36
Esaú nia jerasaun
1 Nee mak Esaú nia jerasaun sira, Esaú mos naran Edom.
2 Nia kaben ho feto Kanaán nain rua. Ida naran Ada, nia aman Elon ema suku Ete. Ida fali naran Oholibama, nia aman Aná, Aná nia aman Zibeaun ema Heveu.
3 Esaú mos kaben ho Ismael nia oan feto naran Bazemat, Nebaiot nia feton.
4 Esaú nia kaben Ada nia oan naran Elifaz. Bazemat nia oan naran Reuel.
5 Oholibama nia oan naran Jeús, Jalaun ho Korá. Sira nee Esaú nia oan, sira hotu moris iha rai Kanaán.
6 Iha loron ida Esaú muda baa hela iha rai ida nebee dook uitoan husi nia alin Jacó. Nia lori nia feen sira, nia oan mane ho oan feto sira hamutuk ho ema hotu nebee hela ho nia. Nia mos lori nia karau, animal sira seluk ho nia riku-soin hotu nebee nia hetan iha rai Kanaán.
7 Esaú ho Jacó nia riku-soin barak teb-tebes, entaun sira la bele hela hamutuk, tanba duut la too ba sira nia animal.
8 Nee mak Esaú (nia naran seluk Edom) baa hela iha parte foho Seir nian.
9 Esaú nia jerasaun sira mak tuir mai nee. Esaú nee ema Edom nia bei-ala, sira hela iha parte foho Seir nian.
10 Esaú nia oan sira hanesan tuir mai. Esaú nia feen Ada nia oan naran Elifaz. Esaú nia feen Bazemat nia oan naran Reuel.
11 Elifaz nia oan sira mak Teman, Omar, Zefó, Gatám ho Kenaz.
12 Elifaz mos iha feen kiik naran Timna, nia oan naran Amalék. Sira nee mak Esaú nia feen Ada nia bei-oan sira.
13 Reuel nia oan sira mak Nahat, Zerá, Samá ho Mizá. Sira nee Esaú nia feen Bazemat nia bei-oan sira.
14 Esaú nia feen Oholibama nia oan sira mak Jeús, Jalaun ho Korá. Oholibama nee nia aman Aná, Aná nia aman Zibeaun.
15-16 Esaú nia bei-oan sira nee fahe sai suku keta-ketak, suku ida-idak ho nia nai ulun rasik.
Esaú nia oan boot Elifaz nia oan sira sai nai ulun iha suku Teman, Omar, Zefó, Kenaz, Korá, Gatám ho Amalék. Sira nee hotu Elifaz nia oan no Ada nia bei-oan. Sira hela iha rai Edom.
17 Esaú nia oan Reuel nia oan sira sai nai ulun iha suku Nahat, Zerá, Samá ho Mizá. Sira nee hotu Reuel nia oan no Esaú nia feen Bazemat nia bei-oan. Sira hela iha Edom.
18 Esaú ho nia feen Oholibama nia oan sira sai nai ulun iha suku Jeús, Jalaun ho Korá. Nai ulun sira nee Esaú nia feen Oholibama nia oan sira. Oholibama nee Aná nia oan feto.
19 Suku sira nee hotu Esaú (nee mak Edom) nia jerasaun, suku ida-idak ho nia nai ulun rasik.
Seir nia jerasaun
20-21 Iha rai Edom, iha ema ida naran Seir, nia ema Hori. Nia oan sira mak Lotan, Sobal, Zibeaun, Aná, Dison, Eser ho Disán. Seir nia oan sira nee hela hotu iha rai Edom. Sira sai nai ulun ba sira nia suku ida-idak.
22 Lotan nia oan sira mak Hori ho Homán. Lotan nia feton naran Timna.
23 Sobal nia oan sira mak Alván, Manahat, Ebal, Sefó ho Onam.
24 Zibeaun nia oan sira mak Aiá ho Aná. Aná nee mak hetan bee matan manas iha rai fuik maran bainhira nia hein nia aman nia kuda buru.
25 Aná nia oan mane mak Dizon, nia oan feto Oholibama.
26 Dizon nia oan sira mak Hendan, Esban, Itran ho Keran.
27 Eser nia oan sira mak Bilan, Zaavan ho Akan.
28 Disán nia oan sira mak Us ho Aran.
29-30 Entaun ema Hori sira nia nai ulun tuir suku ida-idak iha rai Seir mak Lotan, Sobal, Zibeaun, Aná, Dizon, Eser ho Disán.
Edom nia liurai sira
31 Liurai sira tuir mai nee mak ukun rai Edom bainhira Israel seidauk iha liurai.
32 Beor nia oan Bela ukun rai Edom, nia kapital mak sidade Dinabá.
33 Bainhira Bela mate, Zerá nia oan Jobab husi sidade Bozra mak troka nia sai liurai.
34 Bainhira Jobab mate, Huxam husi ema Teman nia rai mak troka nia sai liurai.
35 Bainhira Huxam mate, Bedad nia oan Hadad mak troka nia sai liurai. Hadad nia kapital mak sidade Avit. Hadad nee manaan funu hasoru ema Midián sira iha rai Moab.
36 Bainhira Hadad mate, Samlá husi sidade Masreka mak troka nia sai liurai.
37 Bainhira Samlá mate, Saul husi sidade Rehobot besik mota boot mak troka fali nia sai liurai.
38 Bainhira Saul mate, Akbor nia oan Baal-Hanan mak troka nia sai liurai.
39 Bainhira Akbor nia oan Baal-Hanan mate, Hadad mak troka nia sai liurai. Hadad nia kapital mak sidade Paú. Nia feen naran Mehetabel, nia nee Matred nia oan no Mezahab nia bei-oan.
40 Tuir mai nee mak Esaú nia jerasaun nebee mak sai liurai, ida-idak ho nia naran, nia suku ho nia rejiaun: Timna, Alva, Jetet,
41 Oholibama, Elá, Pinom,
42 Kenaz, Teman, Mibzar,
43 Magdiel ho Iram. Sira nee mak liurai iha rai Edom, tuir ida-idak nia hela fatin ho rai nebee sira ukun.
Nee mak Esaú nia jerasaun. Nia mak ema Edom sira nia bei-ala.