1 Adamo꞉ inga If o꞉lia꞉ alila꞉len ko꞉lo꞉, If e so꞉wayo꞉ a꞉na alela꞉sa꞉ga꞉, kalu so꞉wa ko꞉lo꞉ sa꞉la꞉li. Ifa꞉yo꞉ towo꞉ a꞉la꞉sio꞉, “Yawe eyo꞉ ne asufa꞉ ko꞉lo꞉, niyo꞉ kalu so꞉wayo꞉ dio꞉l.” *Hibulu towa꞉yo꞉ “Ka꞉in” a꞉la꞉do꞉ sa꞉lab a꞉no꞉, “dio꞉l” a꞉la꞉do꞉ sa꞉lab augab. A꞉la꞉sa꞉la꞉sa꞉ga꞉ so꞉wa a꞉no꞉ “Ka꞉in” wikilo꞉. 2 Tif amio꞉ If eyo꞉ Ka꞉ina꞉ aowo꞉ sa꞉la꞉lia꞉sa꞉ga꞉, “A꞉ibol” wikilo꞉. A꞉la꞉yo꞉ analia꞉sa꞉ga꞉yo꞉, A꞉ibol e sibilo꞉ bo꞉fo꞉mela꞉no꞉ kalu dowo꞉, a꞉la꞉ta꞉ga꞉ Ka꞉in e egela꞉mela꞉no꞉ kalu dowo꞉. 3 Ho꞉len no amio꞉, Ka꞉in eyo꞉ egelo꞉ amio꞉ fowo꞉ dia꞉sa꞉ga꞉, hebo꞉ Yawemo꞉ boba dimi. 4 Hibu 11.4A꞉la꞉ta꞉ga꞉ A꞉ibol eyo꞉lo꞉ sibi inso꞉ wa꞉la꞉b imilig nowo꞉ noba꞉iya꞉sa꞉ga꞉, heb nafale safdo꞉ a꞉lab a꞉no꞉ Yawemo꞉ boba dimi. A꞉la꞉dimidabiki Yawe eyo꞉ A꞉ibol o꞉lia꞉ ene boba dimiab o꞉lia꞉mo꞉wo꞉ sagalo꞉. 5 Ko꞉sega Yawe eyo꞉ Ka꞉in o꞉lia꞉ ene boba dimiab o꞉lia꞉mo꞉wo꞉ mo꞉sagalo꞉. A꞉la꞉fo꞉ko꞉lo꞉ Ka꞉in e mada gadiakiyo꞉, ene wo꞉lokano꞉ hida꞉lia꞉ga꞉ dowo꞉. 6 A꞉la꞉gabiki Yawe eyo꞉ Ka꞉inbo꞉wo꞉ a꞉la꞉dabu ba꞉ba꞉, “Ge wangabi gadiaya? Ge wo꞉lokano꞉ hida꞉liab ko mo꞉wo꞉ ha꞉? 7 Ge man nafa dimidalega, niyo꞉ gemo꞉wo꞉ o꞉li sagalema꞉no꞉. Ko꞉sega ge man nafayo꞉ mo꞉dimidalega, man mogago꞉ a꞉ma꞉yo꞉ ge golula꞉ma꞉niki toga yasisab. Mogago꞉ a꞉ma꞉yo꞉ ge bo꞉fo꞉mela꞉nigab ko꞉sega, giyo꞉ mogago꞉ a꞉no꞉ wa꞉la꞉ sa꞉ndaki tiginila꞉bi.” Gode eyo꞉ a꞉la꞉sio꞉.

