1-11 Anpalana, nil Jacob.angana, Esaua, pam nungantam anangan thath thanang wamp-wampin nungant. Nil Jacob.an keenk iiy, umang wakuwpul pulantakama. Pul Leaha, Rachela, a’ puk manyiya, puth wanch kucham pulantan work iiy-iiypula, than al-alangan monkan wakin nunang. Nil yimanangan Jacob.an wamp wuny-kunchantan. Nil puth Esau.an ke'am man kul wampant Jacob.antan, ya'a, ngangk minangam wamppul pulantakama. Nil umang mo’ pont-kunchantan, a’ pul ompam kathuwpul, a’ pul peeyathuwpulwey, puth ngangk enchwey.

Anpalana, thanang pam wanch anangan Jacob.angan wampath thananga, than al-alangan Esau.an ma'-thuthin nunang. Nil Jacob.angan min sheep thakan waa'anta, nil puth Esau.angan kaangk ke kalow min sheep puth min wiy anangan. Ngula nil ngaantam-ngeey nil Jacob.angan kan-kanaman min sheep thakan waa'-waa'ant, ana puth kan-ngul kal min sheep thakan koyam aak nungantamak.

12-20 Anpalana, nil Esau.an thaw Jacob.ant, “Ngamp karpam iiyāmpa!” Nil puth Jacob.an thawant, “Ya'a, ngaywey itang iiyāng min sheep thakan itangam kalāng thanang.”

Than Esau.a, puth pam nungantam wee'anangan Jacob.an puth wantin nunang, a’ kan-ngul iiyin aak nampa Seir.ak. Nil Jacob.ana aak many Shechem angan wamp aak Canaan aak angan. Nil aak chil pi'an nungantakam piiy, a’ angman wun. Anpalana, nil kunttow yalmath thanang, a’ wal achantang yump min kiingkanakan nil puth yipmam mee'-wuthanamow, thank-you thawow piip God.antan.