòh, xam hamenh cachiq xônh. 5 Mangai pajàu hi thê pot moeq toq ta baiq toq chìm aih ta griang taneh, enh qnhèq ka diac hìu. 6 Khoe aih, rùp chìm ma oe rìh xam long huàng nam, xi brai gòh, cachiq xônh aràng tàm ta mahim da chìm ma khoe pot ranŏng enh qnhèq ka diac hìu. 7 Mangai pajàu ep da arat mahim tapèh yàng ta chac mangai ma khoe jah hreo ka bacùn, èh doe haq aih khoe hreo lem, khoe aih caqnaih chìm ma oe rìh pan tagùng. 8 jah hreo hi rùh dèh eo yôh, got dŏng xàc, hùm tadiac, aih èh jah hreo. Khoe aih haq jah mùt ta traiq lình, mahaq ep oe enh gùng tapèh hì. 9 Khoe ka tapèh hì haq got dŏng xàc tachac, xàc gàu, xàc mat, rùh eo cwàn hùm tadiac, aih èh hi jah hreo lem. 10 Trùh hì rahem, haq rùp baiq toq trìu calô ùh i ka xìt habau, moeq toq trìu cadrì qnhòq tap moeq hanam, ùh i ka xìt habau, piq phàn mòeq jàt êpha dàc habuàt lem, ùc dàu, broq ramènh xep, xam moeq lot dàu. Một đồ lường nhỏ về vật nước: một phần mười hai của đồ lường “hin”, hin ước hơn ba litres; 11 mangai pajàu broq ramènh basròeh ka haq aràng haq aih trùh enh ngèa ka Chuaq Jêhowa ajang qmang traiq taglàm 12 Khoe aih, mangai pajàu hi rùp moeq ta baiq toq trìu calô dèch broq ramènh baxon yiniq lui xam moeq lot dàu, rai dèch hnhu lam hnhu hlài enh ngèa Chuaq Jêhowa. 13 Khoe èh, pàc kon trìu calô aih tanòe wì xan loq pàc ƀài kon ramènh baxon yiniq lui xam ramènh bùh, aih la nòeh hadròeh, majah qmang aiht ranènh baxon yiniq lui aih jah mangai pajàu, tìah ka kon ramènh baxon yiniq lui kô hadai jah mangai pajàu, aih la ngè dìq jaq hadròeh. 14 Mangai pajàu yŏc mahim kon ramènh baxon yiniq lui xùt ta hla don pah qma da mangai jah sròeh, ta hadrang kan tì pah qma xam ta hadrang kan jènh pah qma; 15 khoe aih hi yŏc lot dàu ùc dèh taxŏng pah qngeo.

16 tàm dèh hadrang tì pah qma rađeh taxŏng pah qngeo, da arat tapèh yàng enh ngèa Chuaq Jêhowa. 17 Dàu ma oe i taxŏng, mangai pajàu yŏc xùt don pah qma da mangai jah hreo, ta hadrang kan tì pah qma xam hadrang kan jènh pah qma, phàn ma oe i èh đòeq enh qnhèq ka mahim ramènh baxon yiniq lui. 18 Dàu oe rah taxŏng rađeh, mangai pajàu xùt tagàu mangai jah sròeh; qmang aih mangai pajàu broq ramènh baxon yiniq lui am ka haq aih enh ngèa Chuaq Jêhowa. 19 Khoe ka aih, mangai pajàu dèch kon ramènh baxon yiniq lui đòeq broq ramènh baxon yiniq lui ka mangai jah hreo deh ka kan ùh hruah. Khoe aih èh mangai pajàu hijêh kon ramènh đòeq broq ramènh bùh, 20 dèch pajùm ti ramènh xep ta prang tadreo; qmang aih mangai pajàu broq ramènh baxon yiniq lui ka mangai kô, aih èh mangai kô jah hreo lem.

21 Mahaq tàng mangai aih hamoq đeh hrìn, ùh broq qmang leq ma plàih đeh đòeq dèch ƀài ramènh kô, aih ep rùp moeq toq trìu calô đòeq broq ramènh baxon yiniq lui, dèch hnhu lam hnhu hlài đòeq broq ramènh baxon deh yiniq lui, moeq phàn moeq jàt dàc habuàt ùc dàu broq ramènh xep, xam moeq lot dàu. 22 Mac tiaq đeh bu hlàt, haq aih hadai aràng baiq toq trùh braih ùh meh baiq toq trù kon, ma kô broq ramènh baxon yiniq lui, ma tau broq ramènh bùh. 23 Trùh hì rahem, mangai aih ep aràng kon ramènh đòeq broq ramènh bahreo ka rađeh, am ƀài ngè kô ka mangai pajàu ajang trong qmang traiq taglàm, enh ngèa Chuaq Jêhowa.