8 Madi 23.35,Luk 11.51, 1Yo꞉n 3.12A꞉la꞉ta꞉ga꞉ Ka꞉in eyo꞉ ene ao A꞉ibolbo꞉wo꞉ a꞉la꞉sio꞉, “Na꞉no꞉ egelo꞉wa ho꞉no꞉ka꞉.” A꞉la꞉ta꞉ga꞉ a꞉la꞉yo꞉ egelo꞉wa ha꞉na꞉sa꞉ga꞉ ilikiyo꞉, Ka꞉in eyo꞉ ao o꞉lia꞉yo꞉ babuma꞉no꞉wo꞉ mo꞉mo꞉da꞉sa꞉ga꞉, ao A꞉ibolo꞉ a꞉na sana sowo꞉. 9 Tif amio꞉ Yawe eyo꞉ Ka꞉inbo꞉wo꞉ a꞉la꞉dabu ba꞉ba꞉, “Gao A꞉ibolo꞉ ha꞉?” A꞉la꞉dabu ba꞉dabiki, Ka꞉in eyo꞉, “Ne babalab. Ne naolo꞉ bo꞉fo꞉mela꞉no꞉ kalu dowo꞉ma,” a꞉la꞉sio꞉. 10 Hibu 12.24A꞉la꞉ta꞉ga꞉ Yawe eyo꞉ Ka꞉inbo꞉wo꞉ a꞉la꞉sio꞉, “Gilo꞉ mogago꞉ dimido꞉wo꞉ mo꞉wo꞉ ha꞉? Gaowa꞉ ho꞉bo꞉ hen amilo꞉ tulo꞉ a꞉no꞉ ya꞉la꞉likiyo꞉, ho꞉bo꞉ a꞉ma꞉yo꞉ mogago꞉ gilo꞉ dimido꞉ a꞉no꞉ ko꞉lo꞉ ho꞉ida꞉lab. 11-12 A꞉la꞉fo꞉ko꞉lo꞉ o꞉go꞉ niyo꞉ gemo꞉ towo꞉ halaido꞉ dinali sa꞉ma꞉nigo꞉l. Dagi gilo꞉ma꞉yo꞉ gaowo꞉ sana sowaki, ho꞉bo꞉wo꞉ hen amio꞉ tulo꞉ ko꞉lo꞉, gilo꞉ dimido꞉ a꞉ma꞉yo꞉ o꞉go꞉ hena꞉yo꞉ ge mo꞉asuwa꞉ta꞉mela꞉ib. A꞉la꞉fo꞉ko꞉lo꞉ giyo꞉ eyo꞉ gelalikiyo꞉, hen a꞉ma꞉yo꞉ hendeyo꞉ nafaleyo꞉ mo꞉hele alifa꞉ib. Ge hendo꞉ma dowakiyo꞉, ge mageso꞉ kalu sia꞉mela꞉ib.” Yawe eyo꞉ a꞉la꞉dinali sio꞉. 13 Ka꞉ino꞉ Yawe elo꞉ to sa꞉lab a꞉no꞉ da꞉da꞉sa꞉ga꞉, a꞉ma꞉la꞉ sa꞉laki, “Gilo꞉ falasilo꞉ nemo꞉lo꞉ dimiab we mada alan ko꞉lo꞉, ne o꞉lia꞉yo꞉ mo꞉lilo꞉. 14 O꞉go꞉ ne hen wilo꞉ doma꞉no꞉wo꞉lo꞉ a꞉la꞉ta꞉ga꞉ ge o꞉lia꞉lo꞉ doma꞉no꞉wo꞉, giyo꞉ ne o꞉lusa꞉ndab ko꞉lo꞉, giyo꞉ ne ba꞉ba꞉no꞉ asulo꞉wo꞉ mo꞉doma꞉ib. Ne heno꞉ aundo꞉ma dowakiyo꞉, mageso꞉ kalu o꞉ngo꞉ iliki henfelo꞉ we tambo sia꞉mela꞉no꞉. A꞉la꞉ta꞉ga꞉ kalu abeyo꞉ ne galilialega, ne sana soma꞉ib.” 15 A꞉la꞉sa꞉labiki Yawe eyo꞉ a꞉ma꞉la꞉bo꞉ a꞉la꞉sio꞉, “A꞉la꞉bo꞉ mo꞉auma꞉ib. Kalu noma꞉yo꞉ Ka꞉ino꞉ sa꞉ndalega, niyo꞉ kalu o꞉mo꞉wo꞉ wa꞉dia꞉lowo꞉wo꞉ doma꞉la꞉fo꞉ ko꞉lo꞉ dimia꞉no꞉” Gode eyo꞉ a꞉la꞉saeta꞉ga꞉yo꞉, kalu noma꞉yo꞉ Ka꞉ino꞉ ba꞉da꞉sa꞉ga꞉ sanaetabena꞉kiyo꞉, ele ba꞉ba꞉no꞉ imilig nowo꞉ Ka꞉in eya difa꞉.

