1-14 Nil Jacob.ana, mal kaawam iiy. /Iiy-iiy-aa, a’ aak namp Haran angan wamp. A’ nil min sheepa, bullocks thakan yot thath thanang ngak pantam thinth iiy-iiyin. A’ nilan thaw thant pam al-alantan min sheep thakan pi'-pi'in, “Ayyang, niiyalang! Niiy Laban.an meemiy nunang ey?”

Thaniy thawin nungananta, “Ee'a, nil wanch nengk nungantaman, namp Rachel.ana, nanpalan min sheep thamp wamp-wampana!”

/Nil Rachel kanan wamp-a, nil Jacob.angan thaa’ lid.an maaya, ngak pantam anpalan, a’ aakang wunp, a’ ngakan emp, a’ min sheep Rachel.antamana, ngak aath thanang. Amanamana, nil Rachel.an ma’ thuthan, a’ nil waa’ nungamang, nil pam otham Laban.antaman. Rachel.ana koyam erkam iiy aak nungantamakan, a’ nil waa’ piip-kunchantan. Nil Laban.ana, kamp mo'ant, a’ Jacob.ana ompam kath.an, a’ kalan nunang aawuch nungantamak. Nil Laban.an thawant, “Nint kan-kanam pam otham ngatharama, ngay ngangkam kalang nintang.” Nil Jacob.ana, angman wun-wun thanttang.

15-20 Kep thonamangan wanta, nil Laban.an thaw Jacob.ant, “Nint puth kampan ngatharama. Nint ngath wukal ke'anang ke’ work iiyin, ya'a, ngay wukal thee'āng nungk. Ngay nungk kaangk ngeen-ngeen thee'ānga?” A’ nil Jacob.an puth thawant, “Ngay nungk kaap 7.akam work iiyānga, a’ anpalana nint wanch nengk nungkaram Rachel.an thee'ān wanch thum ngatharak.” A Laban.an thawant, “Ana mina. Ngay nungk Rachel.an ngul thee'āngana.” Yaa, nil puth Jacob.an ngangk minam ngul work iiy-iiy.

21-35 Ngul-ngulana, kaap 7.an kanan wampa, nil Jacob.an thaw Laban.ant, “Ngay kaap seven.akam kanam work iiy-iiyangan nungka, yaa, nint nengk nunkaram Rachel.ana kan thee'ān ngathar, wanch thum ngatharakam wantāna.”

Yaa, than puth Laban wee'anang may min pi'an mungkin party.akaniy, a’ ngutang ananiyangan Laban.angan wanch nengk kaa'-ngeecham Leah kalan Jacob.antan, nil Jacob.an puth ngoongk-ngoongkam, nil ka’ Rachel.anta. /Ngul ngaa’ thonan Jacob.angan kaa'wal Leah.an thath nunang-a, nil man kul wampant, nil puth Laban.angan mook-math nunang. Nil puth Laban.an thawant, “Aak nganttam yimanang wunana, ngan puk kaa'-ngeechaman ka'atham pamakan thee'anan. Nint putha Leah.antangana, 7 days.akam wunāna! Anpalana ngay nungk Rachel thampang ngul thee'āngana, puth nintan kaap 7.akam putham work iiyān ngatha.”

Yaa, /kinch seven.anganiy-a, Rachel ngul thee'ant, nil Jacob.an puth kaap 7akam work iiy-iiyant Laban.antan. Nil Laban.an wanch kuchamant thaw pulant puk nengk nungantam al-alantam pulan yipmam work iiyowpul pulantan, puk nengk koman kucham nungantamakan. Namp pulantiya, Zilpaha, puth thonaniya, nampa Bilhal. Nil Zilpah.ana, work Leah.ant iiy; nil Bilhah.ana, work Rachel.ant iiy.

Anpalan-, Leah.angan puk wuut 4 kal thanang. Nil namp inangan thee’ thant: kaa'ngeechamanta, Reuben; wiy al-alantana, Simeon, a’ Levi, putha Judah.