24 Mangai pajàu rùp kon trìu calô ma padon đòeq broq ramènh baxon yiniq lui, xam moeq lot dàu, khoe aih dèch hnhu lam hnhu hlài enh ngèa Chuaq Jêhowa. 25 Khoe ka aih, mangai pajàu pàc kon trìu ma đòeq broq ramènh baxon yiniq lui, yŏc mahim xùt don pah qma da mangai jah hreo, ta hadrang kan tì pah qma xam ta hadrang kan jènh pah qma. 26 Khoe aih, mangai pajàu ùc dàu taxŏng ta tì pah qngeo rađeh. 27 yŏc hadrang tì ƀè qma tàm ta dàu taxŏng bè qngeo, da arat tapèh yàng enh ngèa Chuaq Jêhowa, 28 rai xùt ta hla don ƀè qma da mangai jah hreo, ta hadrang kan tì pah qma xam ta hadrang kan jènh pah qma, ajang nòe khoe xùt mahim ramènh baxon yiniq lui. 29 Dàu ma oe rah taxŏng, mangai pajàu ùc tachac mangai jah hreo, đòeq broq ranènh baxon yiniq lui ka haq enh ngèa Chuaq Jêhowa. 30 Khoe aih, mangai pajàu hi dèch moèq ta baiq toq trù braih, tàng ùh meh moeq oe ta baiq toq trù kon, mac tiaq ka kon ramènh wì ma aràng trùh. 31 Dèch ma kô broq ramènh baxon yiniq lui dèch kon ma tau broq ramènh bùh, pajùm ti ramènh xep. Qmang aih, mangai pajàu broq ramènh baxon yiniq lui ka mangai jah hreo enh ngèa Chuaq Jêhowa.

32 Aih la trong ramènh bahreo da mangai pa jò haq loh xìt bacùn.

33 Chuaq Jêhowa doe ka wa Môise wa Arôn rameh: 34 Jò pì mùt tagùng Cana-an, aih la gùng au am ka pì broq kùng hang, tàng joq au caqnìh kan camo tìah ka habau bacùn ta hnim leq oe tagùng pì khoe jah đòeq broq kùng hang aih, 35 cla craq hnim aih ep lam anoe ka mangai pajàu: Au hnoq tìah gleq i kan baxìt camo tahnim au. 36 Adroe ka mùt ngan hnim aih, mangai pajàu ep thê wì qnoh dŏng dahwèq loh enh gùng, đòeq ùh hìaq top kan ùh sròeh; jò qnoh khoe dìq, aih èh mangai pajàu hi mùt ngan trom hnim. 37 Haq hi ngan teo aih, tàng joq teo aih oe roc panàt i trom nget nget, ùh meh gòh gòh, yeo jrùq ka panàt, 38 aih èh pajàu loh enh gùng nìm padràng đòeq hnim aih ta tapèh hì. 39 Hì tapèh, pajàu wìh hlài, tàng hnoq teo aih hlàng loh ta panàt hnim, 40 aih ep thê rèq đac bài cato hmo ma khoe top, khwênh enh gùng ka plài oe tanòe amùa; 41 khoe aih thê wì koeh dŏng trom hnim xam dudan ka hnim, hacom blo wì ma koeh aih qnoh enh gùng ka plài tanòe ma amùa; 42 khoe èh yŏc hmo neo baxìa hlài jang teo dùnh, yŏc hô neo lìa hlài jàp ka hnim

43 Mahaq tàng atìq ka jò ma khoe rèq đac bài hmo aih, koeh trom hnim rai lìa hlài, teo camo aih oe raq loh hòm, 44 aih èh mangai pajàu ep trùh ngan hòm. Tàng hnoq camo aih kaq hlàng trom hnim, aih raq teo bacùn. 45 Qmang aih wì ep raliang đac hnim aih, hmo, long xam hô, khoe èh aràng ùc đac enh gùng ka canàng plài tanòe ma amùa. 46 Jò nìm padràng hnim aih, cabô mùt mangai aih èh top kan ùh sròeh trùh jò dixèq.

47 Cabô kùi qnì, ùh meh acaq ta hnim aih ep rùh deh eo cwàn,

48 Mahaq atìq ka jò hnim aih khoe jah lìa hlài, tàng mangai pajàu wìh hlài, ngan hnoq teo aih ùh hìaq kaq hlàng trom hnim, aih haq ep doe hnim aih sròeh, majah qmang aih teo aih khoe brêh. 49 Đòeq broq ramènh basròeh am ka hnim aih, haq ep yŏc baiq toq chìm, long huàng nam, caxi brai gòh xam hamenh cachiq xônh; 51 khoe aih yŏc long huàng nam hamenh cachiq xônh, caxi brai gòh, xam chìm rìh, tàm dŏng ta mahim chìm ma khoe pot ranŏng enh qnhèq ka trong diac hìu, rai da arat tapèh yàng ta hnim. 52 Qmang aih, mangai pajàu yŏc mahim chìm, diac hìu, kon chìm rìh, long huàng nam, hamenh cachiq xônh, xam xi brai gòh đòeq broq ramènh dôq hnim aih jah basròeh. 53 Khoe aih, mangai pajàu caqnaih chìm ma oe rìh pan loh enh gùng ka plài trùh ta đùng ruàng; mangai pajàu broq ramènh baxon yiniq lui ka hnim, aih èh hnim jah sròeh.

54 Aih ƀài ranenh am ka ƀài kan bacùn xam teo xìt rahenh, 55 ka kan camo ta eo cwàn xam hnim oe, 56 xam nòe calan, pachùng patênh, nòe taplŏc, 57 hu hnài đòeq wì loq jò leq yiniq cleq ma sròeh, yiniq leq ùh sròeh. Aih la ranenh trong yinìq bacùn.