1 Lik qatzij wa kambꞌiꞌij che alaq, ma in re ri Cristo y na kanꞌan ta raqꞌubꞌal. Lik kunaꞌ kꞌu nukꞌuꞌx qatzij ri kambꞌiꞌij, ma e ri Santowilaj Ruxlabꞌixel ri Dios kakꞌamaw uwach ri nunaꞌoj. 2 Qatzij kꞌut riꞌin lik kimbꞌisonik y ri kꞌax kꞌo chinukꞌuꞌx na kikꞌow taj 3 ruma ri kiꞌanom ri e aj Israel, ri qatz-qachaqꞌ qibꞌ kukꞌ. Kanya ne wibꞌ e kinkꞌojiꞌ riꞌin chuxeꞌ ri qꞌatbꞌal tzij re ri Dios y na e ta rike, tobꞌ na jinta chi re ri Cristo chwe, we ta ne rukꞌ waꞌ kekolobꞌetaj rike. 4 Ma raj Israel e utinamit ri Dios, yey e rike ri xebꞌuchaꞌ ri Dios re kebꞌuꞌan ralkꞌoꞌal chike;*Éx. 4:22 xukꞌut kꞌu runimal uchomalil chikiwach y xuꞌan tzij kukꞌ. Chike rike xyaꞌtaj wi Rutzij Upixabꞌ y xkꞌut chike suꞌanik kaloqꞌnimax uqꞌij ri Dios pa saqil wi. Yey taq rubꞌiꞌtisinik ri Dios uꞌanom, ke rike. 5 Rike e kalkꞌoꞌal kan ri qamam lik kꞌo kiwach ojertan.*Waꞌ e ri Abraham, ri Isaac y ri Jacob. Yey chike kꞌu rike upetebꞌem wi ri Cristo, Ruchaꞌoꞌn lo ri Dios, ri xkꞌun che ruwachulew y xuꞌan tikawex. Yey Rire e Dios puwi ronoje taq ri kꞌolik. ¡Na jinta utaqexik lik nim uqꞌij! ¡Amén!

6 ¿Na uꞌanom ta nebꞌa ri Dios ri ubꞌiꞌtisim che rutinamit Israel?†Tobꞌ e kꞌi ri e aj Israel na xkikoj taj we ri Jesús e Uchaꞌoꞌn lo ri Dios, waꞌ na e ta keꞌelawi na jinta uchak ri xubꞌiꞌtisij lo ri Dios chike. Gn. 12:3; Gl. 3:8 Pero na konoje ta ri e ralkꞌoꞌal kan ri Israel‡“Israel” e bꞌiꞌaj xukoj ri Dios che ri Jacob. Rire e ukꞌajol ri Isaac y umam ri Abraham. e saqil utinamit ri Dios. 7 Na xa ta ruma kipetebꞌem che ri Abraham, e ralkꞌoꞌal ri Dios.§Na xew ta ri Isaac e ukꞌajol ri Abraham, ma xekꞌojiꞌ jujun chik ukꞌajol. Gn. 25:1-2,12 Ma jewaꞌ xubꞌiꞌij ri Dios che ri Abraham: «Xew che rakꞌajol Isaac kakipetebꞌej wi lo rawalkꞌoꞌal»*Gn. 21:12 xchaꞌ. 8 Na konoje ta kꞌu ri kipetebꞌem che ri Abraham, e ralkꞌoꞌal ri Dios; ma xew e ralkꞌoꞌal ri Dios ri kebꞌalax chirij rubꞌiꞌtisinik Rire. 9 Ma ri bꞌiꞌtisinik xuꞌan ri Dios che ri Abraham e waꞌ: «Jewaꞌ pa jun junabꞌ kinkꞌun tanchik, yey ekꞌu riꞌ rawixoqil Sara kꞌo chi jun ralabꞌ»*Gn. 18:10 xchaꞌ.

10 Y na xew ta waꞌ, ma echiriꞌ ruma ri qamam Isaac ri Rebeca xkanaj yewaꞌ ixoq, xebꞌumatzej eyoꞌxabꞌ. 11 Yey kꞌamajaꞌ ne kebꞌalax rike y kꞌamajaꞌ ne kakiꞌan ri utz o ri na utz taj echiriꞌ ri Dios xuchaꞌ jun chike. Jekꞌulaꞌ kaqꞌalajinik e kuꞌana na janipa ri uchꞌobꞌom lo ri Dios; y waꞌ na e ta ruma ri kakiꞌan ri winaq, ma puqꞌabꞌ Rire kꞌo wi kuchaꞌo china ri karaj kusikꞌij. 12 Ma ri Dios xubꞌiꞌij che ri Rebeca: «Ri chaqꞌixel e kakꞌojiꞌ más uwach chwa ri atzixel»*Gn. 25:23 xchaꞌ. 13 Jekꞌulaꞌ kuꞌana pachaꞌ ri tzꞌibꞌital kan puwi ri ubꞌiꞌim lo ri Dios:

14 ¿Saꞌ kꞌu riꞌ ri kaqabꞌiꞌij riꞌoj puwi waꞌ? ¿E nawi na jusukꞌ ta ri kuꞌan ri Dios? ¡Na e ta riꞌ! 15 Ma jewaꞌ xubꞌiꞌij ri Dios che ri Moisés ojertan:

19 Laj kꞌo kꞌu junoq jewaꞌ kubꞌiꞌij chwe: «We na jinta junoq kachꞌijow uqꞌatexik janipa ri karaj ri Dios, ¿suꞌbꞌe kꞌu riꞌ ri Dios kukoj kimak ri tikawex we rike xew e kakiꞌan ri xebꞌutaq Rire che?» 20 Ekꞌu riꞌin kankꞌul uwach: «Achi, ¿saꞌ ko rawach riꞌat chaꞌ katyajan chirij ri Dios? Ma na utz taj we ri xaro ulew kubꞌiꞌij che ri kaꞌanaw re: ¿Suꞌchak jewaꞌ xꞌan la chwe?» 21 E ri kachakun rukꞌ xoqꞌoꞌl, ¿na jinta nebꞌa puqꞌabꞌ kuꞌan rukꞌ ri xoqꞌoꞌl saꞌ ri karaj kuꞌano? Ma we Rire karaj che ri xoqꞌoꞌl kuꞌan kebꞌ xun, jun lik xa qꞌalaj pa kachapabꞌex wi y ri jun chik xa tobꞌ pa kachapabꞌex wi, e kuꞌan riꞌ. 22 Jekꞌulaꞌ riꞌ ri Dios kꞌo puqꞌabꞌ saꞌ ri karaj kuꞌan kukꞌ ri winaq. ¿Saꞌ kꞌu kaqabꞌiꞌij we ri Dios xraj kukꞌut ri royowal y ri unimal uchuqꞌabꞌ pakiwi raj makibꞌ yey na rukꞌ ta kꞌu riꞌ, e xukꞌut ri unimal ukꞌuꞌx chike ri taqal chike katzaq ri royowal pakiwiꞌ y kasach kiwach? 23 Y jelaꞌ xuꞌano kꞌutubꞌal re ri unimal uchomalil. Ma xukꞌut ri kꞌaxnaꞌbꞌal ukꞌuꞌx chike ri ebꞌuchaꞌom chi uloq re kekꞌojiꞌ rukꞌ pa ri chomilaj luwar chilaꞌ chikaj. 24 Chike kꞌu ri xuꞌan wi waꞌ, xebꞌusikꞌij; y riꞌoj oj jujun chike. Y waꞌ na xew ta xuꞌan kukꞌ ri e aj judiꞌabꞌ, ma xuꞌan kukꞌ ri na e ta aj judiꞌabꞌ. 25 Ma jewaꞌ ri xutzꞌibꞌaj kan ri qꞌalajisanel Oseas puwi ri xubꞌiꞌij ri Dios:

27 Yey jelaꞌ ri xutzꞌibꞌaj kan ri qꞌalajisanel Isaías pakiwi raj Israel:

29 Yey jewaꞌ xutzꞌibꞌaj kan ri qꞌalajisanel Isaías ojertan:

30 ¿Saꞌ kꞌu riꞌ ri kaqabꞌiꞌij che ronoje waꞌ? Ma ojertan loq ri na e ta aj judiꞌabꞌ na xkitzukuj taj kebꞌuꞌana jusukꞌ chwach ri Dios; yey woꞌora ri Dios xuꞌan jusukꞌ chike ruma ri kubꞌulibꞌal kikꞌuꞌx rukꞌ. 31 Noꞌj ri e aj Israel lik xkitij uqꞌij kebꞌuꞌan jusukꞌ chwach ri Dios ruma kakitaqej taq ri taqanik re ri Tzij Pixabꞌ; na rukꞌ ta kꞌu riꞌ, na xebꞌuꞌana ta jusukꞌ chwach ri Dios. 32 ¿Suꞌchak jewaꞌ xkikꞌulumaj? E ruma na xkubꞌiꞌ ta kikꞌuꞌx rukꞌ ri xuꞌan ri Dios chaꞌ kuꞌan jusukꞌ chike. Ma xkichꞌobꞌo e kebꞌuꞌan jusukꞌ chwach ri Dios ruma taq ri kakiꞌano. Y jekꞌulaꞌ e pachaꞌ xkichiq kibꞌ puwi ri jun Abꞌaj ri lik e kꞌo ketzaq puwiꞌ. 33 Ma jewaꞌ tzꞌibꞌital kan chupa Ruchꞌaꞌtem ri Dios puwi wa Abꞌaj: