1-5 “Min wiy anangana, chil yot uwān thananga —min niiyan kiingk-kiingkan, koyaman ngathar thee'anan, niiy thank-you.an thawāna, min inangan-a, niiy min wuut anangan 7 uwān thananga, a' putha, min wanch anangan 7 uwān thanang thama, a' chukkun angan ngoonchathān thanang. A' niiy may yot thakan yalmathān niiyantakam niiy yipmam mungkān thanang chukkun nangan,” nil God.an thaw nungant Noah alantan.

Nil Noah alangana, wik ngeey nunang, God.ana, a' nil chukkun pi'an yump. Ngul-ngulaniya, / chukkun kanan yump-a, nil mina, may anangana, yalmath thanang.

6-9 Amanamaniya, nil God.an thaw nungant Noah alantan, “Niiy pek kan ngoonchān chukkun pi'anangana, ngay puth pam min thathang nintang, pam thonam nintam ep pam mina, than wiy anangan ya'a, way anman yump-yumpantan. A' nint min anangan karpam ngoonchathān thanang, ngay man-yatham pi'āng niiyanga.

/ Kinch 7.ang kanan minchow-a, ngay ngak wuut pi'an kan-ngul kuchāng, aak ingan uk-ukow, yaamakam, kinch ma' yotakama (40 days kiithangan waa'antan). Mina, way min thakana, puth pama, wancha, puk anangan uthamayn,” nil God.an thaw nungant Noah alantan.

Yaa, nil Noah wee'anang pek ngoonchin chukkun pi'anangan — wanch thum nungantama, nengk nungantam-, putha wanch thum thanttam, than pek ngoonchin. Min anangan karpam ngoonchathin thanang kuch-kucham pek chukkunangan ngoonchathin, nil yimanaman.

10-16 Amanamana, nil God.angana, thaa' door.ana, ngath thant. Anpal ngulana, week thonam kanan want thananga, ngakan kan-ngul ep-ep, aakangan uk-uk.

Aakan thamp kan-ngul maay-maay ngakangan, ngakan puuy-puuyam ngul wamp, ngulakam ngakan ep-ep thanang. Ngakana, thangk ngul wun-wun, chukkunana, keny ngul maay-maay, ngak alangan, ngakaniya, iimpan pi'an ngul ween.

Aakana, ngakangana, mul maay, yoyka, yuk thakan mup ngul wunin, ke'-ngul thathin, yoykaniy, yuk thakan, puth ngakangan mup wun-wunin ngula.

17-24 Ngakana, achantang puuy-puuyam mat-mat, ep-ep thanang, kinch 40.akam. /Pam wanch yot anangan yoonan wunin-a, mul wun-wunin ngakangan, min anangan thakan.

/ Puth chukkun pi'anan Noah.angan yumpan-a, minam ngakangan palam puuyam thech-thechath. Noaha, puth min anangana, way min thanttama, a' puk nengk nungantam anangan, a' puth wanch thum thanttam anangana, than minam, nil God.angan man-yatham pi'-pi' thanang. Ngakana, ke'am ngul wamp-wamp, ya'-ngul, kanam ngul mincha. Ngak iimpan pi'anangana, aakana, ya' kang kep 5.akam, ngak iimpan wuut pi'an anman wun-wun. Ngul-ngulana, ngakan kan-ngul pek uk-uk.