16 A꞉la꞉fo꞉ko꞉lo꞉ Ka꞉in e Yawe o꞉lia꞉lo꞉ dofo꞉leno꞉ ta꞉ta꞉sa꞉ga꞉, hen nowa doma꞉ni ane. Hen a꞉no꞉ ene wiyo꞉ Nod. †Hibulu to “Nod” a꞉la꞉do꞉ sa꞉lab a꞉ma꞉ ha꞉go꞉ we, “Madali sia꞉len.” Nod hen a꞉no꞉ Ida꞉n hen ofdo꞉ yan doba꞉da꞉ dowo꞉. 17 Ka꞉ino꞉ inga o꞉lia꞉ alila꞉len ko꞉lo꞉, so꞉wayo꞉ a꞉na alela꞉sa꞉ga꞉, kalu so꞉wa ko꞉lo꞉ sa꞉la꞉li. Ene wiyo꞉ Inog. A꞉la꞉ta꞉ga꞉ eyo꞉ amisa꞉n nowo꞉ dimidakiyo꞉, ene inso꞉wa꞉ wi ko꞉ wikilo꞉. 18 Inog eyo꞉ kalu so꞉wa sa꞉la꞉lia꞉sa꞉ga꞉yo꞉, Ilad wikilo꞉. A꞉la꞉ta꞉ga꞉ Ilada꞉ inso꞉wo꞉ Mehuyael. Mehuyaela꞉ inso꞉wo꞉ Ma꞉tusael. Ma꞉tusaela꞉ inso꞉wo꞉ Lameg. 19 A꞉la꞉ta꞉ga꞉ Lameg e gayo꞉ a꞉la꞉ di. Ga nowo꞉ Ada, nowo꞉ Sila. 20 Ada eyo꞉ Yabal ko꞉lo꞉ sa꞉la꞉li. Helebeso꞉g aya ilikilo꞉ no꞉ fofan man a꞉no꞉ Yabal e ho꞉gi asulo꞉ ko꞉lo꞉ man a꞉no꞉ e mo꞉mo꞉do꞉. 21 Yabala꞉ ene aowa꞉ wiyo꞉ Yubal. Yubal e uluna sa꞉ndan o꞉lia꞉ folan o꞉lia꞉yo꞉ e asulo꞉ ko꞉lo꞉ man a꞉no꞉ e mo꞉mo꞉do꞉. 22 A꞉la꞉ta꞉ga꞉ Sila eyo꞉ kalu so꞉wa, Tubal Ka꞉in ko꞉lo꞉ sa꞉la꞉li. Tubal Ka꞉in e go꞉fo꞉ ki amilo꞉ kelego꞉ ko꞉li ko꞉lilo꞉lo꞉ dimidano꞉ e. Tubal Ka꞉ina꞉ ene adowa꞉ wiyo꞉ Nama.

23 Lamega꞉ ene inga a꞉la꞉mo꞉wo꞉ towo꞉ a꞉la꞉sio꞉,

25 Tif amio꞉ Adama꞉ ene inga o꞉lia꞉ wa꞉ka alila꞉sa꞉ga꞉, kalu so꞉wa nowo꞉ sa꞉la꞉li. Eyo꞉ so꞉wa a꞉no꞉ Sa꞉d wikilo꞉. If eyo꞉ a꞉la꞉sio꞉, “Ka꞉in eyo꞉ A꞉ibolo꞉ sana sowo꞉ ko꞉lo꞉, A꞉ibol dowalu aumbo꞉, so꞉wa we Godeya꞉ nemo꞉ dimi.” 26 A꞉la꞉ta꞉ga꞉ Sa꞉d eyo꞉ kalu so꞉wa nowo꞉ sa꞉la꞉li ko꞉lo꞉ eyo꞉ Inos wikilo꞉. Ho꞉len a꞉namio꞉ kaluka꞉isaleyo꞉ Yaweya꞉ wiyo꞉ a꞉na mo꞉mo꞉da dulugu sa꞉laki wabulu sio꞉.