1-14 Ngul-ngulana, / may thanan wampathin aak Egypt.aman kana n minchathin-a, piip thanttaman thaw thant, “Niiy putham iiyāna, may putham uwān ngampara.” Nil puth Judah.an thawant,” / Ngan puth Benjamin ke'an kalin nunang-a, nil pam pi'an alangan may ngant ke' thee'ow. “Ngan aak-ya'ang iiyān ey?” A' ngula, kan thaw piip thanttaman Jacob.aniy, “Yaa, niiy puth pont many niiyantaman kalān nunanga, a' puth yuk way min kalān nungant pam pi'an alantan, a' moneyan koyam kalān bags niiyantangan uwana. Than kon-ngathanang yaaka' wunpin bags niiyantamang, ke'am ngaantam-ngeeyin. Yaa, niiy money tham kalān may piiyanakana, kan-kanang iiyāna!”

15-24 Than yimanangan yumpin. / Than kanan Joseph.ant wampin-a, nil Benjamin thathan. A' nil Joseph.an thaw pam alantan aawuchan pi'-pi', nil wik Egyptians.antamang thaw nungant, “Pam nanangan pal kalān thanang aawuchaka. May pi'an yumpāna! Pam al-alangan may ngatharang mungkayn kinchanganiya.” Nil pam alangan may pi'an yump ka' Joseph.an thawant. Than wuny-kunchana, aawuch Joseph.antangan wampina, thanan winynyang weemin, a' thawin pam Joseph.antam alantan, “Ngan ngoongk-ngoongkama nil wee'ang nath money.an ngoonchath bags nganttang kaa'athamaniya! Ngan puth palam kalana, a' puth money may piiyanak thamp kalana.” Nil pam Joseph.antaman thaw, “Niiy ke' winynyang mo'āna! Ngay money niiyantaman maay-maayang kaa'athamana. God niiyantamang money.an wunp-wunp bags niiyantangan.” Ngul pam alangan Simeon.an pentathan nunang jail anpalan, a' than yotaman ngoonchin aawuch Joseph.antamangan.

25-34 / Nil Joseph.an aakakan wamp-a, than kuunch nungantaman thuchin nungant, a' yuk way min thee'in nungant. Nil Joseph.an thaw thant, “Piip niiyantaman minam ey?” Thanan puth thawin nungant, “Nilwey minama!” A' thanan putham thuchin nungant Joseph.ant. / Ngul Joseph.angan Benjamin.an thathan-a, thaw thant, “Yaa, niiy pont many niiyantaman in thamp wampathan nunang ey?” An nil angman war'am peeyath nunang. “Ngay kaangk God.ang ma'-aathow nintang,” thaw Benjamin.ant, Joseph.aniy. A’ anpalaniya, erkam iiy aak thonak, a' peey. Anpalana, kaa'wal pung nungantakam, a' koyam iiy thant. / Than ka' ngul may mungkiythan-a, Joseph.angan wuny thanttaman kaa'atham nyiinathan, a' anpalan nyiinath thanang aakanakam реk pont many thanttaman kul-kulam nyiinathan. Than kuunch nungantam anangan mee' we'-we'arang thathin nunang. /A' puth nil mayan aath thanang-a, nil Benjamin.antan may pi'anam wunpant.