1-4 Than Jacob wee'anang yuk way min punch-aakam thanttaman, a' min sheep thakan kalin. Than aak Beersheba wakanang iiyin. Than aak Beersheba.akan wampina, Jacob.angan maya, min God.ant thee' yipam 'thank-you''an thawow nungant.” Nil puth God.an thawant, “Ngay Goda, piip nungkaram, Isaac.angan minam ngaantam-ngeey ngayang. Nint ke' winynyang mo'āna! Niiy iiyāna, aak Egypt.akaniy, ngay angan ngul min-minakam pi'āng niiyang, a' kampan niiyantaman yot-yótam ngul weemayn. Ngay nungkarang thamp iiyāng, a' nil Joseph.an angman nungkarang nintan uthamān mee' nungantang. Ngul-ngulaniya, ngay kampan nungkaraman palam ngul wampathāng thanang.”

5-27 Anpalaniya, Jacoba, puk nengk nungantam, a' puth kampan thanttam iiyin aak Egypt.ak. Than pam wanch anangan yot wampin aak Egypt.ang.

28-34 Nil Jacob.angan Judah keenk kuchan nunang wik thoo' thampangan Joseph.ant thawow aak Goshen.ang uwowany. Nil Joseph.an wampa, nil piip nungantaman ompamang kathan a' peey-peeyathan. Ngul piip-kunchan thawant, “Ngay nintang kan thathang, ngay yipam ngangk minangam mul wunāng.” A' nil Joseph.an thaw thant, yotamant, “Ngay inan iiyānga, a' Pharaoh.ant waa'āng niiyang niiy inan wampana, min sheep thakan wampathana. Niiy waa'ān nungant niiy min sheep thakan pi'-pi'anniiy. Than puth pam aak in wakanangan kaangk ke' pam anangan min sheep.an pi'-pi'antan. Nanpalana, Pharaoh.an ngul thawow niiyang ingan aak Goshen.ang wunāna.”