2 “Jetuarimary kuhpory se ase sam kary roropa ikuhtoh po.

3 Isawã motye omoxihxo exiry tuna konõto ehpio po.

Morara exiryke oturuno zehno exikety samo.

4 Ritonõpo Jamihmehxo Exikety pyre ke tuose ywy,

opi orihmatõ ke topinohse toto.

Juzenu aka moro opi omõnõko mana.

Tõsetaparyke ymaro tonaroximase ywy Ritonõpo a.

5 Tuesapare jumẽtu exĩko mana onahpoty nae ahtao.

Pui roropa tehme exĩko mana tonahsẽ ipune ahtao.

6 Yrome sautu pyra ahtao tomepore pyra tõsẽ exĩko mana.

Oty sã kuratirihmo tunary nae enapyryhtao?

Anusasame pyra mana.

7 Morohne enapyry se pyra ase ipunaka,

emero enapyryhtao ya juakuru jetũ exĩko mana.

8 “Oty katohme ise jehtoh onekaropyra Ritonõpo nae ya?

Oty katoh jotururu onezuhpyra Ritonõpo nae?

9 Jetapary se ase eya,

jorihmapotohme jũme rokene.

10 Moro riry eya waro jahtao, pyhseky ykary tãkye jehtoh ke jetuhxo toehse jahtao ro.

Kure rokẽ Ritonõpo mana.

Aomiry onykerekeremapitopyra exiase.

11 Tapotũkehse ywy,

kure ehtoh oneraximasaromepyra toehse ywy.

Otyme kure isene ro jexiry,

kure ehtoh oneraximara jahtao?

12 Topu risẽ sã jamihme hano?

Joko metau risẽme nae?

13 Atakorehmasaromepyra ase,

topeke pyra roropa ase jakorehmatohme.

14 “Popyra ehtoh toehse ahtao ahno a typynanopyry sehxo mana tope tomo a,

Ritonõpo Jamihmehxo Exikety omipona toehtoh turumekase ahtao ro eya.

15 Yrome tonekunohse ywy oya xine,

jepe tomo, iporiry sã matose eina toehse ahtao, tonore ipunaka.

16 Osemazuhme pehme mana jerumã ke, newe maro.

17 Yrome imeĩpo tuname exĩko,

mame axitũ pohto toehse ahtao anorỹko mana.

Axitũ nymyry toehse ahtao,

tonore exĩko mana tũpore roropa.

18 Ahno tõ ytoketõ tahnõko mã toto tuna zupiry poko repe,

onenepyra toto ahtao orihnõko mã toto ona tonorẽ poro toytorykohtao.

19 Mokaro oehketomo Tema poe, Sapa poe roropa,

moro iporiry tõ zupĩko tõkurukõme repe.

20 Yrome pore, toeporehkase toto ahtao

akye pyra mã toto iporiry tonoryse exiryke.

21 Moro iporiry tonorẽ sã matose;

jetuarimary enẽko matose,

mame oserehnõko matose.

22 Omõkomory onekaropopyra exiase oya xine.

‘Onekaroryme uuru ekaroko ya!’

kapitopyra ase oya xine.

23 ‘Kypynanohko jepetõkara winoino,’ te,

‘Kuewomatoko omato tõ winoino,’ kara exiase.

24 “Kuamorepatoko,

mame oezuhpyra exĩko ase;

azahkuru jehtopõpyry enepotoko ya.

25 Ajohpe pyra exikety zae ehtoh ekarõko mana.

‘Ajohpe pyra,’ kamexipõko mana etananomo a.

Yrome jyhxirory oya xine zae pyra rokẽ mana.

26 Jotururu hxirory se hmatou?

Tyryrykane sã rokẽ jomiry ekarõko matou,

orutua tyhtomase exiketyme jahtao?

27 Zae pyra matose:

otarame tumyke pyra exikety ekarory oya xine tineru apoitohme;

otarame oepe ekarory oya xine tineru poko!

28 Kuenetoko jenuru aka, ajohpe jekarotohme;

ajohpe pyra ase ipunaka.

29 Epo hnae õtururukomo.

Ajohpe pyra ehtoko.

‘Popyra mase,’ kara ehtoko ya;

zae jexiryke.

30 Okurohtao xine, ajohpe jekarõko matou?

Zae ehtoh onenetupuhsaromepyra jekarõko matou, zae pyra ehtoh wino?