1-9 Ngulaniya, Joseph.an thaw pam nungantam alantan, “Bags thanttaman mayang thaa' matathāna! a' money.an bags thanttamang koyam wunpān a' puth cup min ngatharaman-a, silver-one.ana, bag nungantamang wunpān, bag pont many thanttamantanga!” Pam alangana, nilam wunp thant ka' Joseph.aniy thaw. Ngaa'-thonaniya, Joseph.antaman kuunch kan iiyin. Nil Joseph.an thaw pam nungantam alantan, “Ayyang, nint pam al-alantan kul-kulam mo'āna! Nint uwān thanangana, a' thawān thant than cup minan ma' kuchathanang mo'athin ngatharam.” Nil pam Joseph.antamang uwan thananga, a' thaw thant, “Niiy cup minan moom ngatharamantam mo'athana, ma' kuchathanang.” A' than Joseph.antam kuunch thawin nungant, “Appang, ngan ke'am ma' kuchathanang maayan cup.aniya. / Nint wee'antang'an bag uwān cup.aniy-a, mulathān nunang, a' putha, ngan moom nungkaramant ngul work iiyāna.”

10-17 Nil puth pam Joseph.antam'an thaw thant, “/ Nilam thonakam nil wee'angan cup.an ma' kuchathanangan maay-a, nilam pam anan working man iiyowant. Niiy wiy inangan koyam iiyān aak niiyantamaka!” Anpalana, nil pam alangan bags thon-thonan wenk thanttam, a' cup.aniya, Benjamin.antang bag uw.

Than puth kuunch Joseph.antam anangan ngangk ikin. Than koyam iiyin Joseph.ant, a' thuchin nungant, ngangk way wun thant. A' Joseph.an thaw thant, “Niiy yimanangan ngeenak ngath yumpan aa? Niiy ke'am ngaantam-ngeeyan ngayangan, ngay puth niiyang ngangkang kan uwangan niiy ngeenan ngath yumpana.” Nil puth Judahan thaw Joseph.ant, “Ngan puth want-wantak thawin nungkar, nganan kan-kanam way yumpan nungkar, minam ya'a. Ngan puth yotam inangan pam working men nungk iiyāna!” Nil puth Joseph.an thaw, “Ya'ang, / nil wee'angan cup ngatharaman maay-a, nilam thonakam working man ngathan iiyowa. Niiy wiy inangan ep iiyān piip niiyantamaka.”

18-34 Nil Judah.an thaw Joseph.ant, “Aak keenkanaman pont nganttam Joseph ya' utham. An-anpalaman piip nganttaman ngangk way iiy-iiya. Puth Benjamin.ant nil piip nganttaman kaangk nungant, ngangk thayan nungantak iiyan. / Inan puth nint Benjamin.an kalān nunang-a, / ana piip nganttamangan wik ngeeyow-a, nil mul ngul wunow. Nil Benjamin.an koyam mak iiyowa! Nint ngayang ingam pi'ān-a, nint ngayang working man nungkan yumpāna. / Nil Benjamin.an ke'wey iiyow-a, ngay-ngayaman puth ke' koyam iiying piip nganttamakaniy.”