1-8 Nil Rachel.angan puk ke'am kal. Nil puth Jacob.ant wanch thum Bilhal.an waa'ant Rachel.anganiya. Nil Bilhah.angan ep puk wuut kucham kal pulang Rachel.angan Dan.a, Naphtali namp thee’ pulant.

9-13 Ngul-ngulana nil Leah.angan thath nil puk ke'am ngul kal. Nilan puth wanch work nungantan Zilpah.an iiya, anan waa'an wanch thum Jacob.antan iiyow. Nil Zilpah.angan puk wuut kucham tham kal pulang. Leah.angan namp waa’ pulanga Gad-a, Asher.

14-24 Anpalana, nil Reuben.ang may kaanch anangan uw thanang yipam wanch wiy al-alangan mungkayn than erkam yipam iimpanangan iiyayn. Nil Reuben.angan may kaanch anangan kaath-kunch Leah.ant wampath. Nil Rachel.angan may kaanch anangan thatha, a’ thaw, “Ngath may kaanchan yaa'an thee'ānara!” Leah.an thawant ngul, “Nint pam ngatharam ma'-kuchathan, nil puth kaangk nungkarang anman wun-wunow, a’ ina, nint kaangk may kaanch puk ngatharamantam maayān tham ey?” Nil puth Rachel.an thawant, “/Nintwey kaangk natha may kaanchan thee'inar-a, nint puth pam ngatharamantang wunān ngutangan.”

Kinch-wayang ngulana, Jacob.an kanan wamp aakanakan, Leah.an thawant, “Nint ngutang inan ngatharang wunān. Puth ngay may kaanch anangan thee'ang nungant Rachel.antan, ngay puth nungkarakaniy thee'anga.” Ananiya nil Leah.angan puk many wuut kal Jacob.ant, nil nungant Issachar anan namp thee'ant. Amanamana, Leah.anganiya, putham ngul puk wuut kal namp Zebulan thee'ant, a’ thaa’ koy-koyyuwana, puk wanch many kal namp nungiya, Dinah thee'ant. Anpalana, God.angan ngaantam-ngeey nunang Rachel.aniy, nil puk wuut kal, nampana, Joseph thee'ant.

25-36 /Rachel.ang kanan Joseph.an kalan-a, nil Jacob.angan kaangk wanch puk nungantam anangan kalow thanang aak nungantamak. Nil puth Laban.angana, kaangk ke’ kuchow thanang aak thanttamakan koyam iiyayn. A’ nil Jacob.an thaw Laban.antan, “Yaa, ngay kan yippak work iiy-iiyāng nungk, puth nint wik in ngeeyāna! Ngay min sheep pich-pichanam thakan thathāng thanangana, an puth ngatharakam ngay kalāng. Wiy anangana, nungkarakam.” Laban.an thawant, “Ee'a, ana wik min paththama!”

37-43 Anpalana, nil Jacob.angan yuk manyiy ump-ump thanang, a pe'an thap-thapath thanang. A’ nil min sheep kempatiy pokkapang wunp thanang. /Than min sheep kempatiy anangan min pam wanch karpan iiy-iiyayn-a, nil yuk anangan um-puth wunp thanttang. /Than min sheep wanch al-alangan puk manyan kal-kalin-a, an puk many pich-pichanan kalin thanang ngul. Nanpalana, than min sheep min-minam kempatiy anangana, Jacob.antam weemin, a’ min sheep way olmp anangana, nil Laban.ant want. Jacob.angan pam wancha, min thaka yot pi'-pi’ thanang nungantakam ngul.