1-2 Than Jacob wee'anangan kanan iiy-iiyina, nil Jacob.angan ngaantiyongk God.antam thath thanang nungantang anman iiy-iiyin.

3-12 Ngula Jacob.angan pam keenk kuch thanang wuny-kunch Esau.antan, a’ than waa'in nungant, “Jacob.an nanpalan wampan nungka. Nil min sheep thakan yot kal-kalana.” /Than pam anangan palam ngulan wampin-a than waa'in nungant Jacob.antan, “Nil Esau.an nanpala! pam yot pal kalan, 400a!”

Nil puth Jacob.an ngangk ik, winynyang weem, a’ nil puth piip God.antan thaw, “Ayyang, nint puth ngath thawan, nint ngayangan ma'-aath-aathāna! putha, nint thawanar pam wanch puk ngatharamana yot-yotam iiy-iiyayna ngulakam, puk thaa'-nyiingkanam anangan aak ngeey-ngeeyayna, an yot-yotam ngul weenayn. Ana kan-kanam nint ma'-aathan ngayangan, yimanangan ngay pam wanch puk yot pi'-pi'ang thanang. Nintam puth thawan ngathar ngay kan iiyānga aak ngatharamak. Puth ngayana, winynyang mo'anga wuny ngatharam Esau.an palan wampow ngathara, nil mulathow nganang yotam inangan. Ngay puth nungk inan thawang nint ma-aathān ngayang,” nil Jacob.an thaw piip God.antan.

13-21 Nil Jacob.ana, kaangk ke’ Esau.an man kul thampan wampowantan. Nilan puth min sheep thakan kuch nungant.

22-32 Anpalana, nil Jacob.angan pam wancha, min sheep thakan keenk kuch thanang wo'-woyanak, namp wo'uw alantaniya, Jabbok. Nil Jacob.ana, nil-nilam angman miniy ween. Ngula ngutang ngulana, ngaantiyongk thonam wampant, a’ ma’ pempangan unchuwpul, a’ nil ngaantiyongkangan Jacob.an pemar unchan. Aak paanthanangana, pul ngaantiyongk alangan yippak ma’ pempang unch-unchuwpul. “Nint kan wantān ngayanga! Kuch ngayanga!” ngaantiyongkan thawant. Nil puth Jacob.an thawant, “ /Nint ngath wik minan God.antaman thawān-a, a’ ngay kan-ngul kuchāng nintang.”

Anpalana, nil ngaatiyongkan thawant, “Puth nint ngangk thay-thayanangam iiyan God.antana, ana puth ngal ma’ pempangan unch-unchwula, nint ngayang erkam ke'am wantan, nint puth yaam murkanim anman maman ngayang, yipmam ngay nungkaram wik min God.antaman waa'āng nungk. Puth namp nungkarana, Jacob ke'-ngul wunowa, namp nungkarana, puth Israel wunow, puth nint ngangk thayanam iiy-iiyan God.antan.”

Nil puth Jacob.an thaw nungantakaman, “Ngay ka’ kaa'wal God.an thathangan yimananga, puth ngay inman man-yatham yippak iiyang ey!” /Nil kinch kanan mat-a, nil Jacob.an kan-ngul iiy, puth nilana, pemar way-wayak ngul iiy-iiy.