1-5 Kampan Noah.antamana, yimanangan wunin. Nil Japheth.angan puk nengk inangan wunp thanang, Gomara, Magoga, putha, Madai, a' Javan, a' Tubala, Meshecha, a' Tiras.

6-14 Nil Ham.angana, puk nengk inangan wunp thanang, Cusha, Egypt, thoniy Put, a' Canaan. Nil Cush alangana, Nimrod wunp nunang. Nil pam inman Nimrod.ana, pam moom pi'an iiy-iiy, aak yotamana, nilam pi'-pi', aakan wak-wak. A' nil min-thup thamp iiy-iiy. Nil aak namp inangan pi'-pi': Babela, Erecha, a' Accad, aak anman Shinar.angan. Pam nilaman-a, Nimrod.angan-a, ngeen thakan kaach, aawuch pi'-pi'anam aak angan Ninevah angan, thoniya, Rehoboth-Ir.angan, thona, Calah.angan, a' Resen.angan, aak anman Assyria.angana.

15-20 Nil Canaan alangana, puk nengk inangan wunp pulang, Sidona, Heth. Nil Canaan.ana, wuut mangk iiy thant, pam wanch aak Jebus.angan wunin, a' aak namp inangan thampang: aak Amora, aak Girgasha, aak Hiva, aak Arka, aak Sina, aak Arvada, aak Semara, a' aak Hamath, nil Canaanan wuut mangk thanttam iiy, pam wanch al-alantan aak angan wun-wunin.

21-32 Nil Shem alangana, puk inangan wunp thanang, Elama, Asshura, Arpachshada, Luda, Aram.

Puth amanaman puk nengk Noah.antam anangan puk uuyak weenin, puth puk nengk thanttam ngulana, puk uuyak ngul weenin, nil yimanaman murkanam puk yot uw-uwin. Kampan Noah.antamana, yot ngul weenin thaa'-wantanam aak nath-nath ngulan we'aramin, aakam ngathina!