1-9 /Nil Sarah.ana wanchinth way-wayam ngulan ween-a, kaap 127angan kanan uwana, nilana, utham ngul aak Hebron angan utham. Nil pam nungantam Abraham.ana, peey-peey wanch nungantamantam, othamayan peey-peey.

Amanamana, nil Abraham.ana, thaw thant pam wanch aak Hittite aakan punychanyant, “Ngay in aak wachanam wampang aak iikanakan nyiingk ngul. Niiy aak in punychanyang aak many puuy ke' thee'in ngathar ey? ngay yipam wanch ngatharaman kaampang aak ingama?”

Than thawin nungant, “Nint in pam pi'ana. Nint wanch nungkaraman aak minang ingman aawarang kaampān nunang.” A' Abraham.ana, kuchek pekam thuch, a' thaw thant, “Ngay kaangk wukal thee'āng aak aawar aakanakan aak Machpelah.akan.” Nil pam Ephron.ana, nil aak-kunchaniya, thaw nungant Abraham.antan, “Ee'a, ngay puth aak anana thee'ang nungka, nint wanch nungkaramana, aak nangman aawarangan kaampān nunang.” Nil Abraham.an thaw nungant, “Yaa, ngay wukal thee'āng nungk, aak-aakanakan, wukal ngeen-ngeen ngay thee'āng nungka? naakanakana?”

10-20 Nil Ephron.an thaw nungant Abraham.antan, “Puth aak aawar inana, wanch thum nungkaramakan, wukal ka' $400 yimanangan thee'ān aak aawar iikanakan. Puth kana! Ngay yimanangman thee'āng nungka! Wukal ya'a! Ke' thee'ān ngatha! Yaa, nint kan iiyāna! Kaampān nunangweya!”

Puth nil Abraham.angana, nil kaangk puth wukal thee'ow. Nil wukalana, pam wanch mee' yotantang thee' nungant Ephron.antan. A' nil wanch nungantamana, kan-ngul aawarangan kaampan, aak Mamre thinth.